ЯҢАЛЫКЛАР

2015 елның 19 марты - Мәскәүдә уза торган Дәүләт һәм муниципаль хезмәтләр күрсәтү үзәкләренең бөтенроссия форумының икенче көненең беренче яртысы КФҮләр, башкарма хакимиятнең федераль органнары һәм дәүләт бюджеттан тыш фонд органнарының дәүләт һәм муниципаль хезмәтләр күрсәткәндә үзара эшен оештыру сорауларына багышланды. Әлеге мәсьәлә буенча докладлар белән Росреестр, Салым хезмәте, Миграция хезмәте, Россия Пенсия фонды кебек федераль структуралар вәкилләре чыгыш ясады, Ленинград һәм Ростов өлкәләре төбәкләрдәге эш тәҗрибәсе белән уртаклашты.

Казан шәһәре муниципаль берәмлеге Башкарма комитетының «Казан шәһәрендә парковкаларны (парковка урыннарын), шул исәптән түләүлеләрен, булдыру һәм куллану турында» 2014 елның 18 апрелендәге 2096нчы карарына ярашлы рәвештә инвалидларның махсус автотранспорт чараларын куеп торган (парковкалаган) өчен түләтмиләр.
Хәзерге вакытта Казан шәһәрендә түләүле муниципаль парковкалар гамәлгә керү сәбәпле, Инвалидларга парковкалау рөхсәте реестры эшләнә. Бу түләүле муниципаль парковкаларда түләүләргә контрольлек иткәндә инвалид автомобильчеләрне хаксыз рәвештә административ җаваплылыкка тартуларны булдырмаска мөмкинлек бирә.

Бүген бишенче чакырылыш Татарстан Республикасы Дәүләт Советы утырышында 2014 елда Татарстан башкарма хакимияте органнары эшчәнлеге турындагы хисап каралды.

Бу мәсьәлә буенча Татарстан Республикасы Премьер-министры Илдар Халиков доклад ясады.

2014 ел нәтиҗәләренә күчкәнче, Илдар Халиков икътисади хәл турында кыскача сөйләде. “Быел республиканың социаль-икътисади үсешендә тискәре тенденцияләр күзәтелә”, - дип билгеләде ул. 2015 елның гыйнварында Татарстанның тулай төбәк продукты 0,1% ка кимегән. Гыйнвар-февральдә республикада сәнәгать җитештерүе индексы 99,3% тәшкил иткән, авыл хуҗалыгы продукциясен җитештерү 1,4 % ка арткан, ваклап сату сәүдә әйләнеше 15% ка кимегән.

2014 ел нәтиҗәләренә килгәндә, Татарстан төп макроикътисади күрсәткечләр буенча гадәттәгечә Россия Федерациясенең алдынгы төбәкләре рәтенә керә. Тулай төбәк продукты күләме буенча республика 7 урында, авыл хуҗалыгы җитештерү күләме буенча - 3, сәнәгать җитештерүе күләме һәм төп капиталга инвестицияләр буенча - 5, төзелеш буенча - 6, торак йортларны файдалануга тапшыру һәм ваклап сату буенча 8 урында.

2014 елда Татарстанда тышкы икътисади хәлнең катлаулануы һәм санкцияләр кертелү сәбәпле, акрын икътисади үсеш күзәтелә. Тулай төбәк продукты үсеш темплары узган ел белән чагыштырганда 101,3% тәшкил иткән. Гомумән тулай төбәк продуктының күләме 1,6 трлн. сум тәшкил иткән. Сәнәгать җитештерүенең индексы 2014 елда 100,6 % тәшкил иткән.

Катлаулы икътисади хәлгә карамастан, Татарстан инвестицияләрнең югары дәрәҗәсен саклап кала алды – 542,8 млрд. сум. Төп капиталга инвестицияләр өлеше 33,3% тәшкил иткән.

Республикада барлык чыгарылган нефтьнең яртысыннан артыгы эшкәртелгән (2013 елга – 49,1%), эшкәртүнең тирәнлеге 74%тан арткан. “Танеко” заводы тулы егәрлеккә чыккан. 2014 елда аның тарафыннан 8млн. тонна нефть эшкәртелгән.

