ЯҢАЛЫКЛАР
Алабугада илкүләм проектларны гамәлгә ашыруда ярдәм итү мәсьәләләре буенча республика һәм район комиссияләренең күчмә утырышы узды. Очрашу ТР Дәүләт Советы Рәисе урынбасары Татьяна Ларионова һәм ТР икътисад министры урынбасары Айрат Шәмсиев катнашында узды.
Көн тәртибе буенча фикер алышканчы, муниципалитетларга, торак төзелешен, иҗтимагый инфраструктураны һәм хезмәт урыннары булдыруны да кертеп, территорияләрне комплекслы үстерү кирәклеге, шулай ук 2022-2024 елларга республика муниципаль берәмлекләре социаль-икътисадый үсешен фаразлауның билгеләнгән срокларына юнәлтү турында искәрттеләр.
Татарстан Республикасы Икътисад министрлыгына караган Татарстан Республикасы Эшкуарлыкка ярдәм фондында үзмәшгульләр һәм эшкуарлар үз проблемаларын хәл итә һәм бизнесларын үстерүдә ярдәм ала алалар. Аерым алганда, биредә беренче тапкыр маркетплейска чыгару буенча бушлай хезмәт күрсәтелә башлады. Сервис «Кече һәм урта эшкуарлык һәм эшкуарлык инициативасына ярдәм» илкүләм проекты кысаларында бушлай бирелә.
Казанда Идел буе федераль округында урнашкан Росстат территориаль органнары җитәкчеләренең региональ советы утырышы узды. Фикер алышуның төп темасы – 2021 елның 1 октябреннән 31 октябренә кадәр Татарстанда узачак Бөтенроссия халык санын алу.
Татарстан Республикасы Икътисад министрлыгына караган Эшкуарлыкка ярдәм фонды социаль юнәлешле кече һәм урта эшкуарлык субъектлары өчен «Социаль эшкуар» микрозаймы буенча ставка күләмен микрофинанслау килешүен төзү мизгеленә РФ Үзәк Банкының төп ставкасының 1/2 өлешенә кадәр киметте.
Татарстанстат бәяләвенчә, быелның гыйнвар-апрель нәтиҗәләре буенча Татарстан Республикасының тулай төбәк продуктының күләме 938,8 млрд.сумга җиткән, ягъни узган елның шул ук чоры белән чагыштырганда – 100,4%.
Татарстан Республикасы икътисад министры урынбасары Равил Сираҗиев эш визиты белән Балтач районында булып китте. Визит барышында Сираҗиев муниципаль берәмлекнең җитештерү предприятиеләрен карады, шулай ук Икътисад министрлыгы катнашында хәл ителергә тиешле берничә мәсьәлә ачыкланды.
2021 елның 11 июнендә Россия Икътисадый үсеш министрлыгы Россия Федерациясе субъектларында 2020 ел өчен «Россия Федерациясе субъектларында контроль-күзәтчелек эшчәнлеген гамәлгә ашыру» максатчан моделен гамәлгә кертү күрсәткечләренә ирешүнең йомгаклау күрсәткечләрен раслаган.
21 июньнән «Демография» илкүләм проектының «Мәшгульлеккә ярдәм итү» федераль проекты кысаларында Татарстан Республикасында «Ворлдскиллс» программасының «Эшкуарлык» компетенциясе буенча бушлай укыту башлана. 2021 елда республикада яшәүче 50 кеше белем ала алачак. Укуга кабул итү дәвам итә.
2021 елда Президент грантларының икенче конкурсы нәтиҗәләре буенча Татарстанның социаль юнәлешле 49 коммерциясез оешмасы 78,9 млн.сум күләмендә ярдәм алачак.