ЯҢАЛЫКЛАР
Татарстан Республикасы Икътисад министрлыгына караган Эшкуарлыкка ярдәм фондының Социаль өлкә инновацияләр үзәге КФУ белән берлектә эшсез, Халыкның мәшгульлек үзәгенең субсидия ярдәме белән үз эшен ачарга ниятләгән гражданнар өчен белем бирү программасын гамәлгә ашыра.
2019 ел нәтиҗәләре буенча төп капиталга инвестицияләр күләме буенча Татарстан РФ субъектлары арасында 6 нчы урынга чыккан. Росстат мәгълүматларына караганда, төп капиталга инвестицияләрнең иң зур күләме Мәскәүдә (2 856,9 млрд.сум), Мәскәү өлкәсендә (1 044,9 млрд.сум), Ханты-Манси автономияле округында (953,5 млрд.сум), Ямал-Ненец автономияле округында (864,9 млрд.сум), Санкт-Петербургта (690,7 млрд.сум) теркәлгән.
Татарстан Хөкүмәте тарафыннан агымдагы вакыйгаларга бәйле хәвеф-хәтәрләрне киметү буенча чаралар планы әзерләнгән. Бу хакта бүген ТР Министрлар Кабинетында узган брифингта ТР икътисад министры Мидхәт Шаһиәхмәтов хәбәр итте.
Кичә Татарстан Республикасы Чүпрәле районында кече һәм урта эшкуарлыкны үстерү мәсьәләләре буенча зона киңәшмәсе узды. Киңәшмә кысаларында ТР икътисад министры урынбасары Рөстәм Сибгатуллин урыннарда кече һәм урта эшкуарлык субъектларына дәүләт ярдәменең төп формалары турында сөйләде.
Бизнес-бергәлек вәкилләренең үтенече буенча Татарстан Республикасы Икътисад министрлыгы һәм Эшкуарлыкка ярдәм фонды ел саен уздырыла торган «Ел экспортеры» конкурсына гаризалар тапшыру вакытын 2020 елның 17 мартына кадәр озайта. Үз чиратында, ел саен уздырыла торган «Ел экспортеры» төбәк конкурсын бүләкләү тантанасы 27 мартта булачак.
Иртәгә Казанда «Илкүләм проектлар. Нәрсәне белү мөһим?» темасы буенча семинар форматында кыска вакытлы укулар булачак. Чара Казан (Идел буе) федераль университетының Дәүләт һәм муниципаль идарә югары мәктәбендә узачак.
Бүген «Татарстан Республикасы Муниципаль берәмлекләре советы» ассоциациясендә «Татарстан Республикасының елның иң яхшы территориаль иҗтимагый үзидарәсе» республика конкурсына йомгак ясау буенча комиссия утырышы узды. Конкурс комиссиясе утырышында икътисад министры урынбасары Наталья Кондратова катнашты.
ТР Сәүдә-сәнәгать палатасында «Бизнесны үстерү институтлары. Инфраструктура, финанс һәм оештыру чаралары» темасына түгәрәк өстәл узды. Чараны оештыручылар – Татарстан Республикасы Икътисад министрлыгы белән берлектә «Деловая Россия» гомумроссия оешмасы.
Татарстан Республикасы Икътисад министрлыгы, республикада проект эшчәнлеге координаторы буларак, ике төбәк проектының старт алу турында игълан итте. Болар – «Экология» илкүләм проекты составына керә торган «Чиста ил» һәм «Уникаль суб объектларын саклау» проектлары.
Хөрмәтле геодезия һәм картография хезмәткәрләре!
Сезне чын күңелдән һөнәри бәйрәмегез белән котлыйм!
Бүген үзләренең һөнәри бәйрәмнәрен икътисадның барлык тармакларын кирәкле картографик һәм геодезик материаллар белән тәэмин итүчеләр, яңа проектларны гамәлгә ашыру өчен нигез салучылар билгеләп үтә. Яңа территорияләрне үзләштерү, социаль әһәмияткә ия объектларны проектлау һәм төзү нәкъ менә югары төгәллекле геодезия үлчәмнәреннән башлана.
Традицияләрне саклап һәм дәвам иттереп, төбәк картографиясе һәм геодезиясенең бай тәҗрибәсен кулланып, инновацияле технологияләр кертеп, тармак белгечләре Татарстанның социаль-икътисадый үсешенә өлеш кертә һәм республика алдында яңа перспективалар ача.
Бу бәйрәм көнендә тармак хезмәткәрләренә нык сәламәтлек, уңышлы эш, яңа идеяләрнең тормышка ашуын, бәхет, иминлек һәм игелек телим!