ЯҢАЛЫКЛАР
Республиканың 4 моношәһәреннән 28 предприятие коронавирустан саклану чаралары җитештерүчеләр исемлегенә кергән, алар Россиядәге башка шәһәрләрне, кирәк булганда, тәэмин итәргә әзер. Исемлек, ВЭБ.РФ дәүләт корпорациясе белән берлектә, Моношәһәрләрне үстерү фонды тарафыннан монотерриторияләрдә яшәүчеләрне битлекләр, антисептиклар, саклагыч костюмнар һәм пандемия таратуга каршы көрәштә кирәкле башка продукция белән тәэмин итү өлешендә ярдәм итү өчен формалаштырылган.
Бүген Татарстан Республикасы Икътисад министрлыгында Россия Федерациясе Федераль Җыены Дәүләт Думасы депутаты Ирек Зиннуров җитәкчелегендәге 14 нче эшче төркем утырышы узды. Чара видеоконференцэлемтә режимында узды.
Татарстанның кайбер оешмалары илнең система барлыкка китерүче предприятиеләре исемлеген тулыландырырга мөмкин. Республика икътисадын тотрыклы үстерү планын гамәлгә ашыру буенча эшче төркем әгъзалары әлеге һәм башка мәсьәләләр турында фикер алышты. Чара шәһәр округлары һәм муниципаль районнар катнашында видеоконференция режимында узды. Муниципаль берәмлекләрдә тормышка ашырыла торган кризиска каршы чаралар турында фикер алышу максатларында Аксубай һәм Биектау районнары эшче төркемгә үз докладларын тәкъдим итте. Фикер алышуның тагын бер темасы – РФ Президентының чикләүләр режимыннан чыгу һәм ил икътисадын алга таба тотрыклыландыру карары.
КУЭ субъектларына 2020 елның апрель, май һәм июнь айлары өчен аренда түләүләрен 2021 ел азагына кадәр түләү вакыты белән кичектереп тору рәвешендә ярдәм итү яки 2020 елның апрель, май һәм июнь айларында аренда түләүләрен түләүдән азат итү тәкъдим ителә.
Россия Федерациясе Президентының «2025 елга кадәр чорга Россия Федерациясе Төбәк үсеше дәүләт сәясәте нигезләрен раслау турында»гы указында билгеләнгән барлык тармакларда һәм тормыш өлкәләрендә Россия төбәкләрендәге халыкларга ярдәм күрсәтү алымнарын камилләштерү мәсьәләләрендә РФ субъектларының дәүләт программасы чараларын гамәлгә ашыру тенденцияләре турында киң даирә җәмәгатьчелеккә мәгълүмат бирү бурычларына таянып, «Новости России» мәгълүмат агентлыгы һәм «Экономическая политика России» журналы редакциясе «Новости регионов России» РМА дигән төбәк яңалыклар агентлыгын оештыра: https://regioninformburo.ru/
Республиканың тармак министрлыкларына система барлыкка китерүче предприятиеләр эшчәнлегенең финанс-икътисадый күрсәткечләренә мониторинг ясарга һәм аларның федераль ярдәм чаралары алуына бәйле эшне оештырырга кирәк. Бу хакта республика икътисадын тотрыклы үстерү планын гамәлгә ашыру буенча эшче төркемнең көн саен үткәрелә торган киңәшмәсендә Татарстан Республикасы икътисад министры урынбасары Олег Пелевин хәбәр итте. Чара шәһәр округлары һәм муниципаль районнар катнашында видеоконференция режимында узды. Азнакай һәм Кайбыч районнары эшче төркемгә үз докладларын тәкъдим итте. Фикер алышуның тагын бер темасы – икътисадның зыян күргән тармакларының урта һәм эре предприятиеләренә эш хакы түләү өчен процентсыз кредитлар программасын киңәйтү.
2020 елның 30 нчы апрелендә Татарстандагы автомобиль эше вәкилләре өчен «Краш-тест: автомобиль өлкәсендә кризис» темасына онлайн-дәрес узачак. Дәреснең спикерлары булып автосалон һәм техник хезмәт күрсәтү сервислары хуҗалары чыгыш ясаячак. Вебинар республика эшкуарлары өчен Татарстан Республикасы Икътисад министрлыгы тарафыннан эшләтеп җибәрелгән «Фабрика PRO: Антикризис» бушлай курсы кысаларында узачак.
ТР Икътисад министрлыгына караган Эшкуарлыкка ярдәм фонды «Бер процентлы» программа буенча беренче микрозайм биргән. Ташламалы ставка буенча микрозаймнар 27 нче апрельдән башлап бирелә һәм ТР Икътисад министрлыгы тарафыннан эшләнгән, аеруча зыян күргән эшкуарлар исемлегенә кертелмәгән һәм эшчәнлекләре элегрәк федераль һәм республика ярдәм чаралары белән колачланмаган кече һәм урта эшкуарлык субъектларына юнәлдерелгән ярдәм чаралары пакеты ярдәмендә мөмкин булды.
29 нчы апрельдә Татарстан эшкуарлары өчен «Кризис вакытында сату бүлегендәге хезмәткәрләрне өйрәтү: хуплау һәм каршы килү» темасына онлайн-дәрес узачак. Дәреснең спикеры – «Привилегия» компанияләре төркеме генераль директоры Андрей Голованов. Вебинар республика эшкуарлары өчен Татарстан Республикасы Икътисад министрлыгы тарафыннан эшләтеп җибәрелгән «Фабрика PRO: Антикризис» бушлай курсы кысаларында узачак.