ЯҢАЛЫКЛАР
ТР Эшкуарлыкка ярдәм фондының «Минем бизнес» үзәге тренеры 21-25 июньдә декреттагы әниләр һәм балигъ булмаган балалары булган әниләр өчен «Эшкуар әни» дигән тренинг үткәрәчәк. Әлеге федераль белем бирү программасының максаты – хатын-кызлар эшкуарлыгын үстерү.
15 июньнән Татарстан Республикасы Икътисад министрлыгына караган Татарстан Республикасы Эшкуарлыкка ярдәм фонды (алга таба – Фонд) «Кече һәм урта эшкуарлык һәм шәхси эшкуарлык инициативасына ярдәм» илкүләм проектын гамәлгә ашыру кысаларында үзмәшгульләрне һәм эшкуарларны электрон сәүдә мәйданчыкларына чыгару хезмәтен башлап җибәрә.
Татарстан Республикасы икътисадының тотрыклы үсешен тәэмин итү буенча эшче төркем әгъзалары ВКС режимында атна саен үткәрелә торган утырыш кысаларында Республика маркетинг үзәгенең эше һәм төбәктә конкуренцияне үстерү турында фикер алышты.
2021 елда Татарстанда илкүләм проектлар буенча Алабуга һәм Зеленодольскта ике мәдәни үсеш үзәге төзеләчәк. Моннан тыш, республиканың Минзәлә һәм Кукмара районнарында өч авыл мәдәният йорты ачу да планлаштырыла. Бу хакта ТР Икътисад министрлыгының матбугат хезмәте хәбәр итә.
Татарстан Республикасы Икътисад министрлыгына караган «Татарстан Республикасы кече һәм урта эшкуарлыгына ярдәм һәм аны үстерү программаларын гамәлгә ашыру үзәге» ДКУ гамәлдәге кредитлар буенча процент ставкасын һәм азык-төлек һәм ризык китерү хезмәтләре өчен түләүгә бәйле чыгымнарны 100% субсидияләү программаларында катнашуга бизнестан гаризалар кабул итә башлый.
Татарстан Республикасы икътисад министры урынбасары Равил Сираҗиев эш визиты белән Тукай районында булып китте. Визит кысаларында ул «Кама» сәнәгать паркын карады һәм 2021 елда гамәлгә ашыру планлаштырыла торган инвестиция проектлары белән танышты.
2021 елның 10-11 июнь көннәрендә Казанда оешмаларга коммерцияле булмаган финанс бирүгә юнәлдерелгән «Эшкуарлыкта микрофинанслау. III сезон» Бөтенроссия форумы узачак. Татарстан башкаласындагы әлеге чара коммерцияле булмаган микрофинанс оешмалары секторы (дәүләт катнашында) үсешенең иң мөһим һәм кискен мәсьәләләре буенча фикер алышу, аларның эшчәнлек мәсьәләләре буенча тәкъдимнәр һәм киңәшләр әзерләү мәйданчыгы булачак.
Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов Саха (Якутия) Республикасы Хөкүмәте Рәисе урынбасары Михаил Никифоров җитәкчелегендәге Якутия делегациясе белән очрашты. Очрашу ике төбәктә социаль-икътисадый үсеш һәм дәүләт идарәсе тәҗрибәсе һәм уңышлы практикалары белән уртаклашу максатында узды.
Бүген Татарстан Республикасы Икътисад министрлыгында «Татарстан Республикасы социаль-икътисадый үсешенең уңышлы тәҗрибәләре һәм дәүләт идарәсе технологияләре» программасы буенча белем бирү кысаларында Ямал-Ненец автономияле округы, Ханты-Манси автономияле округы – Югра һәм Саха (Якутия) Республикасы министрлыклары һәм ведомстволары җитәкчеләре булып китте.
«Кече һәм урта эшкуарлык һәм шәхси эшкуарлык инициативасына ярдәм» илкүләм проектын гамәлгә ашыру кысаларында Экспортка ярдәм үзәге бизнес субъектларының халыкара күргәзмә-ярминкә чараларында Татарстан Республикасының күмәк стендында катнашуын оештыра.