ЯҢАЛЫКЛАР
Бүген Казанда «Казан Экспо» күргәзмә үзәгендә IoT & AI World Summit Russia III Бөтендөнья цифрлы саммиты башланды. Ачылу тантанасында фантаст Сергей Лукьяненко, робот-флейтчы Эльза һәм «Промобот» ширкәтенең робот-консьержы чыгыш ясады. Әйберләр интернетына һәм ясалма интеллектка багышланган чарада Татарстан Республикасы икътисад министры урынбасары Индира Киреева катнаша.
Яңа программа эшмәкәрләрне кредитлар буенча процент йөкләмәләреннән азат итәчәк. Гаризалар кабул итү 2019 елның 3 октябрендә башлана.
Әйләнештәге акчаларны тулыландыру өчен Тәтеш районыннан «Колос» агрофирмасы 10 млн сум алды. Татарстанның Икътисад министрлыгы карамагындагы Гарантия фонды 4,5 млн сумлык җаваплыкны үс өстенә алучы булды.
Фәнни-техник өлкәдә предприятиеләрнең кече формаларын үстерүгә ярдәм итү Фонды генераль директоры киңәшчесе Иван Бортникның инновацион бизнес вәкилләре белән очрашуы 27 сентябрьдә Казанда ТР Икътисад министрлыгына рәсми визит кысаларында узды. Моңа кадәр ул «Цифрлы алгарыш» Бөтенроссия конкурсының финалын ачуда катнашты.
Россия һәм Италия Икътисадый үсеш министрлыгы, Үсеш институтлары һәм ике илнең b2b-секторы вәкилләре кече һәм урта бизнес өлкәсендә хезмәттәшлек һәм сәнәгать округлары буенча Россия-Италия эш төркеменең XXVIII утырышы кысаларында очрашачаклар. Татарстан эшкуарларын Россия делегациясе составына керергә чакыралар.
Бүген ШОС һәм БРИКС илләренең V Бизнес-форумында Татарстан стендын Башкортостан Республикасы башлыгы Радий Хәбиров карап узды. Татарстан делегациясен икътисад министры Фәрит Габделганиев тәкъдир итте.
Татарстанның 30 меңнән артык гражданы бүген үзмәшгуль буларак теркәлгән һәм үзе өчен эшли. 2019 елдан башлап яңа салым режимы Россиянең 4 төбәгендә – Мәскәү шәһәрендә, Мәскәү һәм Калуга өлкәләрендә һәм Татарстан Республикасында кертелде. Салым экспериментын бөтен ил кызыксынып күзәтә. 2020 ел башыннан Россия Федерациясенең һәр төбәге аны үз территориясендә кертергә хаклы.
Татарстан эшкуарлары «Россиянең яшь эшкуары-2019» бәйгесендә 14 яшьтән 30 яшькә кадәрге гомумдәүләт проекты турында сөйләячәкләр. Региональ этапка гаризалар 30 сентябрьгә кадәр кабул ителә. Аның нәтиҗәләре 2 октябрьдә билгеле булачак. Иң яхшы эшкуарлар федераль этапта катнашу һәм Татарстанны Россия дәрәҗәсендә тәкъдир итү мөмкинлегенә лаек булачак.
2 октябрьдә Татарстанда Өлкәннәр көненә багышланган Бердәм түләүсез юридик ярдәм көне узачак.
2019 елның 28 сентябрендә Татарстанның яңа эш башлаган һәм тәҗрибәле эшкуарлары өчен бер көнлек интенсив – «Бизнес-Баланс» форумы узачак.