ЯҢАЛЫКЛАР

19-20 сентябрьдә Казанда Үзмәшгульләр форумы узачак. Татарстан микроэшкуарлары Горки-Әмәт урманында җыелып, анда үз хезмәтләрен һәм продукциясен ярминкәдә күрсәтәчәк, үзмәшгульлекнең актуаль мәсьәләләре турында фикер алышу өчен хакимият органнары һәм эшкуарлык җәмәгатьчелеге вәкилләре белән очрашулар уздырылачак.

Бүген Республика маркетинг үзәге платформасында Татарстанның 3200дән артык тәэминатчысы эшли. Аларның күбесе республика башкаласы эшкуарларына туры килә. Бүген Татарстан Республикасы икътисадының тотрыклы үсешен тәэмин итү планын гамәлгә ашыруга багышланган атналык киңәшмәдә РМҮ эше һәм җирле җитештерүчеләр продукциясенә ихтыяҗны стимуллаштыру турында сөйләштеләр.

Дәүләт һәм банк программалары кысаларында үткәрелгән реструктурлаштырулар COVID-19 пандемиясе аркасында кризисның иң кискен чорында, агымдагы елның икенче кварталында, күпчелек предприятиеләр эштән туктап калганда, гражданнарның керемнәре кимегәндә мөһим роль уйный. Татарстан Республикасында кредит оешмалары юридик затларның 16,3 млрд. сумлык 2127 кредитын реструктурлаштырган.

Бүген Татарстан Республикасы Министрлар Кабинетында «Яр Чаллы», «Түбән Кама», «Зеленодольск», «Чистай» һәм «Менделеевск» территорияләрендә эшчәнлек алып бару турында килешүләр төзү өчен гаризалар карау комиссиясе утырышы узды. Чара ТР Премьер-министры Алексей Песошин рәислегендә узды.

«Химград» технополисы территориясендә («Тасма-Инвест-Торг» ҖЧҖ) индустриаль паркның өч реконструкцияләнгән җитештерү бинасында 13 яңа производство эшләтеп җибәрелгән. Яңа резидент-компанияләр бетон заводлар өчен җиһазлар, агынты суларны биологик чистарту өчен аэрация системалары, инновацияле полимер компаундлар, бер тапкыр кулланыла торган медицина битлекләре җитештерә, спорт-балык тоту һәм ял итү өчен көймәләр төзи. Әлеге проектларны гамәлгә ашыру 214 яңа эш урыны булдырырга мөмкинлек биргән. «Химград» технополисы территориясендә барлыгы 300 артык резидент эшли, аларда 9000 артык эш урыны булдырылган.

Татарстанда 2021 елда социаль предприятиеләр исемлегенә керү өчен гаризалар һәм документлар кабул итү дәвам итә. Татарстанда кече һәм урта эшкуарлык субъектларын социаль предприятиеләр дип тану һәм тиешле исемлекне формалаштыру эшен республика Икътисад министрлыгы һәм аңа караган структуралар – Эшкуарлыкка ярдәм фонды һәм Социаль өлкәнең инновацияләр үзәге алып бара.

Коронавирус инфекциясе таралуга, нефтькә һәм доллар курсына бәяләрнең волатильлеге белән бәйле вазгыятьнең начараюы шартларында Татарстан Республикасы икътисадының тотрыклы үсешен тәэмин итү буенча чаралар планын гамәлгә ашыру буенча эшче төркем утырышында республика районнарында индустриаль паркларны һәм сәнәгать мәйданчыкларын үстерү перспективалары турында фикер алыштылар. Киңәшмә видеоконференцэлемтә режимында узды.

«Старт-ЦТ» инновацияле проектлар конкурсында катнашу өчен гаризалар кабул ителә башлаган. Катнашу өчен бер юнәлеш буенча инновацияле проект эшләргә кирәк: Цифрлы технологияләр; Медицина һәм сәламәтлек саклау технологияләре; Яңа материаллар һәм химия технологияләре; Яңа приборлар һәм интеллектуаль җитештерү технологияләре; Биотехнологияләр; Ресурсларны сак куллану энергетикасы.

Икътисад министры Мидхәт Шаһиәхмәтов Татарстанның Әгерҗе районында эш визиты белән  булды. Министр бизнес-җәмәгатьчелек вәкилләре белән очрашу үткәрде. Бизнес вәкилләре белән сөйләшү барышында икътисад министры эшкуарларның сорауларына җавап бирде, шулай ук яңа өстәмә ярдәм чаралары пакеты турында сөйләде.

Татарстанда «Кече һәм урта эшкуарлык һәм шәхси эшкуарлык инициативасына ярдәм итү» илкүләм проекты гамәлгә ашырыла.