Фәнни-техник өлкәдә предприятиеләрнең кече формаларын үстерүгә булышлык итү фонды «Үсеш» программасы буенча гаризалар кабул итә башлый

«Үсеш» программасы фән сыйдырышлы продукциянең яңа төрләрен эшләү һәм үзләштерү буенча инновацияле проектларны гамәлгә ашыру кысаларында фәнни-тикшеренү, югары әзерлек стадиясендәге тәҗрибә-конструкторлык эшләрен башкаруны финанслар белән тәэмин итү өчен кече инновацион предприятиеләргә грантлар бирүгә юнәлдерелгән.

Грантлар кече инновацион предприятиеләргә 15 млн сумнан да артмаган күләмдә бирелә, шарты – грант суммасының 50%тан да ким булмаган өлеше предприятиенең үз һәм (яки) җәлеп ителгән өченче затлар акчасы хисабына уртак финансланырга тиеш. Фәнни-тикшеренү, тәҗрибә-конструкторлык эшләрен башкару срогы – 12 ай.

Конкурста ике ел гамәли эшчәнлек алып барган,   «Россия Федерациясендә кече һәм урта эшкуарлыкны үстерү турында» 2007 елның 24 июлендәге 209-ФЗ номерлы Федераль закон таләпләренә туры килә торган, кирәкле документлар теркәлгән  гаризаларын Фондның мәгълүмат системасына тапшырган юридик затлар  катнаша ала.

Гаризалар  2015 елның 12 маеннан Мәскәү вакыты белән 10:00 сәгатьтән алып, 14 июнь, 23:59 сәгатькә кадәр кабул ителә.

Гаризаларны «Фонд-М» АС системасы аша түбәндәге адрес буенча да тапшырырга була: online.fasie.ru.

Конкурска кагылышлы сораулар буенча Егоров Вадим Константиновичка мөрәҗәгать итәргә дә мөмкин: egorov@fasie.ru.