Татарстан Республикасы Россия Федерациясенең эшлекле климатын яхшыртудагы казанышлары һәм чит илләрдә Россия Федерациясе төбәкләренең инвестиция имиджын алга этәрүдәге аерым уңышлары өчен бүләкләнде

2014 елның 17 декабрендә Мәскәү шәһәрендә «Яңа проектларны алга этәрү буенча стратегик инициативалар агентлыгы» АКБО 2014 елда Россия төбәкләрендә инвестицияле климатны яхшырту буенча башкарылган эшләргә йомгак ясауга багышланган тантаналы чара оештырды.
Чарага Россия Федерациясендәге чит ил сәүдә-сәнәгать палаталары вәкилләре, чит дәүләт илчеләре, Россия Федерациясе төбәкләре хөкүмәтләре вәкилләре чакырылган иде.
Тантанада Татарстан Республикасыннан икътисад министры Артём Здунов һәм икътисад министры урынбасары Булат Хаҗиәхмәтоа катнашты.
Тантана барышында «Бизнес-уңыш» премиясенә лаек булучыларны бүләкләделәр. Әлеге кысаларда, «За полезное» номинациясендә Татарстан Республикасыннан «Эйдос медицина» ҖЧҖнең төрле эндохирургия катнашлыклары өчен хирургия робот-симуляторлары продукциясе рәтен төзү проекты бүләкләнде.
Шулай ук «Яңа проектларны алга этәрү буенча стратегик инициативалар агентлыгы» АКБО генераль директоры Андрей Никитин кайбер төбәкләрне Россия Федерациясендә уңай эшкуарлык һәм инвестиция климатын булдыруга керткән өлешләре өчен бүләкләде.
Татарстан Республикасы Россия Федерациясенең эшлекле климатын яхшыртудагы казанышлары һәм чит илләрдә Россия Федерациясе төбәкләренең инвестиция имиджын алга этәрүдәге аерым уңышлары өчен бүләкләнде.