Инновацияләрне гамәлгә кертү сәбәпле “ТАИФ-НК” компаниясе 2016 елда югары сыйфатлы нефть продуктлары эшләп чыгаруга тулысынча күчәчәк.

2015 елда Аммоний комплексы төзелеше төгәлләнү республиканы азотлы ашламалар белән тулы күләмдә тәэмин итәргә мөмкинлек бирәчәк.

“КАМАЗ” ААҖ 45 ел эчендә 2 млн. нан артык авыр йөк автомобильләре җитештергән. Даими рәвештә җитештерүне яңарту тормышка ашырыла. Бу предприятиегә БДБ һәм ерак чит ил базарларына чыгу мөмкинлеген бирде.

“Форд Соллерс Алабуга” предприятиесендә күптән түгел тулы техник цикл буенча Ecosport моделен җитештерү башланды.

Европада иң зур заводларның берсе – “Кастамону Интегрейтед Вуд Индастри” үз эшен башлап җибәрде.

Хезмәт җитештерүчәнлеге артты. Татарстанда бу күрсәткеч буенча үсеш темплары уртача Россия күрсәткечләреннән югарырак.

Татарстан икътисади яктан Россия төбәкләре арасында алга киткән республикаларның берсе, тышкы икътисади эшчәнлектә актив катнаша. Тышкы икътисади әйләнеш күләме буенча республика РФ субъектлары арасында 5 урында, Идел буе федераль округында 1 урында.

2014 ел авыл хуҗалыгы өчен уңышлы булды. Бу тармакта продукция күләме 188,8 млрд. сум тәшкил итте. Узган ел бөртекле ашлык 2013 елга караганда 29,4% ка күбрәк җыелды. Бөртекле ашлыкның уртача уңышы 1 гектардан 21,6 ц. тәшкил итте.

2014 елда республикада 2,4 млн. кв. метр торак файдалануга тапшырылды, шул исәптән социаль ипотека программасы буенча – 383,4 мең кв. метр.

Йортларга капиталь ремонт ясау программасы дәвам итә. Узган ел 816 күп фатирлы йорт ремонтланган. Финанслау күләме якынча 4,7 млрд. сум тәшкил итте.

Илдар Халиков шулай ук Татарстанның дүртенче ел рәттән РФ субъектлары арасында башкарма хакимияте органнары эшчәнлеге нәтиҗәләре буенча 1 урында булуын искә алды.


“Гомумән без 2014 елны уңышлы төгәлләдек”, - дип ассызыклады ТР Дәүләт Советы рәисе Фәрит Мөхәммәтшин, Татарстан Хөкүмәте эшчәнлеге турындагы хисап хакында фикер алышуны йомгаклап.

2015 елның 24 мартында 15:00 сәгатьтә Татарстан Республикасы Икътисад министрлыгында Татарстан Республикасы икътисад министры каршындагы Коррупциягә каршы тору буенча комиссиясе утырышы уза һәм ул онлайн режимда трансляцияләнәчәк.
Утырышта министрлыкның кадрлар бүлеге башлыгы, комиссия әгъзасы Венера Садыйкова 2014 елгы хисап елы өчен Татарстан Республикасы Икътисад министрлыгында коррупциягә каршы сәясәтнең гамәлгә ашырылуы турында сөйләячәк. Үзенең чыгышында ул шулай ук Россия Федерациясе субъектларының дәүләт органнарында барлыкка килү мөмкин булган ришвәтчелеккә бәйле очракларга бәя бирүне үткәрү буенча методик киңәшләр турында да әйтәчәк.

