ЯҢАЛЫКЛАР

Татарстанда 2014 ел программасы кысаларында конкурс ярдәмендә сайлап алуның 2 нче этабы бара. 2 нче сентябрьдән башлап конкурс комиссиясенә эшмәкәрләрдән якынча 109 млн. сумга 78 гариза алынган. Бу хакта бүген Республика матбугат һәм массакүләм коммуникацияләр агентлыгында ТР икътисад министры урынбасары - эшмәкәрлеккә ярдәм департаменты башлыгы Рөстәм Сибгатуллин хәбәр итте.

Аның сүзләренчә, гаризаларның иң күбе Казан, Чаллы, Алабуга, Әлмәт, Кукмара һәм Тукай районнарыннан алынган. Гаризалар 2 октябрьгә кадәр кабул ителә.

Россия Федераль салым хезмәтенең Татарстан Республикасы буенча Идарәсе субсидияләр рәвешендәге финанс ярдәме чараларына салым салуга карата туган сорауларга бәйле түбәндәгеләрне хәбәр итә.
«Кече һәм урта эшкуарлыкка финанс ярдәме күрсәтелгән очракта аларның керемнәрен һәм чыгымнарын исәпкә алу тәртибе турындагы Россия Федерациясе Салым кодексының (РФ СК) икенче өлешенә үзгәрешләр кертү турында» 2011 елның 7 мартындагы 23-ФЗ номерлы Федераль закон белән кече һәм урта эшкуарлык субъектларына финанс ярдәме күрсәтү буенча махсус программалар кысаларында оешмалар һәм шәхси эшкуарлар тарафыннан алына торган субсидияләрне исәпкә алуның аерым тәртибе булдырылды.

Без товар җитештерүчеләребезгә ярдәм күрсәтү өчен барлык мөмкинлекләребезне дә тупларга тиеш. Бүген бу хакта Татарстан Республикасы Президенты Рөстәм Миңнеханов Татарстан Республикасы Министрлар Кабинеты каршындагы Икътисадый советның чираттагы утырышында хәбәр итте.

Утырыш Татарстан Республикасы товар җитештерүчеләре продукциясен базарларга чыгару мәсьәләләренә багышланды һәм ачык форматта узды. Чара on-line режимында интернет челтәре аша тапшырылды (Татарстан Республикасы Хөкүмәте рәсми порталында), моннан тыш, барлык муниципаль районнар утырышка видеоконференцэлемтә режимында тоташтырылган иде.

Икътисадый совет утырышын ачып, Рөстәм Миңнеханов искә төшергәнчә, бүген иртән Татарстан Республикасы Министрлар Кабинеты 2015 елга, 2016 һәм 2017 елларга план чорына Татарстан Республикасын социаль-икътисадый үстерү фаразын һәм 2015 елга, 2016 һәм 2017 еллар план чорына Татарстан Республикасы берләштерелгән бюджетын карады. Аның сүзләренчә, дөньядагы бүгенге ситуация икътисад үсешенә зур зыян китерә.

Рөстәм Миңнеханов хәбәр иткәнчә, 2014 елның гыйнвар-июль айлары йомгаклары буенча товарлар экспорты кимеде, импорт 10%ка артты. Республика продукция җитештерүче буларак алда барса да, без товарларны читтән дә күп кертәбез, диде ул. 2013 елда республикага читтән 160 млрд. сумлык товар кертелгән, шул исәптән Россия регионнарыннан – 200 млрд. сумга.

2014 елның 12 сентябрендә «Кластер сәясәте – милли икътисадның инновацияле үсеше нигезе» VIII Самара халыкара икътисад форумын үткәрү кысаларында Россия Федерациясе икътисадый үсеш министры урынбасары Олег Фомичев рәислегендә һәм төбәкләр катнашында инновацияле территориаль кластерларны алга таба финанслау мәсьәләләре буенча киңәшмә узды.
Киңәшмә эшендә Татарстан Республикасы икътисад министры урынбасары Марат Шәрифуллин катнашты.

атарстан икътисадының бүгенге үсеш темплары канәгатьләнерлек түгел һәм республика җитәкчелегенә икътисадый ситуацияне яхшырту өчен күп көч куярга кирәк. Бүген бу хакта Татарстан Республикасы Президенты Рөстәм Миңнеханов «2015 елга, 2016 һәм 2017 елларга план чорына Татарстан Республикасын социаль-икътисадый үстерү фаразы һәм 2015 елга, 2016 һәм 2017 еллар план чорына Татарстан Республикасы берләштерелгән бюджеты турында» Татарстан Республикасы Министрлар Кабинеты утырышы барышында хәбәр итте. Утырышта шулай ук Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры Илдар Халиков, республика министрлыклары, ведомстволары, муниципаль берәмлекләр җитәкчеләре катнашты.

Бүген, 2014 елның 12 сентябрендә ачык форматта “Татарстан Республикасы товар җитештерүчеләр продукциясен базарларга чыгару” Татарстан Республикасы Министрлар Кабинеты каршындагы Икътисадый советның чираттагы утырышы булачак.

Икътисадый совет утырышын Татарстан Республикасы Президенты Рөстәм Миңнеханов алып барачак.

“Интернет” мәгълүмат-телекоммуникация челтәреннән файдаланучы һәркем утырышта виртуаль катнашучы була алачак, моның өчен Татарстан Республикасы Хөкүмәтенең рәсми порталына керергә кирәк (www.prav.tatarstan.ru), порталның төп битендә турыдан-туры трансляция турында баннер урнаштырылачак.

Моннан тыш, республиканың барлык муниципаль районнары белән видеоконференцэлемтә оештырылачак.

Чара 11.00 сәгатьтә башлана.

2014 елның 11 сентябрендә «Кластер сәясәте – милли икътисадның инновацияле үсеше нигезе» VIII Самара халыкара икътисад форумын үткәрү кысаларында Татарстан Республикасы Президенты Рөстәм Миңнеханов рәислегендә Россиянең инновацияле төбәкләре ассоциациясенең чираттагы утырышы узды.
Утырышта Россиянең инновацияле төбәкләре ассоциациясе әгъзалары, төбәк вәкилләре, чакырылган экспертлар, шулай ук Татарстан Республикасы икътисад министры Мидхәт Шаһиәхмәтов катнашты.

2014 елның 9 сентябрендә Татарстан Республикасы Финанслар министрлыгында инвестицияле проектларны гамәлгә ашыру кысаларында «Татарстан Республикасында инвестицияле салым кредиты турында» Татарстан Республикасы Законына ярашлы рәвештә инвестицияле салым кредитын бирү сорауларына багышланган киңәшмә узды.
Инвестицияле салым кредиты РФ ҮБның ½ ставкалы рефинанславы шартларында 7 елга кадәрле срокка бирелә. Дәүләт ярдәменең әлеге төрен алу өчен кирәк булган документларның тулы исемлеге, шулай ук аларны туплау һәм карау тәртибе Татарстан Республикасы Министрлар Кабинетының 2013 елның 6 сентябрендәге 642нче карары белән төгәлләштерелгән.

Киңәшмәдә республика муниципаль берәмлекләре башкарма комитетлары вәкилләре, сәнәгать мәйданчыкларының идарәче компанияләре һәм аларның резидентлары катнашты.
Киңәшмә барышында сәнәгать мәйданчыкларын аккредитацияләүнең башлануы игълан ителде, дәүләт ярдәме чаралары турында хәбәр яңгырады һәм сәнәгать мәйданчыклары эшен оештыру буенча көнүзәк сорауларга җавап алынды.