ЯҢАЛЫКЛАР

2015 елның 24 февралендә Әлмәт шәһәрендә Татарстан Республикасы Икътисад министрлыгы «Юридик затларның аерым төрләре тарафыннан товарларны, эшләрне, хезмәт күрсәтүләрне сатып алу турында» 2011 елның 18 июлендәге 223-ФЗ номерлы Федераль законны бозган өчен җаваплылык» темасына республика муниципаль районнары оешмалары өчен бушлай белем бирү семинары уздыра.
Семинар программасында 223-ФЗ номерлы Федераль законны бозуның типик булган очраклары, әлеге хилафлыклар өчен Россия Федерациясенең Административ хокук бозулар кодексында билгеләнгән җаваплылыкка анализ, һәм шулай ук предприятиеләрнең сатып алу эшчәнлеген оптимальләштерү юллары каралачак.
Семинарда катнашу өчен, сылтама буенча теркәлү узарга кирәк: http://zakupki223.net/seminar/.

Бүген Казанда светодиод яктырткычлар җитештерүче Ledel заводның икенче чираты ачылды.

Чарада Татарстан Президенты Рөстәм Миңнеханов, Гражданнар инициативалары комитеты җитәкчесе, Санкт-Петербург дәүләт университеты ирекле фәннәр һәм сәнгать факультеты деканы Алексей Кудрин, ТР министрлыклары җитәкчеләре һәм вәкилләре, Казан Башкарма комитеты җитәкчеләре һ.б. катнашты.

Ledel компаниясе светодиодлар нигезендә энергияне саклаучы яктырткычлар җитештерү белән шөгыльләнә. Россиянең светодиод светотехникалары базарында компаниянең өлеше 10-12 процент тәшкил итә. Җитештерү мәйданнары 10 мең кв метрдан артып китә.

Ledel компаниясе директоры Артем Когданин белдергәнчә, предприятиенең икенче чиратында пластик эшләнмәләр җитештереләчәк. “Нигездә бу пластик эшләнмәләр чит илләрдән кертелә торган товарны алмаштыруны максат итеп куя”, - дип аңлатма бирде ул. “Заводның икенче чиратын эшләтеп җибәрү белән Россия өлешен 55 тән 65 процентка арттырабыз, хәтта 70 процентка кадәр мөмкин. Бу төп максат итеп куела. Моннан тыш, чыгымнар кими, бу кулланучылар өчен продуктны арзанрак бәядән тәкъдим итү мөмкинлеге бирә. Шулай ук эшләнмәләрнең сыйфатын арттырабыз, предприятиедә сыйфатны контрольгә алабыз”, - диде докладчы.

Аның сүзләренчә, нигездә, проукция - эре предприятиеләр һәм производстволар, балалар бакчалары һәм мәктәпләр, автоюлларны яктыртуда куллану өчен. “Хәзер көнкүреш өчен яктырткычлар эшли башлыйбыз. Әлегә ул берәү генә, ассортиментны 4 төрлегә кадәр арттырырга телибез”, - дип белдерде компания директоры.

2015 елның 18 февралендә 14.50дә «Казан моторлар төзелеше җитештерү берләшмәсе» ААҖ базасында Татарстан Республикасы Икътисад министрлыгы һәм Татарстан Республикасы Сәнәгать һәм сәүдә министрлыгының «2014 елда Татарстан Республикасының социаль-икътисадый үсеше йомгаклары һәм 2015 елга бурычлар» дип аталган уртак йомгаклау коллегиясе утырышы уздырыла.
Коллегия утырышында Татарстан Республикасы Президенты Рөстәм Миңнеханов, Татарстан Республикасы Премьер-министры Илдар Халиков, Татарстан Республикасы Дәүләт Советы Рәисе урынбасары Юрий Камалтынов, Россия Федерациясе икътисадый үсеш министры урынбасары Александр Цыбульский, Россия Федерациясе сәнәгать һәм сәүдә министры урынбасары Гөлназ Кадыйрова, «Гражданнар инициативаларына ярдәм итү буенча Кудрин фонды» җитәкчесе Алексей Кудрин катнашачак.
Видеоконференция элемтәсе форматында Татарстан Республикасының барлык муниципаль берәмлекләре дә тоташтырылачак.

«Яңа проектларны алга этәрү буенча стратегик инициативалар агентлыгы» автоном коммерциячел булмаган оешмасы Россия Федерациясендә инвестицион климатны яхшыртуга юнәлдерелгән чаралар планын («юл карталарын») тормышка ашыруның нәтиҗәлелегенә бәя бирү максатында эшкуарлык җәмәгатьчелеге арасында сораштырулар үткәрә. Сораштыруларны оештыру өчен электрон анкеталар эшләнгән.
Эшкуарлар арасында чираттагы сораштыруларны үткәрү «Интернет» челтәрендә түбәндәге адрес буенча: http://инвестклимат.рф/discussions/oprosi/ 2015 елның 5 мартына кадәр дәвам итә.
Административ процедураларның санын һәм кыйммәтен киметү буенча федераль һәм төбәк дәрәҗәләрендә хакимият органнары эшенә Сез куйган бәя безнең өчен бик мөһим.

