ЯҢАЛЫКЛАР
2015 елның 26 февралендә Татарстан Республикасы кече һәм урта эшкуарлык субъектларына поручительстволар бирү программасы буенча хезмәттәшлек турында имзаланган килешү кысаларында Татарстан Республикасы Гарантия фонды һәм «МДМ Банк» ААҖ вәкилләренең очрашуы узды.
Чарада «Татарстан Республикасы Гарантия фонды» КБО директоры урынбасары Рәсим Усманов, «МДМ Банк» ААҖнең Казан филиалы директоры Лия Шәйнурова, шулай ук Татарстан Республикасы Икътисад министрлыгы вәкилләре катнашты. Очрашу барышында алга таба хезмәттәшлек итү перспективалары каралды. Очрашу нәтиҗәсендә Гарантия фонды йөкләмәләре катнашында банк тарафыннан кече һәм урта эшкуарлык субъектларына кредитлар бирү эшен активлаштыру турында карар кабул ителде.
Автокала Башкарма комитеты җитәкчесе Наил Мәһдиев, "КАМАЗ" ААҖ генераль директоры Сергей Когогин һәм башка рәсми затлар белән бергә Рөстәм Миңнеханов "Максат" җитештерү-коммерция компаниясе, «ТатПром-Холдинг» ҖЧҖ, «Хитон-Пласт» ҖЧҖ һәм «Лидер КАМА» ҖЧҖләрдә булды. Әлеге предприятиеләр "Мастер" КИПның бишенче мәйданчыгында урнашкан. Ул күптән түгел Россия Икътисади үсеш министрлыгы биргән 200 миллион сум грант акчаларына төзекләндерелгән.
"Максат" җитештерү-коммерция компаниясе кою-чүкү, пресслау, штамплау һәм профильләү, шулай ук порошок металлургиясе алымы белән эшләнмәләр җитештерә. «Лидер КАМА» ҖЧҖ стандарт булмаган металл конструкцияләр проектлау һәм әзерләү өлкәсендә мәшгуль. «ТатПром-Холдинг» ҖЧҖ нефть һәм газ скважиналары өчен ярыклы тимерчыбыклы фильтрлар җитештерә. «Хитон-Пласт» ҖЧҖ "КАМАЗ" автомобильләре өчен пластмасса запас частьләр, шулай ук халык кулланылышы өчен пластмасса эшләнмәләре чыгара.
Татарстан Республикасы Икътисад министрлыгы сайтында сәнәгать предприятиеләре җитәкчеләре һәм белгечләре өчен «Татарстан Республикасы сәнәгатенә дәүләт ярдәме» белешмәлеге урнаштырылды.
Әлеге басмада сәнәгать предприятиеләренә дәүләт ярдәме төрләре һәм ысуллары турында мәгълүмат, статистика мәгълүматы, импортны алыштыру һәм милли куркынычсызлык ягыннан караганда продукциянең һәм хезмәт күрсәтүләрнең өстенлекле төрләре исемлеге, хезмәт җитештерүчәнлеген күтәрү резервларын ачыклау буенча гамәлләр эзлеклелеге күрсәтелгән.
Белешмәлек белән түбәндәге сылтама буенча танышырга була: http://mert.tatarstan.ru/rus/pamyatka-gosudarstvennaya-podderzhka.htm.
Татарстан Республикасы Икътисад министрлыгы тарафыннан, вәкаләтле банклар белән берлектә, Россия Федерациясе Хөкүмәтенең «Россия Федерациясе территориясендә Проектлы финанслау нигезендә гамәлгә ашырыла торган инвестицияле проектларга ярдәм күрсәтү программасын раслау турында»гы 2014 елның 11 октябрендәге 1044нче Карары белән расланган Проектлы финанслау программасында катнашу өчен инвестицияле проектларны сайлап алу бара.
Хәзерге вакытта программада катнаштыру өчен 10 вәкаләтле банк сайлап алынган: «Россия Саклык банкы» ААҖ, «Россельхозбанк» ААҖ, «Альфа-Банк» АҖ, «ВТБ Банк» ААҖ, «Промсвязьбанк» Җәмгыяви акционерлык банкы, «Газпромбанк» ААҖ, «Банк Москвы» ААҖ, «Открытие Финанс корпорациясе» Банкы Җәмгыяви акционерлык җәмгыяте, Халыкара инвестиция банкы, Евразия үсеш банкы.