19 мартта Татарстан Республикасы икътисад министры Артём Здунов Яр Чаллы һәм Түбән Кама шәһәрләрендә эш сәфәрендә булды.
Визит кысаларында Артём Здунов Түбән Кама һәм Тукай муниципаль районнары эшкуарлары һәм Яр Чаллы халкы белән очрашты, муниципаль дәрәҗәдәге сәнәгать паркларын карады һәм Кама кластер үсеше үзәгенә (машина төзелеше кластеры, IT- кластер, җиһазлар җитештерү кластеры һәм полимерлар кластеры) кергән предприятиеләрдә булды.
18 сәгатьтән 20 сәгатькә кадәр Татарстан Республикасы икътисад министры Яр Чаллы шәһәренең 18нче мәктәбендә оештырылган гражданнар җыенында катнаша.
Исегезгә төшерик, Татарстан Республикасы Икътисад министрлыгы вәкиләре март ае дәвамында республиканың һәр муниципаль районындагы эшкуарлар белән очрашулар уздыра.

2015 елның 16 мартында Татарстан Республикасы Президенты Рөстәм Миңнеханов «Татарстан Республикасында стратегик планлаштыру турында» Законга кул куйды.
Закон республикада стратегик планлаштыруның хокукый нигезләрен, Татарстан дәүләт хакимияте органнарының һәм җирле үзидарә органнарының вәкаләтләрен билгели һәм социаль-икътисадый үсешнең максатын билгеләү, фаразлау, планлаштыру һәм программалаштыру процессында стратегик планлаштыруда катнашучылар арасында барлыкка килгән мөнәсәбәтләрне җайлый.

Татарстан Республикасы Икътисад министрлыгына җайлау йогынтысын бәяләү максатларында Татарстан Республикасы Министрлар Кабинетының Баш ветеринария идарәсе тарафыннан эшләнгән «Татарстан Республикасында ветеринар-санитар экспертиза лабораторияләре турындагы нигезләмәне раслау турында» Татарстан Республикаы Министрлар Кабинеты карары проекты керде.
Проектта территорияләрендә сәнәгый һәм сәнәгый булмаган юл белән җитештерелгән терлекчелек һәм үсемлекчелек азык-төлек чималын һәм азык-төлек продуктларын саклау һәм сату башкарыла торган сәүдә предприятиеләрендә, һәм шулай ук чи терлекчелек ярымфабрикатларын җитештерү, саклау һәм сату башкарыла торган челтәр кибетләрендә ветеринар-санитар экспертиза лабораторияләрен мәҗбүри тәртиптә урнаштыру карала.

2015 елның 19 мартында Татарстан Республикасы Экспортка ярдәм итү үзәге «Тышкы икътисадый эшчәнлек алып баруның төп аспектлары» темасы буенча экспорт юнәлешле кече һәм урта эшкуарлык субъектлары өчен белем бирү семинары оештырды.
Укытучы сыйфатында Татарстан Республикасы Сәүдә-сәнәгать палатасы Идарәсе рәисе урынбасары Артур Николаев чыгыш ясады.

2015 елның 18 мартында «Татарстан Республикасы Гарантия фонды» Коммерциячел булмаган оешмасының Попечительләр советының утырышы узды. Утырышта 2014 елдагы эшчәнлек турында хисап тыңланды.
Шулай ук Гарантия фонды йөкләмәләрен (поручительстволарын) бирүнең үзгәртелгән Тәртибе (йөкләмә суммасы 30 млн сумгача арттырылды); фондның финанс-хуҗалык эшчәнлеге планы; аудитор компаниясе; йөкләмәләр бирү программасы буенча сайлап алынган яңа банкларга поручительстволар бирү лимиты расланды; Гарантия фондының инвестицион декларациясенә үзгәрешләр кертелде.

«Татарстан Республикасы Гарантия фонды» Коммерциячел булмаган оешмасы Гарантия фондының йөкләмәләрен (поручительстволарын) бирү программасы буенча ачык конкурста катнашу өчен банклардан документлар кабул итүне дәвам итә.
Гаризалар 2015 елның 26 мартына кадәр кабул ителә. Ачык конкурста катнашуга гаризалар салынган конвертларны ачу процедурасы 2015 елның 26 мартында 14 сәгать 00 минутта түбәндәге адрес буенча башкарылачак: 420111, Татарстан Республикасы, Казан шәһәре, Чернышевский ур., 33, 2 кат, оф. 15, конференц-зал.