ЯҢАЛЫКЛАР

26 декабрьдә Яр Чаллы ИТ-паркында Кластерлы үсешнең Кама үзәге ярдәме белән «Кече һәм урта эшкуарлыкны үстерү өчен кластер инициативаларын эшләү» темасына «түгәрәк өстәл» үткәрелә.
«Түгәрәк өстәл»не үткәрү башкарма хакимият органнары, эшкуарлык җәмәгатьчелеге, фән, иҗтимагый оешмалар һәм институтларның ИТ-кластерны үстерү буенча уртак чараларын булдыруга юнәлдерелгән.
«Верное решение» ҖЧҖ җитәкчесе Сергей Маслехин һәм «Кластерлы үсешнең Кама үзәге» җитәкчесе Ленар Әхмәтов «түгәрәк өстәл»нең төп кунаклары булыр, дип көтелә.
Кунаклар докладлар белән чыгыш ясаячак, тулырак итеп үз эшчәнлекләре турында сөйләячәкләр, эшкуарларны кызыксындырган сорауларга җавап бирәчәкләр.
Очрашу кече һәм урта эшкуарлык проблемалары, аларны хәл итү юллары һәм әлеге ИТ-сектор үсеше перспективалары буенча конструктив фикер алышу мәйданчыгына әйләнер, дип ниятләнелә.

Татарстан Республикасы Министрлар Кабинетының «Татарстан Республикасы Министрлар Кабинетының аерым карарларына үзгәрешләр кертү турында» 2014 елның 24 декабрендәге 1020 номерлы Карары белән, Татарстан Республикасы Министрлар Кабинетының «Татарстан Республикасы дәүләт һәм муниципаль хезмәтләр күрсәтүнең күпфункцияле үзәкләре базасында башкарылучы дәүләт, муниципаль һәм башка хезмәт күрсәтүләрнең якынча исемлеген раслау турында» 2012 елның 21 июнендәге 539 номерлы Карары белән расланган Татарстан Республикасы дәүләт һәм муниципаль хезмәтләр күрсәтүнең күпфункцияле үзәкләре базасында башкарылучы дәүләт, муниципаль һәм башка хезмәт күрсәтүләрнең якынча исемлегенә үзгәрешләр кертелде.

2014 елның 12 ае эчендә Татарстан Республикасы Экспортка ярдәм итү үзәге тарафыннан оештырылган һәм үткәрелгән:
- 29 белем бирү семинары һәм тренингы;
- 4 бизнес-миссия: «EXPO-RUSSIA SERBIA» (Белград шәһ., Сербия), «Белпромэнерго» (Минск шәһ., Беларусь), «EXPO-RUSSIAARMENIA» 6нчы Россия - Әрмәнстан Сәнәгать күргәзмәсе (Ереван шәһ., Әрмәнстан Республикасы), «MEDICA-2014» (Дюссельдорф шәһ., Германия).
- 9 промоутер чарасы.
Хәзерге вакытта Татарстан Республикасы Экспортка ярдәм итү үзәгендә 2015 елга чаралар планы төзү буенча эш бара. Татарстан Республикасының экспорт юнәлешле кызыксынган кече һәм урта эшкуарлык субъектлары тәкъдимнәре 8(843) 223-06-74 телефоны буенча яисә tatexport@yandex.ru электрон почтасы аша кабул ителә.

2014 елның 24 декабрендә ТР Муниципаль берәмлекләре советында Татарстан Республикасы Территориаль иҗтимагый үзидарәләренең социаль проектларына конкурс уздыру буенча конкурс комиссиясе утырышы үткәрелде.
Конкурста Татарстан Республикасының 20 муниципаль районы һәм 2 шәһәр округыннан килгән 204 проект катнашты, аларның 116сы финалга чыкты.
Конкурс нәтиҗәләре буенча Конкурс комиссиясе карары белән 30 җиңүче, 41 лауреат, 45тән дә ким булмаган санда конкурс дипломанты билгеләнде.
Грант фондының гомуми зурлыгы 4 млн сумны тәшкил итә.

