ЯҢАЛЫКЛАР

Федераль салым хезмәтенең 1 майга булган мәгълүматлары буенча, Татарстанда 165 меңнән артык кече һәм урта эшмәкәрлек субъекты исәпләнә, дип хәбәр итте Татарстан Республикасы Премьер-министры урынбасары – Татарстан Республикасының икътисад министры Мидхәт Шаһиәхмәтов шимбә көнне Татарстан Республикасы Министрлар Кабинетында узган традицион киңәшмәдә Татарстан Республикасы икътисадының тотрыклы үсешен тәэмин итү турында ясаган докладында. Киңәшмәне Татарстан Республикасы Президенты Рөстәм Миңнеханов үткәрде.

Республика эшкуарларына санкцияләр шартларында 25,3 млрд сумлык федераль һәм республика ярдәм чараларын алуга 2328 заявка хупланды. Бу хакта бүген ТР Хөкүмәте Йортында узган республика киңәшмәсендә ТР Премьер-министры урынбасары – ТР икътисад министры Мидхәт Шаһиәхмәтов сөйләде.

Россиянең барлык гражданнары да Контроль төрләренең бердәм реестрын карый ала. Хәзер теләгән һәркем – физик зат, шәхси эшкуар, юридик зат – ervk.gov.ru сайтына керә ала һәм Контроль төрләренең бердәм реестрында аны кызыксындырган төр хакында мәгълүмат таба ала. 

Россиянең кече һәм урта бизнесыннан 4,5 меңгә якын вәкил 2022 елның I кварталында гарантия һәм поручительлек өчен кредит акчаларын алган, бу узган елның шул ук чоры күрсәткечләреннән 50 % ка артык. Татарстан Республикасы гарантия ярдәме алучылар саны буенча лидер-төбәкләр өчлегенә керә.

Татарстан Республикасында социаль эшкуарлар өчен бушлай укыту семинарлары сериясе старт ала. Уку нәтиҗәләре буенча, социаль предприятиеләр 500 мең сумга кадәр түләүсез грант ярдәме алуга гариза формалаштырырга өйрәнәчәкләр һәм үзләре дәгъва итә алачак релевант дәүләт ярдәме программаларын билгеләячәк.

Бүген Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов төбәк икътисадының тотрыклы үсешен тәэмин итү буенча эшче төркемнең чираттагы утырышын уздырды. Утырыш кысаларында тармак министрлыклары җитәкчеләре катнашында авыл хуҗалыгы тармагы мәсьәләләре каралды.

Май ахырында Татарстанның 3 шәһәрендә Татарстан Республикасы Икътисад министрлыгы республикада яшәүче хатын-кызлар өчен бушлай белем бирү программасын башлап җибәрә, анда һәр теләгән кеше үз идеясен тормышка ашыра һәм тәҗрибәле остазлар җитәкчелегендә нибары 7 атна эчендә үз бизнесын башлый алачак.

Республикада эчәргә яраклы суның сыйфатын яхшырту «Чиста су» төбәк проектын тормышка ашыру кысаларында каралган. «Уңайлы шәһәр мохитен формалаштыру» төбәк проектын гамәлгә ашыру республика шәһәрләрендә һәм районнарында җәмәгать тирәлеген төзекләндерергә мөмкинлек бирәчәк. Моннан тыш, «Торак фондының яшәү өчен яраксызлыгын тотрыклы киметүне тәэмин итү» төбәк проекты кысаларында торак төзелешен үстерү һәм гражданнарны авария хәлендәге торак фондыннан күчерү программаларын стимуллаштыру буенча чаралар гамәлгә ашырыла. Татарстанда әлеге чараларны гамәлгә ашыруга 2 389,1 млн сум акча бүлеп биреләчәк.

РФ Президенты Владимир Путин йөкләмәсе буенча, агымдагы елның икенче һәм өченче кварталларында Россиянең 2,8 млн компаниясе өчен иминият кертемнәрен түләү буенча 12 айга кичектерү кертелә. Кичектерү бирүнең гомуми күләме 1,6 трлн сум тәшкил итәчәк, Татарстанда оешмалар һәм эшкуарларга ярдәм күләме 38,9 млрд сум тәшкил итәчәк.

«Россия Федерациясенең цифрлы икътисады» илкүләм программасының «Цифрлы технологияләр» федераль проекты кысаларында «Үсеш» программасында катнашу өчен гаризалар кабул итү башланды, ул 6 июньгә кадәр дәвам итәчәк.