ЯҢАЛЫКЛАР
Икътисад министрлыгында җирле үзидарә органнары эшчәнлеген бәяләү күрсәткечләре исемлеген яңадан карау эше алып барыла. Бу хакта бүген Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов рәислегендә узган киңәшмәдә сөйләштеләр. Чарада Татарстан Республикасы Муниципаль берәмлекләр советы вәкилләре, район башлыклары һәм Татарстан Республикасы Икътисадый һәм социаль тикшеренүләр үзәге вәкилләре катнашты.
30 сентябрьдә 106-ФЗ номерлы федераль закон кысаларында кредитларны реструктурлаштыруга гаризалар кабул итү тәмамланды. COVID-19 пандемиясе китереп чыгарган кризис чорында кредит каникуллары мөһим роль уйнады. Татарстан Республикасында кредит оешмалары дәүләт һәм банк эчендәге программалар кысаларында юридик затларның 16,8 млрд. сумлык 2133 кредитын реструктурлаштырган. Моннан тыш, физик затлардан һәм шәхси эшкуарлардан 18,5 млрд сумлык кредит каникулларына 40 меңнән артык гариза канәгатьләндерелгән.
Россиянең Монополиягә каршы федераль хезмәте Татарстанның дәүләт һәм муниципаль хезмәткәрләрен монополиягә каршы хәтәрлекләр белән идарә итәргә һәм аларны контрольдә тотарга өйрәтәчәк. 2020 елның 20-21 октябрь көннәрендә Россия Монополиягә каршы федераль хезмәтенең Укыту-методика үзәге базасында «Монополиягә каршы комплаенсны гамәлгә кертү һәм дәүләт хакимияте һәм җирле үзидарә органнарында монополиягә каршы законнарны куллану практикасы» дигән квалификация күтәрү программасы узачак.
ТР Икътисад министрлыгында узган ВКС-утырышта кече һәм урта бизнеска мөлкәти ярдәм күрсәтү һәм ЕНВД режимыннан башка салым режимнарына күчү турында фикер алыштылар. Киңәшмәдә республика икътисадының тотрыклы үсешен тәэмин итү буенча эшче төркем әгъзалары һәм Татарстанның муниципаль районнары һәм шәһәр округлары вәкилләре катнашты.
Төзелеш материалларын җитештерүче республика эшкуарлары халыкара күргәзмәдә катнаша ала. 7-10 декабрь көннәрендә Доха шәһәрендә (Катар) «Project Qatar 2020» төзелеш технологияләре, төзелеш материаллары, җайланмалар һәм табигать саклау технологияләре буенча 17 нче халыкара күргәзмә-ярминкә узачак.
Татарстан Республикасы Министрлар Кабинеты грантларын алуга конкурска гаризалар кабул ителә. Анда коммерциясез оешмалар катнаша ала.
Татарстан Республикасы Эшкуарлыкка ярдәм фонды, Татарстан Республикасы Икътисад министрлыгы ярдәме белән, ел саен үткәрелә торган журналист эшләре республика конкурсына конкурс эшләрен кабул итә башлау турында игълан итә. Татарстан Республикасы үсешенең социаль-икътисадый темаларына язучы журналистлар катнашу өчен чакырыла.
РФ Салым кодексына һәм федераль законнардагы статьяларга кертелгән төзәтмәләр нигезендә, аерым эшчәнлек төрләре өчен вакытлы керемгә бердәм салым рәвешендә салым салу системасы Россиядә 2021 елның 1 гыйнварыннан башлап тулысынча гамәлдән чыгарга тиеш. Федераль салым хезмәте мәгълүматлары буенча, Татарстанда вакытлы керемгә бердәм салым түләүчеләр 50 меңнән артык.
1 ноябрьдә халыкны эш белән тәэмин итүгә юнәлдерелгән 2% ташламалы кредит бирү программасын гамәлгә ашыру төгәлләнә. Программа эшчәнлеге икътисадның пандемиядән зыян күрүче тармакларына караган Татарстан эшкуарлары арасында ихтыяҗ зур булуын күрсәтә. Узган атна ахырына банклар тарафыннан 13,5 млрд. сумлык 6 279 кредит бирелгән.
Узган атнада видеоконференцэлемтә режимында Республика икътисадының тотрыклы үсешен тәэмин итү буенча чаралар планын гамәлгә ашыру буенча эшче төркемнең традицион утырышлары узды. Киңәшмәләр муниципалитетларның финанс тотрыклылыгын тәэмин итү, контроль-күзәтчелек эшчәнлеге өлкәсендә законнар нигезендә җайга салу үзгәрешләренә, шулай ук федераль дәрәҗәдә ярдәм итүнең яңа чараларына багышланган иде.