ЯҢАЛЫКЛАР
Татарстанда «Теләче» сәнәгать паркының беренче чиратының икенче этабын төзү төгәлләнгән. Проектны гамәлгә ашыру өчен федераль һәм республика бюджетларыннан 53,1 млн. сум акча җибәрелгән, шулай ук 10,1 млн. сум күләмендә шәхси инвестицияләр җәлеп ителгән. Парк төзелеше «Кече һәм урта эшкуарлык һәм эшкуарлык инициативасына ярдәм итү» илкүләм проекты ярдәмендә гамәлгә ашырылган, программа нигезендә КУЭ субъектлары өчен производство мәйданнарыннан һәм биналарыннан ташламалы файдалана алу мөмкинлеген тәэмин итәргә кирәк.
27 нче апрельдән башлап, ТР Икътисад министрлыгына караган Эшкуарлыкка ярдәм фонды 1% ташламалы микрозаймнар бирә башлады. Бүгенге көндә 30 миллион сумнан артык суммага 31 «бер процентлы» микрозайм бирелгән. Фонд продукты 2 елга кадәр срокка 100 меңнән 2 млн сумга кадәр кредит алу мөмкинлеген күздә тоткан. Эшкуарлар үтенече буенча, Татарстан Президенты Рөстәм Миңнеханов белән килешенеп, займ срогы 3 елга кадәр арттырылган.
Барлык компанияләр һәм эшкуарлар да ярдәм ала алмаган: чөнки зыян күргән тармакта эшләсәләр дә, аларның төп ОКВЭД коды бу тармакка карамаган.
Үз эшең белән шөгыльләнү, аны үстерү, яңа проектлар булдыру – ул, чыннан да, хөрмәткә һәм төрле яклап ярдәмгә лаек зур хезмәт.
Татарстан Республикасы Икътисад министрлыгы Россия эшкуарлыгы көнендә Татарстан Республикасы Президенты Рөстәм Миңнеханов катнашында бизнес өчен масштаблы онлайн-форум үткәрәчәк. Бөтен илдән эшкуарлар, экспертлар һәм аналитиклар бер урында очрашачак һәм көн дәвамында тәҗрибә, эш кейслары һәм кризис шартларында бизнесны алып бару турында файдалы практик мәгълүмат белән уртаклашачак.
Икътисадтагы кризис вәзгыяте интернет-сәүдәнең тотрыклы үсешенә этәргеч булды. Соңгы 3 айда республикадагы товар белән тәэмин итүчеләр саны һәм аларның онлайн-платформаларда сату күләме 1,5 тапкырга арткан, ә Wildberries онлайн-мәйданчыгында Татарстаннан товар белән тәэмин итүчеләрнең сату күләме 3 тапкырга арткан. Югарыда санап үтелгән компанияләрнең вәкилләре республика икътисадының тотрыклы үсешен тәэмин итү буенча эшче төркем әгъзалары белән ВКС-киңәшмә кысаларында мәйданчыкларда эш өстенлекләре, тәэмин итүчеләр сыйфатында хезмәттәшлекнең төп шартлары һәм продукцияне маркетплейслар аша чыгару турында сөйләде.
Теркәлгән коммерциясез оешмалар саны буенча Идел буе федераль округында Татарстан Республикасы алдынгы позицияләрнең берсен алып тора. Әйтик, 2020 елның 1 нче гыйнварына Татарстан Республикасында 5 847 коммерциясез оешма теркәлгән. Бүген социаль юнәлешле коммерциясез оешмаларга, зыян күргән тармаклар белән беррәттән, салымнар һәм иминият кертемнәрен кичектереп түләү мөмкинлеге, аренда түләүләрен кичектереп тору һәм елына 2% белән ташламалы кредит алу мөмкинлеге бар.
Татарстанда «Саба» индустриаль паркы төзелеп беткән, проектны гамәлгә ашыру өчен федераль һәм республика бюджетларыннан 307,2 млн.сум акча бүлеп бирелгән, шулай ук 77,2 млн. сум күләмендә шәхси инвестицияләр җәлеп ителгән. Парк төзелеше «Кече һәм урта эшкуарлык һәм эшкуарлык инициативасына ярдәм итү» илкүләм проекты ярдәмендә мөмкин булган, программа нигезендә КУЭ субъектлары өчен производство мәйданнарыннан һәм биналарыннан ташламалы файдалана алу мөмкинлеген тәэмин итәргә кирәк.
Республика маркетинг үзәге (РМҮ) 2019 елның 5 нче маенда оештырылды. Бер ел эчендә Үзәкнең сатып алу модуле аша 3700дән артык оешма табыш алган. РМҮ эш концепциясе ачыкланган инвестиция юнәлешләрен үзләштерүне күздә тота. Килеп туган икътисадый вәзгыятьне исәпкә алып, эшкуарларның үз производстволарын эшләтеп җибәрү, яңа бизнесны нульдән башлап җибәрү, дәүләт тарафыннан мондый предприятиеләргә һәрьяклы ярдәм булганда эш урыннары һәм кооперация элемтәләре булдыру мөмкинлеге бар.
«Кече һәм урта эшкуарлык һәм шәхси эшкуарлык инициативасына ярдәм» илкүләм проектын гамәлгә ашыру кысаларында 2019 елда «Минем бизнес» үзәге оештырылган иде. 2020 ел башыннан үзәк тарафыннан 6100 артык хезмәт күрсәтелгән. Карантин чаралары чорында үзәк физик затларга да, эшкуарларга да кризиска каршы чараларга кагылышлы мәсьәләләрдә ярдәм күрсәтүен дәвам итте. Шулай ук бизнесны агымдагы шартларга тиз җайлаштыру өчен онлайн-класслар оештырылды, алар барышында эшкуарлар кризистан чыгу буенча гамәли күнекмәләр ала.