ЯҢАЛЫКЛАР
Татарстан беренче мәртәбә РФ субъектларының инновацияле үсеше рейтингы лидеры булды. Рейтинг Югары икътисад мәктәбенең Статистик тикшеренүләр һәм белем икътисады институты тарафыннан әзерләнде. Рейтинг инновацияле эшчәнлекнең социаль-икътисадый шартларын, аның нәтиҗәлелеген, фәнни-техник потенциалын һәм хакимиятнең төбәк органнарының инновацияле сәясәтенең сыйфатын характерлаучы дүрт субиндекс нигезендә төзелә.
2016 елның 29 июнендә Мәскәүдә Россия Федерациясе Хөкүмәте каршындагы Аналитика үзәгендә «Төбәкләрдә көндәшлекне үстерү: 2015 елда Көндәшлекне үстерү стандартын кертү нәтиҗәләре» темасына семинар үтте.
Әлеге Федераль законга кертелә торган үзгәрешләр Россиядә Бердәм дәүләт гражданлык торышы актларын теркәү реестрын төзүгә бәйле. Югарыда аталган Реестр гражданлык торышы актларына дәүләт теркәве уздыру, һәм шулай ук ЗАГС органнары тарафыннан башкарылган башка юридик яктан мөһим гамәлләр нәтиҗәсендә алынган электрон формадагы документлаштырылган мәгълүматларның системага салынган җыелмасын тәшкил итә.
Татарстан Республикасы Икътисад министрлыгы 2016 елның гыйнвар - май айлары өчен Татарстан Республикасы муниципаль берәмлекләре һәм шәһәр округларының социаль-икътисадый үсешенең айлык рейтингы әзерләнде.
Россия экспорт үзәгенең (алга таба - РЭУ) Белем бирү программасын гамәлгә ашыру кысаларында «Татарстан Республикасы Экспортка ярдәм үзәге» кече һәм урта бизнес вәкилләрен «Экспортка кертү. Экспорт проектының тормыш циклы. Экспорт юнәлешле предприятиеләргә дәүләт ярдәме» курсы буенча укулар оештырды.
Россия Саклык банкы Google компаниясе катнашлыгында һәм Татарстан Республикасы Хөкүмәте ярдәмендә Татарстанда кече бизнесны үстерүгә юнәлдерелгән «Бизнес класс» бушлай белем бирү программасын эшләтеп җибәрде.
Безнең велосипедлар яшьләр проекты, ягъни велосипедларны лазер маркировкасы ярдәмендә исәпкә алу аларны алып китүдән саклауга хезмәт итәчәк. 29 июнь көнне мәктәп укучылары беренче велосипедларга маркировкалар ясый башлаячаклар.
2016 елның 19-24 июне көннәрендә Татарстан Республикасы предприятиеләрендә Томск өлкәсеннән килгән 6 эшкуар стажировка үтте. Стажировкаларны оештыруны Россия Федерациясе халык хуҗалыгы оешмалары өчен идарәче кадрларны әзерләүнең дәүләт планын гамәлгә ашыру кысаларында Татарстан Республикасы Икътисад министрлыгы һәм Татарстан Республикасы Идарәче кадрларын әзерләүнең Президент программасын тәмамлаучылар ассоциациясе үз өстенә алды.
Атна эчендә Томск өлкәсе менеджерлары өчен, аларның кызыксыну юнәлешләренә ярашлы рәвештә, 40 предприятиедә очрашу, IT-паркка һәм Эшкуарлык фабрикасына бару оештырылды.
2016 елгы «Яшь профессионаллар» (WorldSkills Russia) милли чемпионаты финалында һәр компетенция буенча 2017 елда Краснодар краенда узачак киләсе милли чемпионатка баш экспертларны һәм аларның урынбасарларын сайладылар. Сайлаулар ачык тавыш бирү юлы белән, тавыш бирү беркетмәсен тутыру, һәр тавыш бирүченең имзасын куйдыру аша үткәрелде.
Татарстан Республикасы Икътисад министрлыгы һәм шәхсән үз исемемнән Сезне һөнәри бәйрәмегез – Уйлап табучылар һәм рационализаторлар көне белән тәбрик итәм!