ЯҢАЛЫКЛАР
2020 елның 21 нче һәм 22 нче май көннәрендә иң зур халыкара Startup Village LiveStream ’20 виртуаль онлайн-only конференциясе узачак. Ул «Сколково» фондының 10 еллыгына багышланган. Яңа технологияләр ярдәмендә 15 меңнән артык катнашучы иң кызыклы лекцияләр һәм сессияләрне карый, инвесторлар һәм менторлар белән очраша, шулай ук спикерлар һәм дөньяның теләсә кайсы почмагыннан реаль вакыт режимында бер-берсе белән аралаша алачак.
Икътисад министрлыгы, «КУЭны үстерү һәм ярдәм итү программаларын гамәлгә ашыру үзәге» һәм Delivery Club әзер ризыклар китерү агрегаты белән берлектә, Республика рестораннарыннан әзер ризыкларга заказ биргәндә һәр татарстанлыга 10% ташлама алу мөмкинлеге бирә торган акцияне башлап җибәрә. Ташлама 18 нче майдан CRPP промо коды буенча гамәлдә булачак. Акция COVID-19 пандемиясе шартларында китереп бирү хезмәтләрен күрсәтә башлаган Татарстан рестораторларына ярдәм итүгә юнәлдерелгән. Элегрәк Үзәк азык-төлек продуктлары һәм эчемлекләр бирү сегментында эшләүче эшкуарларның ризык китерү сервислары комиссияләре өчен түләүгә бәйле чыгымнарын 100% субсидияләү программасын башлап җибәргән иде.
ТР Икътисад министрлыгы ярдәме белән гамәлгә ашырыла торган Бизнес һәм күзәтчелек органнарының үзара хезмәттәшлеге мәсьәләләре буенча «Сыналган бизнес» интернет-ресурсы «Цифрлы үсеш» номинациясендә фаворит булган.
Республика икътисадының тотрыклы үсешен тәэмин итү буенча эшче төркем вәкилләре белән чираттагы мәртәбә Мидхәт Шаһиәхмәтов җитәкчелегендә узган видеокиңәшмә халыкның мәшгульлеген һәм керемнәрен яңадан торгызуны, икътисадтагы үсешне һәм озак сроклы структур үзгәрешләрне тәэмин итүче федераль һәм республика планнарына кертү өчен тәкъдимнәргә багышланды.
14 нче май көнне Илкүләм проектлар турында мәгълүмат җиткерү һәм аларны гамәлгә ашыруда ярдәм күрсәтү мәсьәләләре буенча «Бердәм Россия» БСП Татарстан төбәк бүлеге Төбәк сәяси советы президиумы комиссиясенең ТР муниципаль берәмлекләрендәге комиссияләр белән уртак утырышы булды.
Эшкуарларны Covid-19 шартларында интернет-кибет оештыру күнекмәләренә өйрәтү максатында «iShop-Start – нульдән башланган Интернет кибете» дигән онлайн-интенсив узачак. Россия Федерациясе Икътисадый үсеш министрлыгы һәм «Эшлекле кешеләр берлеге» иҗтимагый оешмасы тарафыннан оештырылган чара 2020 елның 18-22 нче май көннәрендә булачак.
РФ Хөкүмәте коронавирус пандемиясеннән зыян күргән тармаклар исемлеген киңәйткән. Исемлекне халыкның сәнгать һөнәрләре эшләнмәләре җитештерүче предприятиеләр, шулай ук вендинг автоматлары аша сәүдә итүче предприятиеләр тулыландырган.
Икътисад министры Мидхәт Шаһиәхмәтов җитәкчелегендә Республика икътисадының тотрыклы үсешен тәэмин итү буенча эшче төркем вәкилләре бизнеска һәм халыкка ярдәм итү чараларының яңа пакеты, шулай ук муниципалитетлар тарафыннан урыннарда эшкуарлык җәмәгатьчелеге белән актив эш алып барырга кирәклеге турында фикер алышты. Киңәшмә видео-конференциянең гадәти форматында узды.
Россия Икътисадый үсеш министрлыгы «Россия Федерациясе Шәһәр төзелеше кодексына үзгәрешләр кертү турында»гы федераль закон проекты буенча гавами консультацияләр үткәрә.
Әлеге платформа хокук саклау органнары ягыннан үзләренә басым ясалуга бәйле рәвештә эшкуарларның мөрәҗәгатьләрен кабул итү өчен электрон ресурс булып тора.