ЯҢАЛЫКЛАР
22 декабрьдә #МойбизнесПомогает хәйрия хәрәкәте кысаларында Татарстан Республикасы Икътисад министрлыгына караган Эшкуарлыкка ярдәм фондының «Минем бизнес» үзәге Яңа ел алдыннан, хайваннар өчен азык һәм кирәк-ярак тапшыру максатында, эшкуарлар белән «Казан Шелтер» приютына баруны оештырган.
Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов «Теләкләр чыршысы» федераль хәйрия акциясенә кушылды. Балаларның теләкләре язылган открыткалар белән ТР Дәүләт Советында урнаштырылган чыршы бизәлгән.
Татарстан Республикасы Икътисад министрлыгына караган Эшкуарлыкка ярдәм фондының Экспортка ярдәм үзәге белгечләре яшь эшкуарларга тышкы сәүдәне уңышлы үстерү өчен кирәкле күнекмәләрне формалаштырырга ярдәм итәчәк бушлай белем бирү программаларын туплаганнар.
2021 елның 23 декабрендә икътисад министры урынбасары Айрат Шәмсиев республиканың ел саен уздырыла торган «Илкүләм проектлар: Татарстан - 2021» республика фотоконкурсына тәкъдим ителгән иң яхшы 100 фотоэшне тәкъдир итүдә катнашты. Фотоэшләр «Татарстан Республикасы муниципаль берәмлекләре советы» ассоциациясенең XVI съездын уздыру кысаларында мультимедиа күргәзмәсе форматында трансляцияләнде.
«Иннополис» МИЗ Күзәтчелек советы утырышы Татарстан Республикасы Президенты Рөстәм Миңнеханов рәислегендә узды, анда Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов катнашты.
17 декабрьдә Татарстан Республикасы Икътисад министрлыгына караган Эшкуарлыкка ярдәм фондының «Минем бизнес» үзәгендә гамәлдәге эшкуарларны укытуга юнәлтелгән КУЭ корпорациясенең «Эшкуарлык мәктәбе» белем программасы тәмамланды. Программаны 24 катнашучы узган. Биш көн дәвамында эшкуарлар бизнес алып баруның төрле мәсьәләләре буенча спикерлардан лекцияләр һәм мастер-класслар тыңлаганнар.
Татарстан Икътисад министрлыгына караган республиканың Гарантия фонды Татарстан эшкуарларына 429 млн.сум алырга ярдәм иткән, бу хакта ведомствоның матбугат хезмәте хәбәр итә. Кредит акчалары «Ярдәм 2021» ташламалы продукты кысаларында бирелгән.
Татарстан кече һәм урта бизнесны цифрлаштыру өлкәсендә яңа сынау проектында катнаша. Республика алдынгы цифрлы сервислары һәм дәүләт идарәсе өлкәсендәге чишелешләре федераль платформага интеграцияләнәчәк беренче Россия төбәге булачак.
15 декабрьдә кече һәм урта бизнеска һәм социаль юнәлешле коммерциясез оешмаларга эш көне булып саналмаган көннәр өчен субсидияләр алуга гаризалар тапшыру эше тәмамланды.
Татарстан Республикасы Икътисад министрлыгы карамагындагы Татарстан Республикасы Эшкуарлыкка ярдәм фондының «Минем бизнес» үзәге хайваннар өчен Казан приютларының берсенә ярдәм итү акциясен башлап җибәрә.