ЯҢАЛЫКЛАР
2021 ел башыннан бирле Инновацияләргә ярдәм фонды Татарстандагы яшь галимнәрдән грант алуга 20 гариза хуплаган. Хупланган проектлар буенча грантларның гомуми суммасы 119 млн сум тәшкил итә.
Татарстан Республикасы Икътисад министрлыгы Россия эшкуарлыгы көнендә Татарстан Республикасы Президенты Рөстәм Миңнеханов һәм икътисад министры Мидхәт Шаһиәхмәтов катнашында Республика бизнес-җәмәгатьчелеге белән очрашу уздырачак.
Июнь аенда ТР Икътисад министрлыгы муниципалитетлардан «Иң яхшы муниципаль тәҗрибә» Бөтенроссия конкурсында катнашу өчен гаризалар кабул итә башлый. «Модерация» тәмамлангач, ТР Икътисад министрлыгы «Муниципаль икътисади сәясәт һәм муниципаль финанслар белән идарә итү» номинациясендә сайлап алынган 10 проектны РФ Икътисадый үсеш министрлыгына җибәрәчәк. Җиңүчеләрне конкурс комиссиясе билгеләячәк, анда Россия Федерациясе Хөкүмәте вице-премьеры Марат Хөснуллин рәислек итә.
Татарстан Республикасы Икътисад министрлыгында Татарстан Республикасы икътисадын тотрыклы үстерүне тәэмин итү чаралары планын гамәлгә ашыру буенча эшче төркем утырышы узды. Эшче төркем әгъзалары КУЭ субъектларының дәүләт компанияләре һәм корпорацияләре сатып алуларына керүен киңәйтә торган законнардагы үзгәрешләр һәм «Бөлгенлек (банкротлык) турында»гы закон проектына төзәтмәләр кертү турында фикер алышты.
Татарстанда 3%лы «ФОТ 3.0» дигән ташламалы кредит бирү программасын гамәлгә ашыру дәвам итә. 17 майга банкларда Татарстан эшкуарларыннан 1,13 млрд. сумлык 350 гариза канәгатьләндерелгән.
«Татарстан Республикасы Фәннәр академиясенең Перспективалы икътисадый тикшеренүләр үзәге» ДБУнең яшь галиме Алия Абдукаева «ГРАНТ» номинациясендә яшь галимнәрнең республика конкурсында җиңүче булган. Конкурс Татарстан Республикасы Фәннәр Академиясе Президиумы каршындагы Яшь галимнәр һәм яшьләр фәнни коллективларының Татарстан Республикасы үсеше өчен аеруча әһәмиятле булган өлкәләрдә фәнни тикшеренүләренә ярдәм итү өчен Татарстан Республикасы грантларын һәм премияләрен бирү комитеты тарафыннан үткәрелә.
Республикада яшәүчеләр өчен эчә торган суның сыйфатын яхшырту «Торак һәм шәһәр мохите» илкүләм проекты составына кертелгән «Чиста су» төбәк проектында каралган. 2021 елда Татарстанда илкүләм проектны гамәлгә ашыруга 3,5 млрд. сум акча юнәлдереләчәк, гражданнарны чиста су белән тәэмин итүдән тыш, проектка гражданнарны авария хәлендәге торактан күчерү һәм яшәү өчен уңайлы мохит булдыру чаралары да кертелгән.
Бүген ТР икътисад министры урынбасары Динар Шакиров, хезмәттәшлекнең перспектив юнәлешләрен ачыклау максатында, Санкт-Петербург шәһәренең генераль директор Ф.Мадани җитәкчелегендә «Деловые линии» компанияләр төркеме вәкилләре белән очрашты.
Бүген Татарстан Республикасы икътисад министры урынбасары Равил Сираҗиев эш сәфәре белән Лениногорск шәһәрендә булды. Визит барышында ул шәһәрнең эре сәнәгать объектлары һәм район эшкуарлары өчен инфраструктура мөмкинлекләре белән танышты.
Инвестицияләр җәлеп итү, тизләтелгән социаль-икътисадый үсешне тәэмин итү һәм халыкның тормыш-көнкүрешен тәэмин итү өчен уңайлы шартлар тудыру максатында, Татарстан Республикасында 5 социаль-икътисадый үсеш территориясе эшли. Бүгенге көндә аларның резидентлары 25,6 млрд.сумнан артык капитал салган (өстәмә хак салымыннан тыш) һәм 13 меңнән артык эш урыны булдырган.