Татарстанда республика бизнесына ярдәм күрсәтү өчен яңа цифрлы платформа сынау уза

Татарстан кече һәм урта бизнесны цифрлаштыру өлкәсендә яңа сынау проектында катнаша. Республика алдынгы цифрлы сервислары һәм дәүләт идарәсе өлкәсендәге чишелешләре федераль платформага интеграцияләнәчәк беренче Россия төбәге булачак.

Хәзерге вакытта ТР Икътисад министрлыгы, ТР Дәүләт идарәсен цифрлы нигездә үстерү министрлыгы белән берлектә, КУЭ субъектларына дәүләт ярдәмен һәм хезмәтен күрсәтү чараларын гадиләштерү буенча өзлексез эш алып барыла. Хәзер экспертлар республика бизнесына ярдәм күрсәтү буенча яңа цифрлы платформага сынау уздыра.

Сервис функциясе КУЭ дәгъва белдерергә мөмкин булган барлык субсидияләрне һәм ярдәм чараларын  цифрлы рәвешкә күчерүне күздә тота. Шулай итеп, онлайн режимда кредитлар буенча процент ставкасын субсидияләү, микробурычларны матди тәэмин итү, кредитлар буенча әманәт бирү һәм башка чаралар кебек хезмәтләрдән файдаланырга мөмкин булачак. Яңа хезмәтләрдән 2022 елда Татарстан Республикасы Дәүләт идарәсен цифрлы нигездә үстерү министрлыгы тарафыннан оештырылган, хупланган платформада файдалану мөмкин булачак. Эшкуарлар микроәҗәт суммаларын читтән торып, «Минем субсидияләр» суперсервисында (https://subsidiya.tatarstan.ru/landing/) рәсмиләштерә алачак.

Киләчәктә региональ платформада күрсәтелә торган хезмәтләр Кече һәм урта эшкуарлыкны үстерү буенча федераль корпорация (КУЭ корпорациясе) эшли торган федераль платформага да интеграцияләнәчәк. Яңа федераль цифрлы платформа илдә дәүләтнекенә генә түгел, коммерцияле  бизнеска да ярдәм итүнең барлык чараларына бердәм керү ноктасы булыр дип планлаштырыла. Ярдәмнең региональ чараларын интеграцияләүне башта Россия Федерациясенең берничә субъектында сынап карыйлар, аннары гомумфедераль сервис итәчәкләр.

Россиядә якынча 5,6 млн эшкуар бар, шуларның 159 меңе Татарстанда эшчәнлек алып бара. 2021 ел нәтиҗәләре буенча республиканың кече һәм урта бизнесының 19 мең вәкиле ярдәм чараларыннан файдаланган.