ЯҢАЛЫКЛАР
Исегезгә төшерәбез, 2016 елның сентябреннән «Минем документларым» челтәренең Казан, Яр Чаллы, Түбән Кама, Алабуга һәм Чистай шәһәрләрендә урнашкан 5 махсуслаштырылган офисы эшкуарлар өчен («Бизнес өчен КФҮ») эшли.
Агымдагы елның 20 октябрендә Татарстан Республикасы Дәүләт Советында «2017 елга һәм 2018, 2019 елларның план чорына Татарстан Республикасы бюджеты турында» закон проекты буенча парламент тыңлаулары үтте. Татарстан Республикасы икътисад министры Артём Здунов 2017-2019 елларга Татарстан Республикасы социаль-икьтисадый үсеше фаразы буенча депутатлар каршында доклад белән чыгыш ясады.
Татарстан Республикасы Икътисад министрлыгы сайтында «Эшкуарлык субъектларының җиһазлар сатып алуга бәйле чыгымнары өлешен субсидияләү» чарасы буенча ярдәм күрсәтү буенча Конкурс комиссиясе утырышының 2016 елның 20 октябрендәге 3\ПП номерлы беркетмәсе урнаштырылды.
Татарстан Республикасында 2016 елның маеннан дәүләт һәм муниципаль учреждениеләр тарафыннан күләме 100/400 мең сумга кадәрге азык-төлек продуктларын сатып алулар «Татарстан Республикасы Биржа мәйданчыгы» (bp.zakazrf.ru) электрон ресурсында башкарыла.
Бүген Татарстан Республикасы Президенты Рөстәм Миңнеханов Татарстан Республикасы Хөкүмәте Йортында «Иннополис» махсус икътисадый зонасының Күзәтүчеләр советы утырышын уздырды, анда ИТ-компанияләрнең 6 проекты каралды, инвестицияләрнең гомуми күләме 474,93 млн. сум тәшкил итә.
Татарстан Республикасы Дәүләт Советының Икътисад, инвестицияләр һәм эшкуарлык комитетының агымдагы елның 20 октябрендә комитет рәисе урынбасары Марат Галиев үткәргән утырышының көн тәртибендә торган төп сорау 2017 елга һәм 2018, 2019 елларның план чорына Татарстан бюджеты проектын тикшерү булды. Утырышта ТР Дәүләт Советы Рәисе урынбасары Юрий Камалтынов катнашты.
Татарстан Республикасы Икътисад министрлыгы Татарстан Республикасында кече һәм урта эшкуарлыкка дәүләт ярдәме чаралары комплексы кысаларында икенче ел рәттән Татарстан Республикасы муниципаль берәмлекләрендәге КУЭ субъектлары өчен «Бизнес Десант» дип аталган бушлай белем бирү семинарлары сериясен оештыра. Чаралар 2016 елның ноябрь-декабрь айларында Татарстан Республикасы муниципаль берәмлекләренең һәрберсендә үткәреләчәк. Эшкуарлар өчен Казанда оештырылачак йомгаклау семинарында Татарстан Республикасы икътисад министры Артём Здунов катнашыр, дип көтелә.
Татарстан Республикасы Икътисад министрлыгында 2016 елның 19 октябрендә дәүләт контроленең (күзәтчелегенең) аерым төрләрен оештырганда куркынычны булдырмый калуга юнәлдерелгән ысулларны куллану сорауларына багышланган киңәшмә үтте. Киңәшмәдә төбәк контроле (күзәтчелеге) вәкаләтләрен башкаручы Татарстан Республикасы дәүләт хакимиятенең башкарма органнары вәкилләре катнашты.
«Яңа проектларны алга этәрү буенча стратегик инициативалар агентлыгы» АКБО 2017 елда Форсайт-флотны үткәрү хокукына төбәк командалары арасында конкурс оештыра.
Татарстан Республикасы Икътисад министрлыгында 2016 елның 21 октябрендә 14.00 сәгатьтә Татарстан Республикасы икътисад министры каршындагы Коррупциягә каршы тору комиссиясе утырышы уздырылачак.