ЯҢАЛЫКЛАР

«Җиһазлар лизингы үсеше: кече һәм урта эшкуарлык субъектларының җиһаз лизингы («ЛИЗИНГ-ГРАНТ») килешүе буенча беренче кертемнәрен (аванс) түләүгә киткән чыгымнарын субсидияләү» чарасы кысаларында дәүләт ярдәменә тәкъдим ителү өчен эшкуарлык субъектларын сайлап алу бәйгесенә йомгак ясалды.

2014 елның 14 ноябрендә Татарстан Республикасы Экспортка ярдәм итү үзәге тарафыннан экспорт юнәлешле предприятиеләр өчен оештырылган «Тайм-менеджмент» темасы буенча белем бирү семинары узды.
Лектор сыйфатында сертификацияле бизнес-тренер, коуч, коммуникацияләр өлкәсендә белгеч Лариса Кузьмина чыгыш ясады.
Тренингның үзенчәлеге катнашучыларның эчке потенциалын ачарга ярдәм итүче коучинг ысулын куллану булды.

2014 елның 14 ноябрендә Татарстан Республикасы икътисад министры Артём Здунов «Кама инновацияле территориаль-җитештерү кластеры предприятиеләре продукциясен дөнья базарларына этәрү максатында, БСОна кергән илләрнең товар базарларында маркетинг тикшеренүләре үткәрү һәм Кама инновацияле территориаль-җитештерү кластеры предприятиеләре тарафыннан җитештерелгән продукцияләр өлешендә Таможня берлеге илләренә кертелгән көндәшлекле импорт товарларына мониторинг уздыру» проектын гамәлгә ашыруның арадаш нәтиҗәләрен карауга багышланган киңәшмә уздырды. Әлеге чара 2013 елда Кама инновацияле территориаль-җитештерү кластерына ярдәм итү программасын тормышка ашыруга бирелгән субсидияләр кысаларында оештырылды.

2014 елның 14 ноябрендә Татарстан Республикасы Сәнәгать һәм сәүдә министрлыгында Сәүдә-икътисадый, фәнни-техник һәм мәдәни хезмәттәшлек турында Татарстан Республикасы Хөкүмәте һәм Төрекмәнстан Республикасы Хөкүмәте арасындагы килешүне тормышка ашыру буенча Уртак эшче төркемнең икенче утырышы узды. Утырышны Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов һәм Төрекмәнстан Республикасы икътисад һәм үсеш министры Вепа Абдылхәкимов алып барды.

2014 елның 15 ноябрендә Татарстан Республикасы Икътисад министрлыгында Кырым Республикасы икътисадый үсеш министры Николай Коряжкин булып китте.
Татарстан икътисад министрының барлык урынбасарлары катнашкан әлеге очрашу барышында министрлыклар алып барган эшчәнлек өлкәләренә кагылышлы сораулар каралды. Очрашуны ачып, Татарстан Республикасы икътисад министры Артем Здунов Кырым Республикасындагы коллегалар белән хезмәттәшлекнең нәтиҗәлелеген тагын да югарыракка күтәрү максатында Кырым Икътисадый үсеш министрлыгына Татарстанда эшләнгән норматив хокукый актлар һәм стандартлар биреләчәген билгеләп үтте.

Америка бизнес-инкубаторлар милли ассоциациясенең (NBIA, АКШ) югары технологияле бизнесларны инкубацияләү, эшмәкәрлек һәм инновацион үсеш мәсьәләләре буенча эксперты Марк Лонг Татарстан Республикасы хакимияте вәкилләре өчен кече бизнес һәм бизнес-инкубаторларны үстерүдә төбәкнең инновацион стратегияләренә багышланган лекция укыды.


Татарстан Президенты Рөстәм Миңнеханов, ТР Премьер-министры Илдар Халиков һәм башка рәсми затлар катнашкан очрашу кичә республика Министрлар Кабинетында "Татарстан-2030: киләчәк икътисады өчен кеше капиталы" конференциясе кысаларында узды.

2014 елның 14 ноябрендә ИТ-паркта «Татарстан 2030: киләчәк икътисады өчен кеше капиталы» конференциясе узды. Анда Анда 2030 елга кадәр Татарстан Республикасы социаль-икътисадый үсеше стратегиясенең әзерлек үтә торган беренче редакциясенең төп нигезләмәләре каралды.
Конференция алдыннан «Татарстан 2030: глобаль көндәшлеккә сәләтлелек юлында» пленар утырышы уздырылды. Аны Татарстан Республикасы Премьер-министры урынбасары - Татарстан Республикасы мәгълүматлаштыру һәм элемтә министры Роман Шайхетдинов һәм Татарстан Республикасы икътисад министры Артём Здунов ачты.

2014 елның 13 ноябрендә Татарстан Республикасы икътисад министры Артём Здунов Яр Чаллы шәһәренең IT-паркында узган Кече һәм урта эшкуарлык субъектларының Кама кластер үсеше үзәге стратегик сессиясендә катнашты.
Сессия эше кластер үсешенең ике тармагы: машина төзелеше, автокомпонентлар һәм IT-технологияләр җитештерү буенча закон чыгару һәм башкарма хакимият органнарының, эшкуарлык җәмәгатьчелегенең, фән, иҗтимагый оешмаларның һәм үсеш институтларының уртак чараларын эшләүгә юнәлдерелгән иде.

2014 елның 13 ноябрендә Төрекмәнстан Республиксы икътисад һәм үсеш министры Вепа Әбделхәкимов җитәкчелегендәге Төрекмәнстан дәүләт делегациясе эш визиты белән Татарстан Республикасына килде.
Сәфәр кысаларында Төрекмәнстан делегациясе Кама инновацияле территориаль-җитештерү кластерының иң эре машина төзелеше һәм нефть-газ химиясе предприятиеләре – «КамАЗ» ААҖ һәм аның фәнни-техник үзәгендә, «АлАЗ» Җитештерү берләшмәсендә, «ТАНЕКО» ААҖнең нефть эшкәртү һәм нефть химиясе заводлары комплексында, «Татнефть» ААҖнең кайбер объектларында, шулай ук «Алабуга» махсус икътисадый зонасында булды.

Татарстан Республикасы Икътисад министрлыгы тарафыннан, «Татарстан Республикасы Министрлар Кабинеты каршындагы Татарстан Республикасы Икътисадый һәм социаль тикшеренүләр үзәге» белән берлектә, реклама конструкцияләрен урнаштыру һәм эксплуатацияләүгә рөхсәт бирү буенча муниципаль хезмәтләр күрсәтүнең типлаштырылган административ регламентына үзгәрешләр кертелде. Үзгәрешләр рөхсәт бирүне монополиягә каршы законнарга яраштыруга, әлеге хезмәтне алу өчен документларны дәүләт һәм муниципаль хезмәт күрсәтүләрнең күпфункцияле үзәкләре аша ерактагы эш урыннарыннан тапшыра алу мөмкинлеге һ.б. өлешләргә карый.