ЯҢАЛЫКЛАР
Тукай районыннан авыл хуҗалыгы җитештерүчесе Гөлнара Никифорова "Авылда эшкуарлык" программасы кысаларында кошчылык комплексын киңәйтү өчен 4,7 млн. сум күләмендә ташламалы кредит алды. Татарстан Республикасы Икътисад министрлыгына караган Татарстан Республикасы Гарантия фонды кредит буенча поручитель булды.
Утырышта 2020 елга планнар турында фикер алыштылар.
Шәхси ярдәмче хуҗалык алып барудан кергән керемнәргә салым түләргә тиешле фермерлар яңа салым режимына күчәргә һәм ул кулланыла торган төбәкләрдә үзмәшгуль сыйфатында теркәлергә мөмкин.
Казан, 30 гыйнвар. /ТАСС/. Илкүләм проектларны гамәлгә ашырганда Татарстан Дәүләт сатып алулары нәтиҗәләре буенча, шулай ук 2019 елда төзелеш эшләре барышында да, 234 млн.сумга якын бюджет акчасын янга калдырган. Бу хакта пәнҗешәмбе көнне республиканың икътисад министры Фәрит Габделганиев ТАСС хәбәр итте.
Моношәһәрләрне үстерү фонды «Прошагай город» илкүләм квестына йомгак ясады, аның кысаларында Google компаниясе катнашында Россиянең онлайн-картасына 4 меңнән артык яңа объект ясалган. Татарстанның Яр Чаллы шәһәре проектның мактаулы дипломы белән билгеләп үтелгән. Фонд мәгълүматлары буенча, потенциаль туристларның онлайн-карталарыннан файдаланучыларның әлеге моношәһәргә карата кызыксынуы 16%ка арткан.
2019 елда җирле үзидарә органнары һәм халыкка хезмәт күрсәтүче оешмалар җитәкчеләре эшчәнлегенең нәтиҗәлелеге турында сораштыруга йомгак ясалды. Анда республиканың барлык муниципаль берәмлекләреннән 10,6 мең кеше катнашкан. Респондентларның күбесе Татарстан территориясендә 10 елдан артык (84,7%) яши.
2020 елда Татарстан берничә инфраструктура проектын Моношәһәрләрне үстерү фонды тарафыннан финанслашуга гаризалар җибәрәчәк. Бу хакта ТР Президенты Рөстәм Миңнеханов Төбәк проектлары фонды ярдәме белән гамәлгә ашырыла торган проектлар турында фикер алышуга багышланган телекүпер вакытында хәбәр итте.
Стратегик инициативалар агентлыгы Субъектларны үстерүнең иң яхшы социаль-икътисадый практикалары буенча Бөтенроссия конкурсында финалга чыгучылар исемлеген билгеләгән.
Быел Россиядә социаль предприятие статусына ия кече һәм урта эшкуарлык субъектлары исемлеге төзеләчәк. Әлеге исемлеккә «Россия Федерациясендә кече һәм урта эшкуарлыкны үстерү турында» 24.07.2007 ел, №209-ФЗ федераль законның 24.1 статьясында күрсәтелгән шартларга туры килә торган оешмалар керә ала.
2019 ел нәтиҗәләре буенча Инновацияләргә ярдәм фонды Татарстанның кече һәм урта эшкуарларыннан грантлар алу өчен 119 гаризаны хуплаган. Хупланган проектлар буенча грантларның гомуми суммасы 648,5 млн.сум тәшкил итә, бу 2018 елга караганда 2 тапкырга диярлек күбрәк.