ЯҢАЛЫКЛАР
2015 елның 29 июлендә Татарстан Республикасы Икътисад министрлыгында Татарстан Республикасы территориясендә вакланган агачны модификацияләү һәм аның нигезендә югары куллану сыйфатларына ия агач-полимер композицион материаллар җитештерү комплексын төзү буенча «Альтернатив энергетика» Фәнни-техник үзәге проектын тормышка ашыру мөмкинлекләрен тикшерүгә багышланган киңәшмә уздырылды.
2015 елның 29 июленнән 1 сентябренә кадәр Татарстан Республикасы Икътисад министрлыгында Татарстан Республикасы социаль юнәлешле коммерциячел булмаган оешмалар (алга таба – СЮ КБО) арасында 2015 елда Татарстан Республикасы бюджетыннан субсидия алу хокукына конкурс (алга таба – СЮ КБО Конкурсы) игълан ителә.
Татарстан Республикасы Икътисад министрлыгы тарафыннан 2015 елның гыйнвар – июнь айлары өчен Татарстан Республикасы муниципаль районнары һәм шәһәр округлары социаль-икътисадый үсешенең айлык рейтингы әзерләнде. 2015 елның гыйнвар – июнь айлары өчен гомуми рейтингта Казан шәһәре (1 урын), Әлмәт (2 урын) һәм Түбән Кама (3 урын) муниципаль районнары алдынгы урыннарны били.
2015 елның гыйнвар – июнь айлары өчен рейтингтагы урыннар буенча иң зур уңай үзгәрешләргә Югары Ослан (+5 позиция) муниципаль районы иреште.
2015 елның 23 июлендә Татарстан Республикасы Сәнәгать һәм сәүдә министрлыгында 2030 елга кадәр Татарстанның социаль-икътисадый үсеше стратегиясен тормышка ашыру буенча чаралар планы проектына иҗтимагый тикшерү уздырылды.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов һәм Внешэкономбанк (ВЭБ) рәисе Владимир Дмитриев "Алабуга" махсус икътисадый зонасында булдылар.
"Алабуга" МИЗ генераль директоры Тимур Шаһивәлиев кунакларга икътисадый зона мөмкинлекләрен тәкъдир итте.
Шуннан Рөстәм Миңнеханов һәм Владимир Дмитриев Татарстан Республикасы һәм Внешэкономбанк арасында алга таба хезмәттәшлек мөмкинлекләре турында сөйләштеләр.
Россия Федерациясе Икътисадый үсеш министрлыгы тарафыннан 2015 елның 14 июлендәге 472нче боерык расланды. Әлеге боерык инновацияле территориаль кластерларны үстерү буенча комплекслы инвестицияле проектларны гамәлгә ашыру максатында Россия Федерациясе субъектлары бюджетларына Федераль бюджеттан субсидияләр бирү һәм бүлү кагыйдәләрен көйләүгә юнәлдерелгән.
«Сатып алулар өлкәсендә бердәм мәгълүмат системасына теркәлү тәртибен раслау турында» һәм «Сатып алулар өлкәсендә бердәм мәгълүмат системасыннан файдалану тәртибен раслау турында» Россия Финанслар министрлыгы һәм Россия Казначылыгы боерыклары проектлары 2015 елның 20 июленнән иҗтимагый фикер алышуларга куелган.
2015 елның 23 июлендә Татарстан Республикасы Икътисад министрлыгында Татарстан Республикасында табыш күләмнәренең кимүенә комплекслы анализ үткәрү буенча Ведомствоара эшче төркем утырышы узды. Утырышны икътисад министры урынбасары Олег Пелевин үткәрде.
Утырышта баланс комиссияләре утырышлары эшенең нәтиҗәлелеге турында Татарстан Республикасы тармак министрлыклары мәгълүматлары, һәм шулай ук республика предприятиеләренең финанс-хуҗалык эшчәнлеге нәтиҗәләре тыңланды.
Татарстан Республикасы Хезмәт, мәшгульлек һәм социаль яклау министрлыгында Социаль-хезмәт мөнәсәбәтләрен көйләү буенча республика өч яклы комиссиясе каршындагы Хезмәткә түләү, халыкның керемнәре һәм тормыш дәрәҗәсе буенча координация советының «Финанс-икътисадый вазгыять һәм хезмәт хакын түләү һәм мәҗбүри пенсия, медицина һәм социаль иминият түләүләре буенча бурычларны каплау өчен оешмалар тарафыннан кабул ителә торган чаралар турында»гы сорауга багышланган утырышы узды.
Лицензиатның дистанцион мәктәбендә егерме тугызынчы дәрес урнаштырылган: Планлы тикшерүләр. Металл калдыкларын кабул итү һәм төяп җибәрү документлары.
Планлы тикшерү уздырганда вакытның күп өлеше металл калдыкларын кабул итү һәм төяп җибәрү документларын тикшереп үтә.