24 декабрьдә Татарстан Республикасы Халыклар дуслыгы йортында Татарстан Республикасы Премьер-министры урынбасары Васыйл Шәйхразыев рәислегендә Татарстан Республикасында милләтара һәм конфессияара мөнәсәбәтләр мәсьәләләре буенча Ведомствоара эшче төркем утырышы узды.
Утырышта дәүләт милли сәясәтен тормышка ашыруга юнәлдерелгән дәүләт программалары үтәлешенең якынча еллык нәтиҗәләре, һәм шулай ук аларның мәгълүмати тәэмин ителеше тикшерелде,
«2014-2020 елларга Татарстан Республикасы икътисадый үсеше һәм инновацияле икътисады» дәүләт программасының «2014-2016 елларга Татарстан Республикасында социаль юнәлешле коммерциячел булмаган оешмаларга ярдәм» подпрограммасы үтәлешенең якынча нәтиҗәләре турында»гы доклад белән Татарстан Республикасы икътисад министрының беренче урынбасары Сәрия Сираҗиева чыгыш ясады.

Татарстан Республикасы Икътисад министрлыгы тарафыннан 2014 елның гыйнвар – ноябрь айлары өчен Татарстан Республикасы муниципаль районнары һәм шәһәр округлары социаль-икътисадый үсешенең айлык рейтингы әзерләнде.
2014 елның гыйнвар – ноябрь айлары өчен гомуми рейтингта Казан шәһәре (1 урын), Әлмәт (2 урын) һәм Лаеш (3 урын) муниципаль районнары алда бара.
2014 елның гыйнвар – ноябрь айлары өчен рейтингта иң зур үзгәрешләргә Теләче (+5 позиция) һәм Мамадыш (+4 позиция) муниципаль районнары иреште. Әлеге үзгәрешләр кайбер күрсәткечләрнең яхшыруына бәйле: теркәлгән эшсезлек дәрәҗәсенең кимүе, куллануга тапшырылган торак йортларның гомуми мәйданы үсеше темпларының күтәрелүе һәм предприятиеләрнең өстәмә кыйммәт күләмнәренең артуы.

 

2014 елның 24 декабрендә  бишенче чакырылыш Татарстан Республикасы  Дәүләт Советы депутатлары дүртенче утырышларында  беренче укылышта «Татарстан Республикасында стратегик планлаштыру турында» закон проектын кабул иттеләр.

Утырыш барышында  депутатлар парламентка кермәгән сәяси партияләр тәкъдимнәрен тыңладылар. Араларында закон проектын эшкәртеп бетерү вакытында республика халкының һәм профоюзларның фикерен исәпкә алуның кирәклеге, законда планлаштыру һәм фаразлауларның конкрет бурычларын һәм механизмнарын билгеләү, һәм шулай ук ихтыяҗ туганда фаразларга төгәллекләр кертү кебек тәкъдимнәр яңгырады.

 

 2014 елның 23 декабрендә  Татарстан Республикасы Икътисад министрлыгында кече һәм урта эшкуарлыкка мөлкәти ярдәм күрсәтү  инфраструктурасы субъектларына аккредитация турында таныклыклар тапшыру буенча быелның соңгы тантанасы узды.

 2014 елның 3 декабрендә узган комиссия утырышы нәтиҗәләре буенча Татарстан Республикасының муниципаль дәрәҗәдәге  1 сәнәгать (индустриаль) паркы һәм 8 сәнәгать мәйданчыгы аккредитация алды.

Барлыгы 2014 ел йомгаклары буенча муниципаль дәрәҗәдәге  2 сәнәгать паркы һәм  23 сәнәгать мәйданчыгы аккредитацияләнде.

 

 Россия Федерациясе Икътисадый үсеш министрлыгы  КПМГ компаниясе белән бергә Кече һәм урта эшкуарлыкка ярдәм программасының нәтиҗәлелегенә анализ ясый. Әлеге анализ кысаларында Программа буенча ярдәм алган оешмалар арасында сораштырулар оештырыла.

Сораштыруларда канташу өчен,  2015 елның 30 гыйнварына кадәр анкета тутырып җибәрүегез сорала.  Анкетада ярдәм алганга кадәрге 2 ел һәм аннан соңгы еллар өчен мәгълүматны күрсәтергә кирәк (әйтик, сез 2012 елда ярдәм алдыгыз, димәк, 2010-1014 еллар өчен мәгълүмат тутырылырга тиеш)

 

2014 елның 22 декабрендә Татарстан Республикасы Сәүдә-сәнәгать палатасында  Татарстан Республикасында уңай инвестицияле климатны тәэмин итү буенча Россия Федерациясе субъектының башкарма хакимияте органы эшчәнлеге стандартын мониторинглау буенча Эксперт төркеменең юнәлеш бирүче утырышы узды.