Бүген Татарстан Республикасы Президенты Рөстәм Миңнеханов Яңа Чабаксар шәһәрендә Россия икътисадын модернизацияләү һәм инновацион үстерү буенча Россия Федерациясе Президенты каршындагы Совет президиумы утырышында катнашты.

Утырышны Россия Федерациясе Хөкүмәте Рәисе Дмитрий Медведев алып барды.

Утырышта катнашучылар интеллектуаль милек өлкәсендә дәүләт сәясәте мәсьәләләре буенча фикер алыштылар.

«Гыйлемнәргә, уйлап табуларга, ачышларга корылган икътисад турында сөйләгәндә без тиешле хокукый саклау бар дип күз алдына китерәбез, – диде Дмитрий Медведев, утырышны ачып. – Мондый хокукый саклау интеллектуаль эшчәнлек нәтиҗәләрен икътисадый әйләнешкә дөрес җәлеп итү өчен, залог объектларын да кертеп, алар табышны тиешенчә арттырсын өчен, бизнесны капиталлаштыруга ярдәм итсен өчен, икътисадый эшчәнлекнең барлык элементлары да катнашсын өчен кирәк».

2015 елның 17 февралендә Лениногорск, Апас, Яшел Үзән һәм Биектау муниципаль районнары Советларының 2014 елда районнарның социаль-икътисадый үсешләренә йомгак ясауга һәм 2015 елга яңа бурычлар куюга багышланган утырышлары узды.
Утырышларда 2030 ел чорына кадәр Татарстан Республикасының социаль-икътисадый үсеше стратегиясенең төп юнәлешләре турында Татарстан Республикасы икътисад министры урынбасарлары Наталья Таркаева, Булат Хаҗиәхмәтов һәм Рөстәм Сибгатуллин сөйләделәр.
Исегезгә төшерик, Стратегиия-2030ның төп максаты буларак республиканың дөнья күләмендә өч юнәлеш (кеше капиталы үсеше өчен шартлар, территориаль үсеш һәм инновацияле икътисад) буенча көндәшлеккә сәләтлелеген тәэмин итү билгеләнгән.

2015 елның 18 февралендә Мәскәү шәһәрендә Россия Үзәк союзының Мәгариф һәм инновацияләр идарәсе «Яңа проектларны алга этәрү буенча стратегик инициативалар агентлыгы» (СИА) АКБО белән берлектә «Эшкуарлык белеме бирү форсайты» дип аталган сессия уздыра.
Чара эшкуарлыкка өйрәтү программалары авторлары, провайдерлары һәм эшкуарлыкны үстерү институтларының үзара хезмәттәшлеге сорауларын тикшерүгә багышлана. Сессиядә катнашырга эшкуарлык берләшмәләре, эшкуарлыкны үстерү программалары вәкилләре чакырыла. Чарада катнашу бушлай.

2015 елның 16 февралендә Зәй һәм Сарман муниципаль районнары Советлары утырышлары уздырылды. Утырышларда Татарстан Республикасы Дәүләт Советы Рәисе Фәрит Мөхәммәтшин катнашты.
Утырышларда 2030 ел чорына кадәр Татарстан Республикасының социаль-икътисадый үсеше стратегиясенең төп юнәлешләре турында Татарстан Республикасы икътисад министры урынбасары Наталья Таркаева сөйләде.
Стратегия-2030 проекты буенча фикерләрегезне, тәкъдимнәрегезне Икътисад министрлыгы адресына юллый яисә «Татарстан-2030» проекты сайтында калдыра аласыз (http://tatarstan2030.ru). Шулай итеп, республикада яшәүче һәркем Татарстанның киләчәген формалаштыруга үзеннән өлеш кертә ала.

«Интернет» челтәре аша Татарстан Республикасы халкына хезмәт күрсәтүне башкаручы шәһәр округлары, муниципаль районнар җирле үзидарә органнары һәм оешмалар җитәкчеләре эшчәнлегенең нәтиҗәлелеге турында халыктан сораштырулар дәвам итә.
Сораштырулар 2015 елның 1 февраленнән 1 мартына кадәр үткәрелә. Сораштырулар формасы Татарстан Республикасы Икътисад министрлыгы сайтында түбәндәге адрес буенча урнаштырылган: http://mert.tatarstan.ru/opros22.htm