ЯҢАЛЫКЛАР

 

 2014 ел дәвамында   республикада Татарстан Республикасы дәүләт хезмәткәрләренең  IV спартакиадасы барды. Ярышлар спортның 9 төре буенча 33 команда арасында оештырылды.

Икътисад министрлыгы командасы гомумкоманда зачетында өченче урынны яулады.

Министрлык командасын әлеге күркәм нәтиҗә белән котлыйбыз! Спортта яңа уңышлар һәм казанышлар телибез.

 

 2014 елның 24 декабрендә «Корстон» Кунакханә-күңел ачу-сәүдә комплексында  («Пушкин» залы) яшҗ эшкуарларның «Татарстан Республикасында яшьләр эшкуарлыгы: вазгыять һәм перспективалар»  йомгаклау конференциясе узачак.

Конференциянең максаты - Татарстан Республикасы муниципаль районнарында һәм шәһәр округларында эшкуарлыкның динамик үсешенең төп юнәлешләрен  тикшерү  өчен конструктив шартлар тудыру  һәм карарлар кабул итү.

 

Алдарак без  игътибарыгызны «Аерым эшчәнлек төрләрен лицензияләү турында» 2011 елның 4 маендагы 99-ФЗ номерлы Федераль законга карата  агымдагы елның 15 ноябрендә үз көченә кергән үзгәрешләргә җәлеп иткән идек.

 

Тәҗрибә шуны күрсәтә:  лицензиягә дәгъва кылучыларның барысы да законга кертелгән үзгәрешләрне игътибар белән үтәми, шуларны исәпкә алып, исегезгә төшерәбез, лицензия алу өчен документлар җыюны җиңеләйтү максатында, югарыда аталган законга кертелгән үзгәрешләргә ярашлы рәвештә,  хәзер  лицензия алу өчен бирелә торган гаризага гамәлгә кую документларын теркәмәскә (элегрәк гамәлгә кую документларының нотариус тарафыннан расланган күчерелмәләрен теркәү мәҗбүри иде) мөмкин.

 

Татарстан Республикасы Президентының  «Татарстан Республикасында  нанотехнологияләр өлкәсендә инновацияле территориаль  кластерлар төзү буенча чаралар турында» 2014 елның 17 октябрендәге УП-988 номерлы Указына ярашлы рәвештә,  Татарстан Республикасы Министрлар Кабинетының 2014 елның 15 декабрендәге 989 номерлы Карары белән,  Татарстан Республикасында  нанотехнологияләр өлкәсендә инновацияле территориаль  кластерлар төзү буенча чаралар планы расланды.

 

2014 елның 18 декабрендә  ТР Сәүдә-сәнәгать палатасында Кече һәм урта эшкуарлык субъектларының кластерлы үсешенең Кама үзәге тарафыннан оештырылган «Компаниянең оптималь структурасы» семинары уздырылды. Семинар  предприятие хуҗаларына һәм җитәкчеләренә йөз тоткан иде. Чараны  бизнес-тренер, гамәлгә куючыларның берсе, компанияләр һәм холдингларның оештыру структурасын төзү,  коррекцияләү һәм оптимальләштерү буенча KaiserConsulting компаниясенең баш консультанты Дмитрий Кайзер алып барды.

«Мин бизнесмен 2015» кыска видеороликлар буенча бөтенроссия конкурсына старт бирелде. Конкурс, «Опора России» иҗтимагый оешмасы белән берлектә, «Контур» Махсуслаштырылган конструкторлык бюросы тарафыннан оештырыла.
«Мин бизнесмен» видеороликлар конкурсы кече һәм урта эшкуарлыкка ярдәм күрсәтү максатыннан булдырыла. Конкурста катнашу кече һәм урта бизнеска ия һәр эшкуарга үз эшен үстерү өчен акча алу һәм бизнесы турында бөтен Россиягә сөйләү мөмкинлеге тудыра. Җиңүчеләр үз бизнесларын үстерү максатына 300 000 һәм 200 000 сум акча алачак.

 

 2014 елның 19 декабрендә Татарстан Республикасы Министрлар Кабинетында «Татнефтехиминвест-холдинг» ААҖ Директорлар  советының чираттагы утырышы узды.

Утырышта электромобиль транспортның икътисадый һәм техник аспектлары каралды. Аерып әйткәндә, электр белән эшли торган пассажир йөртү транспорты чараларын (Электробус) төзү проекты тәкъдир ителде.

 

19 декабрьдә «Татарстанның бизнес-нәтиҗәләре – 2014» эшлекле вакыйгалар атналыгы кысаларында Татарстан Республикасы икътисад министры Артём Здунов  эшкуарларны кабул итте. «Туган авылым»  ресторан комплексында узган тантаналы чарада министр «Ел эшкуары: Алтын йөзлек – 2014» конкурсы җиңүчеләрен бүләкләде. Быелгы конкурста республикасының 45 муниципаль районы вәкиле җиңде, эксперт комиссиясе шулай ук бизнесны алып баруда яңалыклы фикерләү дәрәҗәсен, идарә талантын күрсәткән, маркетинг өлкәсендә югары сыйфат күрсәткеченә ия карарлар тәкъдим итә алган, һәм шулай ук тулаем республика эшкуарлыгы тармагы үсешенә зур  өлеш керткән эшкуарлар арасыннан җиңүчеләрне сайлап алды.

2014 елның 19 декабрендә «Уникс» мәдәният-спорт комплексында
Татарстан Республикасы Икътисад министрлыгы тарафыннан оештырылган «Ел эшкуары: Алтын йөзлек – 2014» конкурсына нәтиҗәләр ясау кысаларында «Кризиста ничек бизнес булдырырга?» дип аталган мастер-класслар сериясе уздырылды.
Үзенең сәламләү сүзендә Татарстан Республикасы икътисад министры Артём Здунов болай дип билгеләп үтте: «Без бизнес атна кысаларында дәүләтнең чыннан да кече һәм урта бизнеска игътибары арткан әлеге елларда ниләр эшләгәнебезгә экспертлар бәясен ишетергә, без күрсәткән ярдәмнең формаларын һәм методларын бәяләргә, бәлки, кайдадыр яңадан башларга, эшли торган эшләребездә өстенлекләрне билгеләргә телибез. Һәм, әлбәттә, боларның берсен дә сезнең белән кире элемтәдән башка эшләп булмый. Барыбыз өчен дә бәйрәм булган бу көннәрдә без бер-беребезгә якыная, рәсми булмаган шартларда сөйләшә-аңлаша алабыз».

2014 елның 18 декабрендә Татарстан Республикасында кече һәм урта эшкуарлыкны үстерү турындагы журналист эшләренә һәм медиа-проектларга V Республика конкурсы җиңүчеләрен бүләкләү тантанасы үткәрелде. Чара «Татарстанның бизнес-нәтиҗәләре – 2014» эшлекле вакыйгалар атналыгы кысаларында узды.
Ел саен уздырыла торган әлеге конкурс Татарстан Республикасында эшкуарлык эшчәнлеген популярлаштыру, эшкуарның уңай образын формалаштыру, кече һәм урта эшкуарлык үсешен яктыртуны көчәйтү максатларында оештырыла.