ЯҢАЛЫКЛАР
ТР Икътисад министрлыгына караган Эшкуарлыкка ярдәм фонды Яр Чаллы эшкуарына «Моношәһәрләр» программасы буенча беренче микрозайм биргән. Ташламалы процент ставкасы буенча микрозайм алу өчен гаризаны республиканың җиде моношәһәрендә теркәлгән эшкуарлар бирә ала. Кече һәм урта эшкуарык секторын тизләтелгән нигездә үстерү өчен Татарстан федераль субсидияләр алды, бу исә займнар буенча РФ Үзәк Банкы билгеләгән төп ставканың яртысы дәрәҗәсендә ставка билгеләү мөмкинлеген биргән.
Татарстан Республикасы Икътисад министрлыгы Татарстан Республикасы Министрлар Кабинетының 2020 елның 25 нче апрелендәге 326 номерлы карары белән расланган «Азык-төлек продуктлары һәм ризык китерү хезмәтләре өчен түләүгә бәйле чыгымнарны субсидияләү» чарасы буенча гаризалар кабул ителә башлавы хакында хәбәр итә.
Татарстан Республикасы Икътисад министрлыгы Татарстан Республикасы Министрлар Кабинетының 2020 елның 25 нче апрелендәге 327 номерлы карары белән расланган «Процент ставкасын субсидияләү» чарасы буенча гаризалар кабул ителә башлавы хакында хәбәр итә.
28 нче апрельдә Татарстан эшкуарлары өчен «Кризис чорында CRM: CRM ярдәмендә чыгымнарны ничек киметергә» темасына онлайн-дәрес узачак. Дәреснең спикеры булып клиентларны сайлау һәм алар белән идарә итү системасын гамәлгә кертү буенча эксперт Павел Цапюк чыгыш ясаячак. Вебинар республика эшкуарлары өчен Татарстан Республикасы Икътисад министрлыгы тарафыннан эшләтеп җибәрелгән «Фабрика PRO: Антикризис» бушлай курсы кысаларында узачак.
Бүген Татарстан Республикасы Президенты Рөстәм Миңнеханов рәислегендә Россия Федерациясе субъектлары башлыклары, Россия Инновация төбәкләре ассоциациясе әгъзалары белән видеконференция элемтәсе ярдәмендә киңәшмә узды. Киңәшмәнең көн тәртибе коронавирус йогышы таралуның тискәре икътисадый нәтиҗәләрен бетерү өчен төбәкләр икътисадына дәүләт ярдәме чараларын эшләү һәм гамәлгә ашыру мәсьәләләренә багышланган иде.
Татарстан Республикасы Икътисад министрлыгына караган Эшкуарлыкка ярдәм фонды республиканың кече һәм урта эшкуарлык субъектларына 1 процентлы микрозайм рәвешендә финанс ярдәме күрсәтәчәк. Займнан элегрәк федераль һәм республика чараларыннан файдалана алмаган һәм аеруча зур зыян күргән тармаклар исемлегенә кертелмәгән кече һәм урта эшкуарлык субъектлары файдалана ала. Ярдәм, беренче чиратта, икътисадның реаль секторында эшли торган эшкуарларга кагыла һәм 27 нче апрельдән гамәлгә ашырыла башлаячак.
Хөрмәтле галимнәр, уйлап табучылар, инноваторлар һәм рационализаторлар!
Татарстан Республикасы Икътисад министрлыгы исеменнән һәм шәхсән үземнән Сезне Халыкара интеллектуаль милек көне белән котлыйм!
Агымдагы чорда Татарстанда биш банк тарафыннан коронавирус тармаклары пандемиясеннән зыян күргән эшкуарлар исемлегенә кергән эшкуарлардан хезмәткәрләргә эш хакы түләү өчен 419,0 млн.сум күләмендә 0 процентлы займ алу турында 201 гариза хупланган.
Татарстан Республикасының эре предприятиеләрендә медицина битлекләре җитештерү буенча яңа линияләр эшли башлаячак. Республика предприятиеләрендә медицина битлекләре җитештерүнең гомуми күләме, яңа линияләрне эшләтеп җибәрүне дә исәпкә алып, аена 37,45 млн.данә тәшкил итәчәк. Җиһазлар 29 нчы апрельгә кадәр эшли башлар, дип көтелә. Бу хакта бүген Татарстан Республикасы Хөкүмәте Йортында узган республика киңәшмәсендә Татарстан Республикасы икътисад министры Мидхәт Шаһиәхмәтов хәбәр итте.
Татарстан Республикасы икътисад министры Мидхәт Шаһиәхмәтов республика икътисадының тотрыклы үсешен тәэмин итү планын гамәлгә ашыру кысаларында көн саен уздырыла торган видео-элемтә режимында киңәшмә уздырды. Нурлат, Сарман һәм Тәтеш районнары башлыклары эшче төркемгә үз хисапларын тәкъдим итте. Муниципалитетларда бизнес-бергәлек белән өзлексез эш оештырылган, эшкуарларга ярдәм итү чаралары турында оператив мәгълүмат җиткерү өчен банк вәкилләре белән очрашулар үткәрелә.