ЯҢАЛЫКЛАР

2014 елның 18 ноябреннән Түбән Кама шәһәрендәге КФҮ базасында дәүләт һәм муниципаль хезмәтләр күрсәтүне «бер тәрәзә» принцибы буенча оештыру кысаларында Татарстан Республикасы буенча Эчке эшләр министрлыгы тарафыннан «хөкемгә тартылганлык һәм (яки) җинаять эзәрлекләве фактлары булу (булмау), яисә җинаять эзәрлекләвенең туктатылуы турында белешмә бирү буенча» ТР буенча ЭЭМның Мәгълүмат үзәге хезмәт күрсәтүен алу өчен гаризалар кабул итү буенча дәүләт һәм муниципаль хезмәт күрсәтүләрнең күпфункцияле үзәкләре хезмәткәрләре өчен зона белем бирү семинары оештырылды.

Бюджет секторына ярдәм итү фонды «2011 елның 18 июлендәге 223-ФЗ номерлы Федераль закон буенча сатып алуларны оештыру» белем бирү семинар-практикумында катнашырга чакыра.
Семинарны үткәрү урыны: Казан шәһ., Сәед-Галиев ур., 1, «Волга» кунакханәсе, конференц-зал. Семинарны үткәрү датасы: 2014 елның 1 декабре. Үткәрү вакыты: 11:00 сәгатьтән 15:00гә кадәр.

2014 елның 27-28 ноябре көннәрендә Татарстан Республикасы Хөкүмәте һәм «Россотрудничество» Федераль агентлыгы, Россия парламент Европа клубы каршындагы «Евразия диалогы» инициативасы белән, Казан шәһәрендә «Евразия икътисадый интеграциясе: казанышлар һәм проблемалар» Икенче Казан форумын үткәрә
Форум халыкара сәүдә-икътисадый хезмәттәшлекнең мөһим һәм көнүзәк бурычларын чишү буенча илебез һәм чит ил экспертларының иҗтимагый көчләрен туплау, һәм шулай ук бердәм икътисадый киңлек – Евразия уртак базарын булдыру сораулары буенча карарлар эшләү өчен әһәмиятле эшлекле мәйданга әвереләчәк.

2014 елның 18 ноябрендә Россия Федерациясе Социаль-икътисадый үсешенең Россия Федерациясе Президенты тарафыннан билгеләнгән максатчан күрсәткечләренә ирешүне мониторинглау буенча Россия Федерациясе Президенты каршындагы комиссия эшче төркеменең чираттагы утырышы уздырылды.
Утырышта хисап докладлары тәкъдим ителергә тиешле срокларга ярашлы рәвештә, Россия Федерациясе Президентының 2012 елның 7 маендагы 596-606нчы указларында каралган Россия Федерациясе Президенты күрсәтмәләрен гамәлгә ашыру барышы тикшерелде.

Татарстан Республикасы Дәүләт Советы тарафыннан «Татарстан Республикасының Алабуга районы территориясендә төзелгән сәнәгать-җитештерү тибындагы махсус икътисадый зона резидент-оешмалары өчен табышка салым буенча салым ставкаларын билгеләү турында» Татарстан Республикасы Законына үзгәрешләр кертү турында» 2014 елның 11 ноябрендәге 83-ЗРТ номерлы Татарстан Республикасы Законы кабул ителде.
Закон тарафыннан «Иннополис» техник-гамәлгә кертү тибындагы махсус икътисадый зона резидент-оешмалары өчен табышка салымның ташламалы ставкаларын билгеләү карала.

Бүген ТР Дәүләт Советында Татарстан парламенты башлыгы Фәрит Мөхәммәтшин җитәкчелек иткән президиум утырышында бишенче чакырылыш Дәүләт Советының дүртенче утырышын 26 нчы ноябрьдә үткәрү карар ителде.

Дәүләт Советы Секретаре Лилия Маврина белдергәнчә, сессиянең көн тәртибенә 41 мәсьәлә кертелә. Алар арасында Татарстан Республикасының 23 закон проекты, шулай ук 7 федераль закон проекты бар.

Икенче укылышка “Татарстан Республикасының 2015 елга, 2016 һәм 2016 елларның планлы чорына бюджеты турында”гы закон проекты чыгарыла. Бу сессия көн тәртибендәге төп сорау булып тора. Билгеле булганча, әлеге закон проекты беренче укылышта 30 нчы октябрьдә бишенче чакырылыш Дәүләт Советының өченче утырышында кабул ителгән иде. Татарстан Хөкүмәте һәм Дәүләт Советы депутатлары тарафыннан закон проектына карата 113 төзәтмә кертелгән, аларның сигезен Бюджет, салымнар һәм финанслар комитеты утырышта кире кагуга тәкъдим иткән, шул рәвешле, йөз дә бише расланган.

Татарстан Республикасы Икътисад министрлыгы тарафыннан «Җир асты байлыклары турында»гы Татарстан Республикасы Законына үзгәрешләр кертү турында» Татарстан Республикасы закон проектының җайлау йогынтысын бәяләү үткәрелә.
Закон проекты Татарстан Республикасы Дәүләт Советы депутатлары Таһир Һадиев һәм Ринат Гайзатуллин тарафыннан республика законындагы нигезләмәләрне федераль законнар белән яраклаштыру максатында эшләнде.

Эшкуарлык эшчәнлеген алып бару шартларын һәм тормыш сыйфатын яхшырту өчен мәгълүмати технологияләрне куллану буенча Хөкүмәт комиссиясе утырышында электрон технологияләрне кертү буенча чираттагы чаралар тикшерелде. Утырыш 2014 елның 28 октябрендә Россия Премьер-министры Дмитрий Медведев рәислегендә узды.
Күтәрелгән мәсьәләләр арасында Федераль салым хезмәтенең электрон формада өстенлекле хезмәт күрсәтү механизмнары һәм перспективаларына, һәм шулай ук ЭЭМның мәгълүмати инфраструктурасын үстерүгә кагылышлы сораулар бар.

Социаль юнәлешле коммерциячел булмаган оешмаларга (СЮ КБО) ярдәм күрсәтү буенча Татарстан Республикасы дәүләт башкарма хакимиятенең вәкаләтле органы буларак, Татарстан Республикасы Икътисад министрлыгы тарафыннан Социаль юнәлешле коммерциячел булмаган оешмалар арасында 2014 елда Татарстан Республикасы бюджетыннан субсидия алу хокукына уздырылган бәйгегә йомгак ясалды. Гаризалар агымдагы елның 10 сентябреннән 14 октябренә кадәр кабул ителде.

Лицензиатның дистанцион мәктәбендә унтугызынчы дәрес урнаштырылган: «Лицензия таләпләре: хезмәткәрләр (2нче өлеш)». Дәрес кысаларында кирәкле хезмәткәрләрнең булуын документлар белән раслауга, тимер-томыр кабул итү пунктында эшләргә тиешле хезмәткәрләр санына карата закон тарафыннан куелган таләпләргә, әлеге яктан караганда кара һәм төсле металл калдыкларын җыю пунктлары арасындагы аермага кагылышлы сораулар карала.