0% белән 3,1 млрд сум – Татарстанда процентсыз кредитлау программасы төгәлләнде

1 октябрьдә Татарстанда, бөтен илдәге кебек үк, пандемия чорында һәм ул китереп чыгарган кризис вакытында хезмәткәрләргә эш хакын түләүгә юнәлдерелгән ташламалы кредит бирү программасы тәмамланды. Республикада кризиска каршы әлеге ярдәмнән 6 ай эчендә 1159 эшкуар файдаланган, бу аларга 3,1 млрд. сумлык кредит акчаларын җәлеп итәргә мөмкинлек биргән.

Исегезгә төшерәбез, программа агымдагы елның апрелендә эшләтеп җибәрелгән иде, чөнки Россия Федерациясе Икътисадый үсеш министрлыгы Россия банклары белән процентсыз кредит бирүне финанслау турында килешү имзалаган.

Үз чиратында, коронавирус тармаклары пандемиясеннән зыян күргән юридик затлар һәм шәхси эшкуарлар хезмәт хакын түләүгә ташламалы процентсыз кредит алуга дәгъва итә ала иде. Программа шартлары нигезендә, кредит буенча процентлар федераль бюджеттан түләнде, ә бурычка алучы өчен алар нульгә тигез иде. Кредит 6 айдан артык вакытка озайтылган очракта, алтынчы ай узганнан соң ставканы субсидияләү туктатыла иде.

Кредит күләме түбәндәгечә исәпләнде: төбәктә 1 минималь хезмәт хакы күләме (Татарстан өчен бу күрсәткеч: 12 130 сум + социаль кертемнәр) * хезмәткәрләр саны * 6 ай.

Программага республикада эшләүче 17дән артык әйдәп баручы банк кертелгән. Пандемия чорында әлеге чара үз вакытында һәм кирәкле булды, чөнки ил җитәкчелеге алдында эшләүче халыкның санын һәм мәшгульлеген максималь дәрәҗәдә саклап калу бурычы тора иде.