ЯҢАЛЫКЛАР
Эшкуарлыкны үстерү инфраструктурасының бөтенроссия конференциясе кысаларында бизнеска ярдәм итү инфраструктурасы оешмалары бүләкләнгән. Татарстан 4 номинация буенча – лидерлыкта.
Яңа проектларны алга этәрү буенча стратегик инициативалар агентлыгы (алга таба – Агентлык), Бөтендөнья банкы белән берлектә, «World AI&Data Challenge» халыкара санлы чишелешләр конкурсы башлануы турында игълан итте. Агентлык конкурсны инде өченче тапкыр үткәрә, призерлар арасында элек Татарстан Республикасыннан катнашучылар да бар иде. 2021 елда конкурсның Химаячеләр советы рәисе итеп Россия Федерациясе Хөкүмәте Рәисе урынбасары Д.Н.Чернышенко билгеләнгән.
Россия Сәнәгать һәм сәүдә министрлыгы беренче тапкыр Россиядә индустриаль парклар һәм сәнәгать технопарклары үсешенең рәсми статистикасын бастырып чыгарган. 2020 ел нәтиҗәләре буенча Татарстан Республикасы, Мәскәү өлкәсеннән генә калышып, Россия Федерациясенең 85 субъекты арасында 2 нче урын алган. Республикада барлыгы 23 индустриаль парк һәм 4 технопарк бар.
Социаль объектлар «Торак һәм шәһәр мохите», «Демография» һәм «Мәгариф» илкүләм проектларын гамәлгә ашыру кысаларында төзелә.
ТР Икътисад министрлыгында контроль-күзәтчелек эшчәнлеген федераль һәм төбәк дәрәҗәләрендә җайга салучы федераль законнарны гамәлгә ашыру өчен норматив-хокукый актлар проектларын әзерләү турында фикер алыштылар.
Россия икътисадый үсеш министры Максим Решетников һәм Татарстан Республикасы Президенты Рөстәм Миңнеханов эшлекле очрашу уздырдылар, аның кысаларында төбәкнең социаль-икътисадый үсеш мәсьәләләре турында фикер алыштылар. «Алабуга» һәм «Иннополис» махсус икътисадый зоналары кысаларында төбәктә инвестиция эшчәнлеген үстерү, шулай ук инвестиция проектларына инфраструктура ярдәме турында фикер алышу өчен төп темалар булды. Очрашу кысаларында яклар агломерацияләрне һәм моношәһәрләрне үстерүгә ярдәм итү һәм территориаль планлаштыру мәсьәләләре буенча да фикер алышты.
2021 елның 23 апрелендә 12.00 сәгатьтә Wildberries компаниясе, Татарстан Республикасы ярдәме белән, җирле тәэмин итүчеләр һәм җитештерүчеләр өчен яңа форматтагы укыту вебинары үткәрәчәк: яңа эш башлаучы эшкуарлар маркетплейста үзләренең беренче товарларын «онлайн» режимында урнаштырачак һәм мәйданчык мөмкинлекләре турында максималь файдалы мәгълүмат алачак. Вебинардан соң тренерга сораулар биреп булачак.
Татарстанның иң яхшы эшкуарлары eBay киңлегендә әзер кибет алачак. Чара eBay аша экспорт сатуларын үстерү һәм кече һәм урта бизнес продукциясен алга этәрү программасы кысаларында, Татарстан Республикасы Эшкуарлыкка ярдәм фондының Экспортка ярдәм үзәге тарафыннан eBay маркетингы һәм ZoneSmart интегратор-компаниясе белән берлектә оештырыла.
2021 елның 1 июленнән Россия Хөкүмәте тарафыннан билгеләнгән аерым контроль төрләре өчен күзәтчелек органнары карарларына судка кадәр шикаять белдерү процедурасы кертеләчәк. 2023 елның 1 гыйнварыннан ул дәүләт контроле турындагы закон белән җайга салына торган барлык контроль төрләре өчен этаплап кертелә башлаячак. Бу хакта Россия Хөкүмәте Рәисе урынбасары – Хөкүмәт Аппараты җитәкчесе Дмитрий Григоренко бу өлкәдә сынау тәҗрибәсен гамәлгә ашыруга багышланган киңәшмәдә хәбәр иткән.
Россия экспорт үзәге 2021 елда «Ел экспортеры» Бөтенроссия конкурсы башлануы турында игълан итә һәм гаризалар кабул итә башлый.