ЯҢАЛЫКЛАР
2020 елда Татарстан Республикасында илкүләм проектларны гамәлгә ашыруга 31,6 млрд. сум бүлеп бирү планлаштырыла. Шуларның 23,1 млрд. сумы – федераль бюджеттан, 8,5 млрд. сумы республика бюджетыннан биреләчәк.
Хөрмәтле эшкуарлар!
Татарстан Республикасы Икътисад министрлыгы Татарстан Республикасы Министрлар Кабинетының 2020 елның 13 октябрендәге 875 номерлы карары белән расланган «Процент ставкасын субсидияләү» программасы буенча гаризалар кабул итүнең тәмамлануы турында игълан итә.
Пандемия чорында Татарстан Республикасы Икътисад министрлыгы тарафыннан федераль программаларга колачланмаган эшкуарларга ярдәм итүгә юнәлдерелгән чаралар пакеты эшләтеп җибәрелде. Моннан тыш, хәзерге вакытта республикада өстенлекле тармаклар хисабына икътисадны торгызу бурычы тора, алар өчен, 24 августтан башлап, төбәк икътисадын стимуллаштыруга һәм җанландыруга юнәлдерелгән өстәмә ярдәм чаралары пакетына старт бирелде.
23 октябрь көнне, 17:00 сәгатьтә Эшкуар йортында «Ел экспортеры» конкурсына йомгак ясалачак. Чарада 2019 елда экспорт контрактларын төзегән кече һәм урта бизнес субъектлары – экспортерлар катнашачак.
Яр Чаллыдан хоккей кәшәкәләре җитештерүче «ЗаряД» компаниясе Мюнхенда узачак күргәзмәдә катнашырга планлаштыра. Татарстан Республикасы Икътисад министрлыгына караган оешма – Эшкуарлыкка ярдәм фондының Экспортка ярдәм үзәге әлеге чарада катнашуны оештыруда ярдәм күрсәтәчәк.
Бүген Татарстан территориясендә 7 моношәһәр урнашкан, аларда миллионнан артык кеше яши, бу республиканың икътисадый актив халкының дүрттән бер өлеше. Моношәһәрләрне үстерү фондыннан ярдәм программалары ярдәмендә аларны үстерү буенча яңа мөмкинлекләр барлыкка килгән.
1 октябрьдә Татарстанда, бөтен илдәге кебек үк, пандемия чорында һәм ул китереп чыгарган кризис вакытында хезмәткәрләргә эш хакын түләүгә юнәлдерелгән ташламалы кредит бирү программасы тәмамланды. Республикада кризиска каршы әлеге ярдәмнән 6 ай эчендә 1159 эшкуар файдаланган, бу аларга 3,1 млрд. сумлык кредит акчаларын җәлеп итәргә мөмкинлек биргән.
Үзмәшгуль гражданнар икътисадта мөһим роль уйный башлый. Быел республикада аларның саны, узган ел белән чагыштырганда, 30% арткан һәм 88 070 кешегә җиткән.
Стратегик инициативалар агентлыгы делегациясе Балалар республика клиник хастаханәсенә килеп китте. Делегатларны клиника эше белән таныштырган җентекле презентациядән соң, хастаханә администрациясе кунакларны оешманың структур бүлекчәләре белән таныштырды.
Бүген Казанда Татарстан социаль эшкуарлары тарафыннан сәламәтлек саклау өлкәсендәге проектларны гамәлгә ашыру турында фикер алыштылар. Төбәкнең коммерциясез оешмалары вәкилләре белән Стратегик инициативалар агентлыгы генераль директоры Светлана Чупшева очрашты. Очрашу Казан ИТ-паркында урнашкан «Точка кипения» киңлегендә узды. Чарада Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов катнашты.