ЯҢАЛЫКЛАР

2015 елның 13 маенда Татарстан Республикасы Министрлар Кабинетында «Чистай» индустриаль паркын үстерү Советының Татарстан Республикасы Премьер-министры Илдар Халиков рәислегендәге утырышы узды.

Утырышта  «Химград» ААҖнең Күзәтчелек советы рәисе Альберт Кәримовның Советның алдагы утырышы беркетмәсендә теркәлгән бурыч-йөкләмәләрнең үтәлеше һәм Паркны үстерү буенча башкарылган эш хакындагы хисабы, һәм шулай ук  Татарстан Республикасы Инвестицияле үсеш агентлыгы җитәкчесе урынбасары Марат Бохараевның  Паркка потенциаль резидентларны җәлеп итү буенча башкарылган эш турындагы хисабы тыңланды.

Хәзерге вакытта Форумның финал өлеше уза. Аның кысаларында Татарстан Республикасы дәүләт хакимияте органнары, предприятиеләре, эре бизнес һәм фән җитәкчеләре һәм вәкилләре очрашулар, семинарлар һәм мастер-класслар үткәрә. Шундый очрашуларның берсендә Татарстан Республикасы икътисад министры урынбасары Олег Пелевин катнашты.

Дәүләт статистикасы Федераль хезмәте узган елның  октябрь-ноябрь айларында уздырылган  «Мәгълүматлы җәмгыять» бөтенроссия тикшеренүләренә нәтиҗәләр ясады. Аларга ярашлы рәвештә, зурларга кергән россиялеләрнең 10,6%ы соңгы 12 ай дәвамында, рәсми сайтлардан (2013 ел нәтиҗәләре буенча күрсәткеч зуррак булды - 10,7%) файдаланып, Интернет аша дәүләт хакимияте һәм җирле үзидарә органнары белән хезмәттәшлек иткән. Бу узган елны хакимият органнарына мөрәҗәгать иткәннәрнең гомуми санының 35%ын тәшкил итә.

Татарстан Республикасы Икътисад министрлыгы 2015 елның 18 маенда 14:00 сәгатьтә Кече һәм урта эшкуарлыкка мөлкәти ярдәм инфраструктурасы субъектларын аккредитацияләү Комиссиясе утырышы уздырылуы турында хәбәр итә. Анда конкурста катнашуга кертелгән гаризалар каралачак. Аккредитация алуга барлыгы 13 гариза бирелде. Барлык гаризалар аккредитация үтүгә рөхсәт алды.

2015 елның 12 маенда Татарстан Республикасы Президенты вазыйфаларын вакытлыча башкаручы Рөстәм Миңнеханов «Моношәһәрләрне үстерү фонды» коммерциячел булмаган оешмасы генераль директоры Дмитрий Скриванов белән очрашу уздырды.

Очрашу барышында Яшел Үзән һәм Яр Чаллы моношәһәрләре икътисадларын  диверсификацияләү максатларында гамәлгә ашыручы инвестицияле проектлар каралды, һәм шулай ук республика моношәһәрләренә ярдәм итү кысаларында Татарстан Республикасы һәм Моношәһәрләрне үстерү фонды арасында хезмәттәшлек перспективалары тикшерелде.

2015 елның маеннан Россия Федерациясе  Пенсия фонды  гражданнардан ана капиталы акчаларының  20 000 сум күләмендәге өлешен бер тапкыр түләүгә гариза кабул итә башлады. Бер тапкыр түләнә торган әлеге түләмне алу хокукыннан 2015 елның 31 декабренә ана сертификаты хокукы алырга тиешле һәм алган, капиталны тотуның төп юнәлешләре буенча ана капиталының бөтен суммасын тотып бетермәгән гаиләләр файдалана ала.

9 майда Яр Чаллыда Бөек Ватан сугышында Җиңүнең 70 еллыгына багышланган тантаналы чаралар уздырылды.

Бәйрәм чаралары Советлар Союзы Герое Муса Җәлил һәйкәленә чәчәкләр салу тантанасы белән башланып китте. Тантанада Татарстан Республикасы икътисад министры Артём Здунов, Яр Чаллы шәһәре башкарма комитеты җитәкчесе Наил Мәһдиев, башка рәсми затлар, хәрбиләр һәм шәһәр җәмәгатьчелеге вәкилләре катнашты.

2015 елның 7 маенда Россия Федерациясе Хөкүмәте рәисе  Дмитрий Медведев Россия Федерациясе Хөкүмәте утырышын уздырды. Анда 2014 ел йомгаклары буенча Россия Федерациясе субъектлары башкарма хакимияте органнары эшчәнлегенең нәтиҗәлелеген бәяләү турындагы мәсьәлә каралды.

2015 елның 7 маенда Россия Федерациясе Президенты Владимир Путин РФ Президенты каршындагы Россия Федерациясе социаль-икътисадый үсешенең максатчан күрсәткечләренә ирешүне мониторинглау  комиссиясе утырышын уздырды. Утырышның көн тәртибендә социаль өлкә: сәламәтлек саклау, мәгариф һәм хезмәткә түләүгә кагылышлы «май указларының» үтәлеше сораулары тора иде.

Татарстан Республикасы Икътисад министрлыгы, «Татарстан Республикасы Дәүләт заказы, инвестицияле эшчәнлек һәм төбәкара багланышлар агентлыгы» ДУП белән берлектә, түбәндәге темалар буенча белем бирү семинарлары уздыруны дәвам итә:

—  «Продукциянең электрон каталогы» (kp.agzrt.ru) һәм Татарстан Республикасының Электрон товар-мәгълүмат системасы  (tattis.ru) ресурсларында эш;

— «Аерым юридик затлар тарафыннан товарлар, эшләр, хезмәт күрсәтүләрне сатып алулар турында» 2011 елның 18 июлендәге 223-ФЗ номерлы