ЯҢАЛЫКЛАР

2014 елның 19 декабрендә Татарстан Республикасы экспорт юнәлешле предприятиеләре өчен Татарстан Республикасы Экспортка ярдәм итү үзәге тарафыннан оештырылган белем бирү семинарлары циклыннан «Сөйләшүләрдә нәтиҗәлелекне күтәрү» дип аталган соңгы тренинг узды.
Семинар барышында тыңлаучылар сөйләшүләр вакытында лидерлык позициясен күрсәтә белергә, сөйләшүләр алып баруда нәтиҗәле үз стратегияңне билгеләргә, сөйләшүләр процессының этапларын һәм этапларның һәркайсында үз-үзеңне тоту модельләрен тикшерергә өйрәнә алу мөмкинлегенә ия булдылар.

2014 елның 19 декабрендә «Ел эшкуары: Алтын йөзлек – 2014» конкурсы җиңүчеләрен бүләкләү уздырыла.
Татарстан Республикасы Икътисад министрлыгы ике ел рәттән әлеге чараны оештыра. Быел «Ел эшкуары: Алтын йөзлек – 2014» конкурсы «Татарстанның бизнес-нәтиҗәләре – 2014» эшлекле вакыйгалар атналыгы кысаларында уздырыла.
Конкурс эшкуарлык абруен күтәрү һәм Татарстан Республикасында кече һәм урта бизнес өлкәсен стимуллаштыру максатларында үткәрелә.

2014 елның 17 декабрендә «Татарстан Республикасы Гарантия фонды» КБО вәкилләре Яр Чаллы шәһәрендә КФУ Инжиниринг үзәге бинасында узган «Кече һәм урта эшкуарлыкны үстерү өчен Татарстан Республикасы Гарантия фондының һәм Экспортка ярдәм итү үзәгенең мөмкинлекләре» темасына «түгәрәк өстәлдә» катнашты.

2014 елның 17 декабрендә Мәскәү шәһәрендә «Яңа проектларны алга этәрү буенча стратегик инициативалар агентлыгы» АКБО 2014 елда Россия төбәкләрендә инвестицияле климатны яхшырту буенча башкарылган эшләргә йомгак ясауга багышланган тантаналы чара оештырды.
Чарага Россия Федерациясендәге чит ил сәүдә-сәнәгать палаталары вәкилләре, чит дәүләт илчеләре, Россия Федерациясе төбәкләре хөкүмәтләре вәкилләре чакырылган иде.
Тантанада Татарстан Республикасыннан икътисад министры Артём Здунов һәм икътисад министры урынбасары Булат Хаҗиәхмәтоа катнашты.

2014 елның 18 декабрендә «Җитештерүчәнлек һәм сакчыл җитештерү» Халыкара фәнни-гамәли конференциясе узды.
Конференцияне, Татарстан Республикасы Мәгълүматлаштыру академиясе һәм Татарстан Республикасы Фәннәр академиясе белән берлектә, Татарстан Республикасы Сәнәгать һәм сәүдә министрлыгы оештырды.

2014 елның 17 декабрендә Татарстан Республикасы икътисад министры Артём Здунов Россия Федерациясе Дәүләт советының эшче төркеменең «Россия Федерациясендә кече һәм урта эшкуарлыкны үстерү буенча чаралар турында» сорауга багышланган утырышында катнашты.
Утырыш барышында Тула өлкәсе губернаторы, эшче төркем җитәкчесе Владимир Груздев әлеге чараларның максатлары һәм бурычлары турында сөйләде.
Утырышта Россия Федерациясе икътисадый үсеш министры урынбасары Олег Фомичёв кече һәм урта бизнес тармагындагы вазгыять турында доклад белән чыгыш ясады.

2014 елның 17 декабрендә Татарстан Республикасы икътисад министры урынбасары Наталья Таркаева моношәһәрләр икътисадын яңартып кору кысаларында Яшел Үзән муниципаль районы сәнәгать парклары үсеше мәсьәләләре буенча киңәшмә уздырды.
Киңәшмә барышында Яшел Үзән муниципаль районы Башкарма комитеты җитәкчесе Сергей Егоровның, «М-7» Индустриаль паркы» ҖЧҖ директоры Руслан Хәлиловның һәм «Основа» ҖЧҖ директоры урынбасары Дмитрий Грузковның Яшел Үзән районы территориясендә сәнәгать мәйданчыкларының үсеш перспективалары һәм булган проблемалар турындагы докадлары тыңланды.

2014 елның 17 декабрендә Мәскәүдә «Муниципаль практикалар атласы – инвестицияле климатны яхшыртуга юнәлдерелгән комплекслы чараларның чираттагы адымы» темасы буенча стратегик сессия үткәрелде. Ул «Яңа проектларны алга этәрү буенча стратегик инициативалар агентлыгы» АКБО тарафыннан оештырылды.
Чара кысаларында Атласны формалаштыру барышында ачыкланган иң яхшы муниципаль практикалар тәкъдим ителде һәм муниципаль берәмлекләрнең иң яхшы тәҗрибәләрен кертү модельләре тикшерелде.

2014 елның 17 декабрендә Казан IT-паркында мәктәп бизнес-компанияләренең традицион Яңа ел хәйрия ярминкәләре ачылды. Ярминкәне оештыручылар – Татарстан Республикасы Икътисад министрлыгы, «Яшьләр казанышы» «Казан үзәге» иҗтимагый оешмасы, «Ак барс Созидание» Хәйрия фонды һәм Казан IT-паркы.

Идарәче кадрлар әзерләү буенча Президент программасын тәмамлаучылар проектлары конкурсы дәвам итә. Ул 2007/08 – 2014/15 уку елларында Россия Федерациясе халык хуҗалыгы оешмалары өчен идарәче кадрлар әзерләү Дәүләт планын тормышка ашыру кысаларында уздырыла.
Конкурсны Татарстан Республикасы Икътисад министрлыгы, һәм шулай ук Татарстан Республикасы Президент программасын тәмамлаучылар ассоциациясе оештыра.