ЯҢАЛЫКЛАР
Хөрмәтле эшкуарлар!
Татарстан Республикасы Икътисад министрлыгы Татарстан Республикасы Министрлар Кабинетының 2020 елның 25 апрелендәге 327 номерлы карары белән расланган «Процент ставкасын субсидияләү» программасы буенча гаризалар кабул итүнең тәмамлануы турында игълан итә.
Прокуратура органнары тарафыннан 2020 елның 1 сентябрендә 2021 елга планлы тикшерүләр үткәрүнең еллык планнарын формалаштыру эше башланган.
Бүген 78 меңгә якын татарстанлы үзмәшгуль сыйфатында теркәлгән. Моннан тыш, илнең башка субъектларында теркәлгән тагын 8,6 мең чит ил гражданины республиканы үз эшчәнлеген алып бару төбәге итеп сайлаган. Агымдагы елда, 1 августка, Татарстан үзмәшгульләре тарафыннан 154,8 млн. сум салым түләүләре түләнгән.
ТР Икътисад министрлыгына караган Эшкуарлыкка ярдәм фонды кыска вакыт эчендә «Перезагрузка» программасы буенча микрозайм бирде. Гариза биргәннән алып, эшкуар счетына акча күчергәнчегә кадәр нибары 3 сәгать вакыт узды. Производствоны киңәйтү өчен микрофинанс продукты алуга җиһаз җитештерү белән шөгыльләнүче шәхси эшкуар ФАСТТРЕК.РФ порталында гариза рәсмиләштергән.
Татарстанның коммерциясез оешмалары Россия Президенты Владимир Путин грантына дәгъва белдерә ала.
1 сентябрьдә Казанда «Россиянең яшь эшкуары 2020» Бөтенроссия конкурсының төбәк этабында җиңүчеләр игълан ителде. Төбәк этабы Татарстан Республикасы Икътисад министрлыгы, Эшкуарлыкка ярдәм фонды һәм «Эшкуарлык фабрикасы» проекты ярдәмендә үткәрелә.
Татарстан Республикасы икътисад министры эш сәфәре кысаларында Югары Ослан муниципаль районында булды. Визит барышында министр районның җитештерү предприятиеләре эшчәнлеге белән танышты һәм аларның хезмәт коллективлары белән очрашулар уздырды.
Бүген Татарстан Республикасы икътисад министры Мидхәт Шаһиәхмәтов эш сәфәре белән Зеленодольск районында булды. Ул «Зеленодольск проект-конструкторлык бюросы» АҖдә булды, предприятиенең хезмәт коллективы белән очрашты, «М7» индустриаль паркында булды, резидентлар белән кече һәм урта бизнеска ярдәм итү мәсьәләләре турында фикер алышты.
24 августтан башлап Татарстанның Икътисад министрлыгы тарафыннан республика икътисадын торгызуга һәм җанландыруга юнәлдерелгән бизнеска ярдәм итүнең өстәмә чараларына старт бирелде. Бүген эшкуарларга ярдәм итү чараларын сайлап алу һәм бәяләүгә якын килүнең яңа алымы формалаштырылды, ул бизнеска килеп туган икътисадый вәзгыятьтән чыгу вакытында чыгымнарны киметергә мөмкинлек бирәчәк.
Яңа чаралар пакеты эшкуарларның максималь киң аудиториясенә исәпләнгән. Икътисадның урман хуҗалыгы, эшкәртү эшчәнлеге, төзелеш, мәгълүмат һәм элемтә өлкәләрендә эшчәнлек башкара торган реаль секторыннан һәм икътисадның башка секторларында эшчәнлек алып баручы оешмалар ярдәм алырга мөмкин. Шулай ук ярдәм чаралары югары уку йортларын тәмамлаучылар, җәмәгать туклануы оешмалары, сәнәгать парклары һәм мәйданчыклары резидентлары һәм идарәче компанияләре, экспорт юнәлешле кече һәм урта бизнес субъектлары, үз портфелендә инвестиция максатларына юнәлдерелгән кредитлар булган эшкуарлар өчен юнәлдерелгән.
Югарыда санап үтелгән барлык КУЭ субъектлары категорияләре түбәндәге ярдәм чараларыннан файдалана ала:
Республика җитештерүчеләре өчен продукцияне Россия һәм чит ил базарларына чыгару, сату каналларын киңәйтү, җирле товар белән тәэмин итүчеләр товарларын интернет-мәйданчыкларга чыгару юлы белән транспорт һәм логистика чыгымнарын киметү буенча яңа мөмкинлекләр ачыла. Агымдагы елда Икътисад министрлыгы e-commerce базарының эре вәкилләре белән берлектә 6 укыту вебинары үткәрде, аларда Татарстанның 7 меңнән артык эшкуары катнашкан.