ЯҢАЛЫКЛАР
Россия Федерациясе Сәнәгать һәм сәүдә министрлыгы тарафыннан Россия Федерациясе Хөкүмәтенең 2013 елның 24 декабрендәге 1224нче карарына үзгәрешләр кертү проекты эшләнгән.
Татарстан Республикасы Икътисад министрлыгында эшкуарларның инициативалы төркеме вәкилләре белән очрашу оештырылды. Очрашуда эшкуарлар азык-төлек продуктлары җитештерүнең яңа линияләрен ачу проекты белән таныштырдылар. Татарстан Республикасы Икътисад министрлыгы әлеге проектка дәүләт ярдәме күрсәтүнең мөмкин ысулларын тәкъдим итте.
Татарстан Республикасы Икътисад министрлыгы «ЛИЗИНГ-ГРАНТ» программасы буенча субсидия формасындагы дәүләт ярдәмен алуга Татарстан Республикасы кече һәм урта эшкуарлык субъектларын сайлап алу конкурсы башлануы турында игълан итә.
Конкурс сайлап алуларында катнашуга гаризалар «Татарстан Республикасы кече һәм урта эшкуарлыгына ярдәм күрсәтү һәм үстерү программаларын тормышка ашыру үзәге» Дәүләт казна учреждениесе тарафыннан 2015 елның 23 апреленнән 2015 елның 22 маена кадәр дүшәмбе – пәнҗешәмбе көннәрендә Мәскәү сәгате белән 9:00дән 18:00гә кадәр һәм җомга көнне 9:00 дән 16:45кә кадәр түбәндәге адрес буенча кабул ителә: Казан ш., Мәскәү ур., 55, 125нче кабинет. Гаризаларны шулай ук Татарстан Республикасы Эшкурлыкка ярдәм итү үзәге вәкиллекләрендә дә бирергә мөмкин.
Татарстан Республикасы Икътисад министрлыгы кара металл, төсле металл калдыкларын җыю, саклау, эшкәртү һәм сату эшчәнлеген лицензияләүне тормышка ашыру кысаларында 2015 елның 1 кварталында башкарылганнарга йомгак ясый. Бүгенге көндә лицензияләр реестрында металл калдыкларын җыю һәм эшкәртү буенча 331 пунктта эшчәнлек алып баручы 87 юридик зат һәм шәхси эшкуар теркәлгән.
2015 елның 16 апрелендә Татарстан Республикасы икътисад министры урынбасары – Эшкурлыкны үстерү департаменты башлыгы Рөстәм Сибгатуллин «Бизнес-ассоциацияләрнең хакимит органнары белән хезмәттәшлеге: нәтиҗәгә юнәлеш» республика конференциясендә катнашты. Конференция эше барышында Татарстан Республикасы башкарма хакимияте органнарының бизнес-ассоциацияләр белән хезмәттәшлеге сораулары, һәм шулай ук әлеге хезмәттәшлекнең нәтиҗәлелеген күтәрү мәсьәләләре каралды.
2015 елның 6 апреленнән 29 апреленә кадәр Казан (Идел буе) федераль университеты базасында «Нәтиҗәле идарә: стратегиядән гамәлләргә» программасы буенча квалификация күтәрү курслары уздырыла. Курслар Татарстан Республикасы дәүләт органнары җитәкчеләре урынбасарларының һөнәри белемнәрен үстерүгә юнәлдерелгән.
2015 елның 15 апрелендә Татарстан Республикасы икътисад министры Артём Здунов «Алабуга» сәнәгать-җитештерү тибындагы махсус икътисадый зонада үз эшчәнлекләрен алып бара торган Кама инновацияле территориаль-җитештерү кластеры предприятиеләре өчен кадрларны максатчан әзерләүне субсидияләү программасын тикшерү буенча киңәшмә уздырды.
2015 елның 13 апреленнән 15 апреленә кадәр Кама инновацияле территориаль-җитештерү кластерында катнашучы кече һәм урта бизнес субъектлары өчен Түбән Новгород өлкәсенә бизнес-миссия оештырылды. Әлеге сәфәрнең максаты – кече һәм урта эшкуарлыкка ярдәм итү һәм автокомпонентлар җитештерү белән шөгыльләнгән сәнәгать предприятиеләренә заказлар җәлеп итү.
2015 елның 15 апрелендә Татарстан Республикасы Икътисад министрлыгында Татарстан Республикасы икътисад министры Артём Здунов рәислегендә Россия Федерациясе Мөселман эшкуарлары ассоциациясе вәкилләре белән киңәшмә уздырылды.
2015 елның 14 апрелендә Татарстан Республикасы икътисад министры урынбасары – Эшкуарлыкны үстерү департаменты башлыгы Рөстәм Сибгатуллин Кырым Республикасы Башлыгы Сергей Аксенов белән очрашты.