ЯҢАЛЫКЛАР

 

Татарстан Республикасы Президентының  «Татарстан Республикасында  нанотехнологияләр өлкәсендә инновацияле территориаль  кластерлар төзү буенча чаралар турында» 2014 елның 17 октябрендәге УП-988 номерлы Указына ярашлы рәвештә,  Татарстан Республикасы Министрлар Кабинетының 2014 елның 15 декабрендәге 989 номерлы Карары белән,  Татарстан Республикасында  нанотехнологияләр өлкәсендә инновацияле территориаль  кластерлар төзү буенча чаралар планы расланды.

 

2014 елның 18 декабрендә  ТР Сәүдә-сәнәгать палатасында Кече һәм урта эшкуарлык субъектларының кластерлы үсешенең Кама үзәге тарафыннан оештырылган «Компаниянең оптималь структурасы» семинары уздырылды. Семинар  предприятие хуҗаларына һәм җитәкчеләренә йөз тоткан иде. Чараны  бизнес-тренер, гамәлгә куючыларның берсе, компанияләр һәм холдингларның оештыру структурасын төзү,  коррекцияләү һәм оптимальләштерү буенча KaiserConsulting компаниясенең баш консультанты Дмитрий Кайзер алып барды.

«Мин бизнесмен 2015» кыска видеороликлар буенча бөтенроссия конкурсына старт бирелде. Конкурс, «Опора России» иҗтимагый оешмасы белән берлектә, «Контур» Махсуслаштырылган конструкторлык бюросы тарафыннан оештырыла.
«Мин бизнесмен» видеороликлар конкурсы кече һәм урта эшкуарлыкка ярдәм күрсәтү максатыннан булдырыла. Конкурста катнашу кече һәм урта бизнеска ия һәр эшкуарга үз эшен үстерү өчен акча алу һәм бизнесы турында бөтен Россиягә сөйләү мөмкинлеге тудыра. Җиңүчеләр үз бизнесларын үстерү максатына 300 000 һәм 200 000 сум акча алачак.

 

 2014 елның 19 декабрендә Татарстан Республикасы Министрлар Кабинетында «Татнефтехиминвест-холдинг» ААҖ Директорлар  советының чираттагы утырышы узды.

Утырышта электромобиль транспортның икътисадый һәм техник аспектлары каралды. Аерып әйткәндә, электр белән эшли торган пассажир йөртү транспорты чараларын (Электробус) төзү проекты тәкъдир ителде.

 

19 декабрьдә «Татарстанның бизнес-нәтиҗәләре – 2014» эшлекле вакыйгалар атналыгы кысаларында Татарстан Республикасы икътисад министры Артём Здунов  эшкуарларны кабул итте. «Туган авылым»  ресторан комплексында узган тантаналы чарада министр «Ел эшкуары: Алтын йөзлек – 2014» конкурсы җиңүчеләрен бүләкләде. Быелгы конкурста республикасының 45 муниципаль районы вәкиле җиңде, эксперт комиссиясе шулай ук бизнесны алып баруда яңалыклы фикерләү дәрәҗәсен, идарә талантын күрсәткән, маркетинг өлкәсендә югары сыйфат күрсәткеченә ия карарлар тәкъдим итә алган, һәм шулай ук тулаем республика эшкуарлыгы тармагы үсешенә зур  өлеш керткән эшкуарлар арасыннан җиңүчеләрне сайлап алды.

2014 елның 19 декабрендә «Уникс» мәдәният-спорт комплексында
Татарстан Республикасы Икътисад министрлыгы тарафыннан оештырылган «Ел эшкуары: Алтын йөзлек – 2014» конкурсына нәтиҗәләр ясау кысаларында «Кризиста ничек бизнес булдырырга?» дип аталган мастер-класслар сериясе уздырылды.
Үзенең сәламләү сүзендә Татарстан Республикасы икътисад министры Артём Здунов болай дип билгеләп үтте: «Без бизнес атна кысаларында дәүләтнең чыннан да кече һәм урта бизнеска игътибары арткан әлеге елларда ниләр эшләгәнебезгә экспертлар бәясен ишетергә, без күрсәткән ярдәмнең формаларын һәм методларын бәяләргә, бәлки, кайдадыр яңадан башларга, эшли торган эшләребездә өстенлекләрне билгеләргә телибез. Һәм, әлбәттә, боларның берсен дә сезнең белән кире элемтәдән башка эшләп булмый. Барыбыз өчен дә бәйрәм булган бу көннәрдә без бер-беребезгә якыная, рәсми булмаган шартларда сөйләшә-аңлаша алабыз».

2014 елның 18 декабрендә Татарстан Республикасында кече һәм урта эшкуарлыкны үстерү турындагы журналист эшләренә һәм медиа-проектларга V Республика конкурсы җиңүчеләрен бүләкләү тантанасы үткәрелде. Чара «Татарстанның бизнес-нәтиҗәләре – 2014» эшлекле вакыйгалар атналыгы кысаларында узды.
Ел саен уздырыла торган әлеге конкурс Татарстан Республикасында эшкуарлык эшчәнлеген популярлаштыру, эшкуарның уңай образын формалаштыру, кече һәм урта эшкуарлык үсешен яктыртуны көчәйтү максатларында оештырыла.

 

2014 елның 20 декаберендә Татарстан Республикасы Икътисад министрлыгының юридик бүлеге башлыгы урынбасары Гүзәл Дәминова  Балаларга хокукый ярдәм күрсәтү бөтенроссия көнен үткәрүдә катнашты. Чара Алабуга муниципаль районының  6нчы урта гомумбелем бирү мәктәбендә узды.

2014 елның 18 декабрендә Мәскәү шәһәрендә «Яңа проектларны алга этәрү буенча стратегик инициативалар агентлыгы» АКБО тарафыннан оештырылган «Курс – инвестицияләргә» белем бирү семинары узды.
Семинар Россия Федерациясе субъектларында инвестицияле климат торышы милли рейтингының икенче дулкынын үткәрүгә, рейтинг методологиясенә үзгәрешләр кертүгә, һәм шулай ук рейтингны сынау йомгаклары буенча ачыкланган эшкуарлык һәм инвестицияле эшчәнлек алып бару өчен уңай шартлар формалаштыру буенча иң яхшы төбәк тәҗрибәләрен гамәлгә кертүгә багышланган иде.

2014 елның 19 декабрендә Татарстан Республикасы икътисад министры Артём Здунов Татарстан Республикасы дәүләт программалары кысаларында капитал салулар формасында бюджет инвестицияләрен күз уңында тоткан чараларны планлаштыру буенча киңәшмә үткәрде.
Киңәшмәдә республиканың барлык кызыксынган тармак министрлыклары һәм ведомстволары вәкилләре катнашты.