ЯҢАЛЫКЛАР
Татарстан Республикасы Икътисад министрлыгында Татарстан Республикасы икътисадын тотрыклы үстерүне тәэмин итү чаралары планын гамәлгә ашыру буенча эшче төркем утырышы узды. Эшче төркем әгъзалары КУЭ субъектлары эшчәнлеген тоташ статистик күзәтү һәм эчке ихтыяҗга этәргеч бирү мәсьәләләре турында фикер алышты.
Россия Федерациясе Мәдәният министрлыгы, «Аэрофлот» компаниясе һәм «Илкүләм өстенлекләр» коммерциясез автоном оешмасы белән берлектә, «Мәдәният төсләре» дигән балалар рәсем конкурсы уздыра. Проектның максаты – «Мәдәният» илкүләм проекты инициативаларына игътибар җәлеп итү. Конкурста 2021 елның февраленнән май аена кадәр 3-11 яшьләрдәге балалар катнаша ала. Нәтиҗәләр 2021 елның май-июнь айларында ясалачак.
Татарстан Республикасы Икътисад министрлыгында Бурятия Республикасы Хөкүмәте Рәисе урынбасары – сәнәгать, сәүдә һәм инвестицияләр министры Антон Виноградов җитәкчелегендәге Бурятия делегациясе белән очрашу узды.
2021 елның 14 апрелендә Россия Федерациясе икътисадый үсеш министры М.Г. Решетников рәислегендә инновацияләргә ярдәм итү фондының Күзәтчелек советы утырышы узган.
Татарстанда «Һөнәри керемгә салым» түләүчеләр саны арта бара. Бүгенге көндә республикада бу статуста 119,6 мең гражданин теркәлгән. Махсус салым режимы гамәлдә булган вакыт эчендә Татарстан үзмәшгульләренең гомуми кереме 21,6 млрд сумнан артып киткән.
Татарстан Республикасында КУЭ илкүләм проектын гамәлгә ашыру кысаларында социаль эшкуарлар өчен бушлай чаралар сериясе узачак, анда инновацияләр, коммерцияләштерү һәм финанс өлкәсе экспертлары социаль юнәлешле бизнеска ярдәм итүнең проблемалы мәсьәләләре, перспектив юнәлешләре һәм чаралары турында фикер алышачак.
Хөкүмәт рәисе Михаил Мишустин контроль (күзәтчелек) чараларның бердәм реестрын формалаштыру һәм алып бару кагыйдәләрен раслаган.
Бүген, 2021 елның 16 апрелендә, ТР Икътисад министрлыгында Татарстан Республикасында контроль-күзәтчелек эшчәнлеге реформасын алга таба гамәлгә ашыру мәсьәләләре турында фикер алыштылар. Чара «Россия Федерациясе субъектларында контроль-күзәтчелек эшчәнлеген норматив-хокукый җайга салуны камилләштерү» темасына Киров өлкәсендә парламент эшчәнлеген оештыру регламенты һәм күчмә киңәйтелгән киңәшмә оештыру буенча Федерация Советы комитеты оештырган видеоконференцэлемтә режимында узды.
Хәзерге вакытта 3% белән «ФОТ 3.0» дигән яңа ташламалы кредит программасы буенча банклар тарафыннан Татарстан эшкуарларыннан 721,3 млн.сумлык 272 гариза канәгатьләндерелгән.
Татарстанның Икътисад министрлыгында яңа коронавирус йогышы таралу аркасында начарланган вәзгыятькә, нефтькә һәм доллар курсы үзгәреп торуга бәйле шартларда Татарстан Республикасы икътисадының тотрыклы үсешен тәэмин итү чаралары планын гамәлгә ашыру буенча эшче төркем утырышы булып узды. Республиканың муниципаль берәмлекләре башкарма комитетлары вәкилләреннән торган эшче төркем әгъзалары дәүләт-хосусый партнерлык механизмын үстерү турында фикер алышты.