ЯҢАЛЫКЛАР
Очрашуда кече һм урта эшкуарлыкка эшләнеп бетү таләп ителгән дәүләт ярдәме юнәлешләре һәм чаралары, кече һәм урта эшкуарлык субъектларының дәүләт сатып алуларына, банк финанс ресурсларына керә алу мөмкинлекләрен киңәйтү, яшьләр эшкуарлыгын үстерү, предприятиеләрне инженерлык инфраструктураларына (су, газ, электр энергиясе белән тәэмин итү) тоташтыру мәсьәләләре тикшерелде. Шулай ук дәүләт ярдәменең башка төрләре, шул исәптән административ басымны һәм салым йөкләнешен киметү сораулары да каралды.
Татарстан Республикасы икътисадын тотрыклы үстерү максатында авыл хуҗалыгы продукцияләре җитештерү тармагында импортны алыштыруда фермер хуҗалыкларының һәм кулланучылар кооперативларының роле һәм әһәмияте мәсьәләләре фикер алышуларның төп темасы булды.
Дәүләт Советының бишенче утырышының көн тәртибенә 54 сорау кертелгән иде, шул исәптән 15 республика законы проекты, 33 федераль закон проекты һәм Россия Федерациясе субъектлары закон чыгару җыеннарының закон чыгару инициативалары.
Татарстан Республикасында стратегик планлаштыру турындагы закон проекты икенче укылышка куелды. Закон проекты буенча доклад белән Татарстан Республикасы Дәүләт Советының Икътисад, инвестицияләр һәм эшкуарлык комитеты рәисе Рафис Борһанов чыгыш ясады. Ул закон проектын комитетта тикшерү йомгаклары, кергән төзәтмәләр, бәяләмәләр һәм аларны карау нәтиҗәләре турында хәбәр итте.
Питрәч район Советы утырышында – Татарстан Республикасы Премьер-министры урынбасары Васыйл Шәйхразыев, Теләче район Советы утырышында Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов катнашты.
19-21 март көннәрендә Махачкала шәһәрендәге Рәсүл Гамзатов исемендәге Милли китапханәдә халыкара катнашлыгында «Эшлекле Дагыстан-2015» XII төбәкара күргәзмә-форум узачак.
Күргәзмәнең төп бүлекләре: сәнәгать предприятиеләре продукциясе, инновацияле технологияләр, транспорт, элемтә, телекоммуникацияләр һәм мәгълүмати технологияләр, ягулык-энергетика комплексы, электроэнергетика һәм энергия саклау, кадрлар әзерләү, банк эше, иминиятләштерү, аудит, куркынычсызлык, сак системалары, электр-көнкүреш техникасы, компьютерлар, оргтехника һәм канцтоварлар, дизайн, интерьер, реклама һәм полиграфия.
Күргәзмәне оештыру комитеты
т./ф: 8-928-5999-412, 8-906-482-17-60, 8-903-423-23-93
E-mail: dagexpo2008@yandex.ru.
Киңәшмәдә укытуның дуаль системасын үстерү кысаларында Кама кластеры предприятиеләрендә остазлыкны үстерү сораулары, шулай ук Кама кластеры предприятиеләре кадрларының һөнәри әзерлеген, квалификацияләрен күтәрү һәм стажировкаларын оештыру буенча белем бирү учреждениеләренең тәкъдимнәре каралды.
«Интернет» челтәрендә Татарстан Республикасы халкына хезмәт күрсәтүне гамәлгә ашыручы шәһәр округлары, муниципаль районнар җирле үзидарә органнары һәм оешмалар җитәкчеләре эшчәнлеге нәтиҗәлелеге турында халык арасында сораштырулар үткәрү дәвам итә.
Сораштырулар 2015 елның 1 февраленнән 1 мартына кадәр үткәрелә. Сораштыру формасы Татарстан Республикасы Икътисад министрлыгы сайтында түбәндәге адрес буенча урнаштырылган http://mert.tatarstan.ru/opros22.htm. Халыктан сораштырулар үткәрү баннерлары «Рәсми Татарстан» дәүләт хакимияте һәм җирле үзидарә органнарының бердәм порталында, Татарстан Республикасы Хөкүмәтенең рәсми порталының, Муниципаль берәмлекләр порталының, Татарстан Республикасы шәһәр округлары һәм муниципаль районнарының рәсми сайтларының баш битләрендә урнаштырылган.
Республикада яшәүче һәркем үзе яшәгән урында, үз шәһәрендә һәм муниципаль районында күрсәтелгән хезмәтләрнең сыйфатын бәяли ала.
«Реальное время» газетасының «Кризиска каршы стратегия буларак эшкуарлык» бизнес-форумы барышында Татарстан Республикасында кече һәм урта эшкуарлыкка ярдәм итү төрләре турында Татарстан Республикасы Эшкуарлыкка ярдәм итү үзәге җитәкчесе Дилүс Шәвәлиев сөйләде. Форум 19 февральдә Казан ИТ-паркы мәйданчыгында Татарстан Республикасы Икътисад министрлыгы ярдәме белән оештырылды.
«Кызганычка, әлегә эшкуарларның барысы да Татарстанда, шул исәптән республика Икътисад министрлыгы аша да, бүгенге көндә кече һәм урта бизнеска нинди формадагы дәүләт ярдәме күрсәтелүе турында белеп бетермиләр. Чынлыкта исә бизнеска дәүләт ярдәме чаралары комплексы киң финанс, инновацион һәм мөлкәти инфраструктураны үз эченә ала. Без бизнес вәкилләрен сөйләшүләргә һәм Татарстан эшкуарлыгын үстерү һәм ярдәм итү формаларын бергәләп эзләргә чакырабыз», - дип белдерде Дилүс Шәвәлиев.
Утырышларда 2030 елга кадәрге чорга республиканың Социаль-икътисадый үсеше стратегиясенең төп юнәлешләре турында Татарстан Республикасы икътисад министрының беренче урынбасары Сәрия Сираҗиева, министр урынбасарлары Наталья Таркаева, Булат Хаҗиәхмәтов, Рөстәм Сибгатуллин, ТР Икътисад министрлыгының Фаразлау һәм стратегик үсеш идарәсе башлыгы Олег Пелевин, шулай ук «Татарстан-2030» проектының фәнни җитәкчесе Борис Жихаревич сөйләде.
Хәзерге вакытта Стратегия җентекле тикшерү үтә, аны эшләп бетерү дәвам итә. Стратегия-2030 проекты буенча яңа идеяләрегезне, фикерләрегезне, тәкъдим-киңәшләрегезне Икътисад министрлыгына яисә «Татарстан-2030» проекты сайтына юллый аласыз (http://tatarstan2030.ru). Шулай итеп, республикада яшәүче һәркем Татарстанның киләчәген формалаштыруга үз өлешен кертә ала.
Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Әхмәтов үзенең чыгышында Стратегия-2030 проектын тормышка ашыруның төп юнәлешләрен: сөт, ит, бәрәңге, җиләк-җимеш кластеры субъектларын формалаштыру, шулай ук импортны алыштыруга юнәлдерелгән инвестицияле проектларны тормышка ашыруны яктыртты.