ЯҢАЛЫКЛАР
2015 елның 20 апреленнән 27 апреленә кадәр Татарстан Республикасында «Язгы игелеклелек атнасы – яхшы эшләр эстафетасы #ИГЕЛЕКЛЕТАТАРСТАН» ирекле акциясе уза.
Акция җирле җәмгыятьнең социаль проблемаларын чишүдәге мөһим ресурс буларак ирекле, үз теләгең белән катнашу идеясен алга этәрүгә һәм халыкның гражданлык активлыгын арттыруга хезмәт итәргә тиеш.
БРИКС Яшьләр саммитында катнашу өчен кандидатларны сайлап алулар 2015 елның 16 маена кадәр дәвам итәчәк.
Сайлап алуларда катнашу өчен Россия вузлары студентлары, аспирантлары, уку йортын яңарак тәмамлаганнар, яшьләр иҗтимагый оешмалары вәкилләре, яшь журналистлар һәм Россия Федерациясе гражданлыгына ия, яше 30га кадәрге экспертлар чакырыла. Конкурста җиңүчеләр делегация составына керәчәкләр һәм Саммитта Россия яшьләре исеменнән катнашачаклар.
18 апрель көнне Татарстан Республикасы Министрлар Кабинеты каршындагы Икътисадый советның 2015 елның 1 кварталында Татарстан Республикасы икътисадының тотрыклы үсешен һәм социаль тотрыклылыкны тәэмин итү буенча беренчел чаралар планын тормышка ашыруга багышланган утырышы узды. Утырышта Татарстан Республикасы Президенты вазыйфаларын вакытлыча башкаручы Рөстәм Миңнеханов катнашты.
Утырышны ачып, Рөстәм Миңнеханов Планны кабул иткәннән соң икътисадта кайбер үзгәрешләр барлыкка килүен билгеләп үтте. Кулланучылык һәм инвестицион ихтыяҗның кимүе сәбәпле, икътисадның төп секторларында күрсәткечләрнең түбәнәюе күзәтелә.
Татарстан Республикасы Икътисад министрлыгына, җайлау йогынтысын бәяләүне үткәрү өчен, Татарстан Республикасы Министрлар Кабинетының «Татарстан Республикасы Министрлар Кабинетының «Татарстан Республикасы территориясендә җирле әһәмияттәге җир асты байлыклары участокларыннан файдалану тәртибен раслау турында» 2011 елның 4 ноябрендәге 917нче карары белән расланган Татарстан Республикасы территориясендә җирле әһәмияттәге җир асты байлыклары участокларыннан файдалану тәртибенә үзгәрешләр кертү турында»гы карары проекты керде.
Татарстан Республикасына Волгоград өлкәсе Быковск муниципаль районы администрациясе башлыгы Наталья Поволокина җитәкчелегендәге Волгоград өлкәсе Муниципаль берәмлекләре советы делегациясе эш сәфәре белән килде.
2015 елның 17 апрелендә Татарстан Республикасы Муниципаль берәмлекләре советында делегациянең Татарстан Республикасы Муниципаль берәмлекләре советы җитәкчелеге һәм республика министрлыклары вәкилләре белән очрашуы оештырылды. Татарстан Республикасы Икътисад министрлыгыннан очрашуда икътисад министры урынбасары Наталья Таркаева катнашты.
Россия Федерациясе Икътисадый үсеш министрлыгы тарафыннан Россия Федерациясе Хөкүмәтенең «Административ регламентларны эшләү һәм раслау тәртибен камилләштерүгә бәйле рәвештә Россия Федерациясе Хөкүмәтенең кайбер актларына үзгәрешләр кертү турында» карар проекты басылды.
Карар проектында административ регламентларны кәгазь формадагы норматив хокукый актлар буларак эшләү һәм раслау процессларын тиешле мәгълүматларны Дәүләт хезмәт күрсәтүләренең (функцияләренең) федераль реестрына (ДХФР) кертү һәм Дәүләт һәм муниципаль хезмәт күрсәтүләрнең бердәм порталына (ДХБП) урнаштыру процесслары белән интеграцияләргә тәкъдим ителә.
Илебездә тоташ металл самолет төзелешенә нигез салучы, СССР Фәннәр академиясе генераль конструкторы Андрей Николаевич Туполев исемендәге Халыкара премия 2014 елда Татарстан Республикасы Президенты Рөстәм Миңнеханов указы нигезендә гамәлгә куела.
Халыкара премия инженер фәннәре өлкәсенә караган фән һәм техника өчен мөһим зур фәнни хезмәтләр, фәнни ачышлар һәм уйлап табулар өчен Россия һәм чит ил галимнәрен бүләкләү максатында булдырыла.
Дәүләт хезмәте күрсәтүне сорап мөрәҗәгать иткәндә соралган мәгълүмат буенча эшкуарлар өчен артык таләпләрнең кыскаруына китерә торган федераль закон проекты Дәүләт Думасы тарафыннан кабул ителде һәм Федерация Советында хупланды.
17 апрель көнне Мәскәүдә «Яңа проектларны алга этәрү буенча стратегик инициативалар агентлыгы» КБАО Россия Федерациясе субъектлары башкарма хакимияте төбәк органнарының матбугат хезмәтләре өчен киңәшмә үткәрде. Киңәшмәдә Россиянең 41 төбәгенннән килгән вәкилләр катнашты.
2015 елның 17 апрелендә Татарстан Республикасы икътисад министры урынбасары – Эшкуарлыкны үстерү департаменты башлыгы Рөстәм Сибгатуллин Татарстан Республикасы Текстиль һәм җиңел сәнәгать эшкуарлары берлеге җитәкчесе Илдар Зарипов һәм Татарстан Республикасы Текстиль һәм җиңел сәнәгать эшкуарлары берлеге Идарәсе рәисе Татьяна Федорова белән очрашты.