ЯҢАЛЫКЛАР

Татарстан Республикасы кече һәм урта эшкуарлык субъектларының Кама кластер үсеше үзәгенең нәтиҗәле эшчәнлеген тәэмин итү максатларында 2014 елның 13 ноябрендә Яр Чаллы шәһәрендә Стратегик сессия уздырыла.
Сессияне уздыру кластер үсешенең ике тармагы: машина төзелеше, автокомпонентлар һәм IT-технологияләр җитештерү буенча закон чыгару һәм башкарма хакимият органнарының, эшкуарлык җәмәгатьчелегенең, фән, иҗтимагый оешмаларның һәм үсеш институтларының уртак чараларын эшләүгә багышлана.

2014 елның 12 ноябрендә Татарстан Республикасы Икътисад министрлыгында республика муниципаль берәмлекләрендәге оешмалар өчен «Аерым юридик затлар тарафыннан товарлар, эшләр, хезмәт күрсәтүләрне сатып алу турында» 2011 елның 18 июлендәге 223-ФЗ номерлы Федераль законны бозган өчен җаваплылык» темасы буенча бушлай белем бирү семинары оештырыла.
Семинар программасына 223-ФЗ номерлы Законны бозуның еш кабатлана торган очракларын тикшерү, Россия Федерациясе Административ хокук бозулар кодексында әлеге закон бозулар өчен каралган җаваплылыкка анализ ясау, шулай ук предприятиеләрнең сатып алу эшчәнлеген оптимальләштерү юллары белән танышу кертелгән.

Татарстан Республикасы Икътисад министрлыгы командасы Татарстан Республикасы дәүләт хезмәткәрләре Спартакиадасы кысаларында өстәл теннисы буенча уздырылган ярышларда өченче урынны яулады.
Команда составында Ришат Зиннәтуллин, Ксения Лаврентьева һәм Сергей Долгов чыгыш ясады.

2014 елның 6-7 ноябрендә Актүбә шәһәрендә (Казахстан Республикасы) «АКТОВЕINVEST-2014» II Халыкара инвестицияле форумы үтте.
Төбәкләргә инвесторларны җәлеп итү максатында халыкара элемтәләрне ныгытуга һәм инвестиция климатын яхшыртуга, инвестицияле эшчәнлеккә дәүләт ярдәме чараларына, кече һәм урта бизнес катнашында дәүләти-хосусый хезмәттәшлеген үстерүгә багышланган сораулар буенча фикер алышулар Форум эшенең төп юнәлешләре булды.

2014 елның 10 ноябреннән 30 ноябренә кадәр Татарстан Республикасы кече һәм урта эшкуарлыгына мөлкәти ярдәм күрсәтү инфраструктурасы субъектларыннан «Татарстан Республикасы кече һәм урта эшкуарлыгына мөлкәти ярдәм күрсәтү инфраструктурасы субъектларын аккредитацияләү турында» Татарстан Республикасы Министрлар Кабинетының 2014 елның 27 августындагы 616нчы Карарына ярашлы рәвештә аккредитация алу өчен гаризалар кабул ителә.

2014 елның 11 нояберндә Яр Чаллы шәһәрендә кече эшкуарлык субъектлары өчен «Кече бизнес өчен СГС: исәп сәясәте, касса операцияләрен яңача алып бару тәртибе, гадиләштерелгән бухгалтер исәбе һәм бухгалтер хисаплары» темасына бушлай белем бирү семинары уздырылачак.
Семинар Яр Чаллы шәһәре Муниципаль берәмлеге башкарма комитеты һәм «Контур» Махсус конструкторлык бюросы» Җитештерү фирмасы» ЯАҖ ярдәме белән «Яр Чаллы – Россиянең бизнес белем бирү үзәге» шәһәр проекты кысаларында оештырыла.

2013 ел йомгаклары буенча, башкарма хакимият органнары эшчәнлеге нәтиҗәлелегенең иң яхшы федераль күрсәткечләренә ирешкән Россия Федерациясе төбәкләрен бүләкләү максатында, Россия Федерациясе Хөкүмәте тарафыннан 2014 елның 3 ноябрендә № 2193-р номерлы Күрсәтмә кабул ителде. Шуңа ярашлы рәвештә Татарстан Республикасына Россия Федерациясе субъектлары арасында 1нче урын алган өчен, 216,4 млн сум акча бирелә.

Татарстан Республикасы Икътисад министрлыгына Россия Федерациясе Икътисадый үсеш министрлыгының Җайлау йогынтысын бәяләү департаментыннан «Юл хәрәкәтен оештыру проектларын һәм схемаларын әзерләү кагыйдәләрен раслау турында» Россия Федерациясе Транспорт министрлыгы боерыгы проектына җәмәгать консультацияләре үткәрү турында мөрәҗәгать килде.

2014 елның 6 ноябрендә Пермь Инженер-Сәнәгать Форумы кысаларында Россиянең Инновацияле төбәкләре ассоциациясенең һәм Россия Федерациясе Икътисадый үсеш министрлыгының территориаль инновацияле кластерлар үсешенә багышлангын эксперт сессиясе уздырылды. Эксперт сессиясе модераторы сыйфатында киңәшмәдә Россиянең Инновацияле төбәкләре ассоциациясенең башкарма директоры Иван Бортник чыгыш ясады.

Кече һәм урта эшкуарлыкка мөлкәти ярдәм күрсәтү инфраструктурасы субъектларын аккредитацияләү буенча конкурс сайлап алуында катнашучы эшкуарлар һәм муниципаль хакимият вәкилләре игътибарына.
Татарстан Республикасы Икътисад министрлыгы 2014 елның 10 ноябрендә 14:00 сәгатьтә Кече һәм урта эшкуарлыкка мөлкәти ярдәм күрсәтү инфраструктурасы субъектларын аккредитацияләү комиссиясенең утырышы булачагын хәбәр итә. Утырышта конкурс сайлап алуына тәкъдим ителгән гаризалар каралачак.