Кече төркемнәр өчен Кояш системасын төзү, кубны таркату буенча мастер-класслар уздыру планлаштырыла.
Эшләнелгән Тәртип 2015 елда яклар тарафыннан контрактта каралган контрактны үтәү срокларын килештерү, контракт бәясе, товар, эш, хезмәт күрсәтү берәмлеге бәяләре, һәм шулай ук товар саны, эш, хезмәт күрсәтү күләмнәре буенча үзгәртүләр кертергә мөмкинлек бирә. Әлеге норма 2014 елның 31 декабренә кадәр имзаланып, үтәлү вакыты 6 айдан зуррак һәм үтәлү срогы 2015 елда тәмамланырга тиешле контрактларга карый.
Контракт шартларына үзгәртүләр кертү өстәмә килешү аша башкарыла, ә исәп-хисап һәм нигезләү өстәмә килешүгә теркәлгән кушымтада күрсәтелә. Килешү китерелә торган товарның – санын, башкарыла торган эш һәм күрсәтелә торган хезмәтнең күләмен арттыруны күздә тота алмый.
Документ проекты белән түбәндәге сайтта танышырга мөмкин: http://regulation.gov.ru/.
Кече һәм урта бизнес вәкилләре 2015 елның 25 мартыннан 27сенә кадәр уздырылачак «Санкт-Петербург – Россия һәм чит ил төбәкләре» IX Петербург Кече һәм урта бизнес партнериатында катнашуга чакырылалар.
Партнериат структурасы конгресс программасын, эшлекле элемтәләр биржасын, презентацияләр зонасын, күргәзмәләр экспозициясен, консультацияләр бизнес-үзәген үз эченә ала.
Чара турында тулырак: http://partneriat-spb.ru/.
Әлмәт шәһәрендә «Юридик затларның аерым төрләре тарафыннан товарлар, эшләр, хезмәт күрсәтүләрне сатып алу турында» 2011 елның 18 июлендәге 223-ФЗ номерлы Федераль закон нигезләмәләрен тиешле дәрәҗәдә үтәү сорауларына багышланган белем бирү семинары уздырылды.
Семинарда республиканың Әлмәт, Аксубай, Азнакай, Баулы, Бөгелмә, Лениногорск, Нурлат, Сарман муниципаль районнары предприятиеләренең 50дән артык җитәкчесе һәм белгече катнашты.
Семинарда сатып алуларны башкару вакытында киң таралган хаталар һәм җаваплылык төрләре, 2015 елдан сатып алулар турындагы законнарга кертелгән яңалыклар, һәм шулай ук заказчыларның сатып алу эшчәнлеген оптимальләштерү ысуллары каралды.
Киләсе семинар Казанда 2015 елның апрелендә оештырылачак, һәм бу турында Татарстан Республикасы Икътисад министрлыгы сайтында хәбәр ителәчәк.
«Татарстан Стратегиясе – минем Стратегиям!» яшьләр конкурсына тәгаенләнгән проектларыгызны 2015 елның 10 мартына кадәр тапшыра аласыз.
Конкурста яше 16дан 35кә кадәр булган яшь кешеләр катнашырга хокуклы. Коллектив белән катнашу мөмкинлеге дә бар.
Конкурс түбәндәге юнәлешләр буенча уздырыла:
– «Кеше капиталы»;
– «Икътисад»;
– «Пространство-территориаль үсеш».
2015 елның 25 февралендә Казан дәүләт архитектура-төзелеш университетында 2030 елга кадәрге чорга республиканың Социаль-икътисадый үсеше стратегиясенең беренче редакциясен тикшерү буенча «түгәрәк өстәл» оештырылды.
«Түгәрәк өстәлдә» Татарстан Республикасы Икътисад министрлыгы вәкилләре, КДАТУ ректораты, укытучылары, аспирантлары һәм студентлары, һәм шулай ук «Татарстан-2030» проектының җирле офисы вәкилләре һәм проектны эшләүчеләр катнашты.