ЯҢАЛЫКЛАР

Бүген Казан Кремлендә Татарстан Республикасы Дәүләт киңәшчесе, “Яңарыш” республика фонды Попечительлек советы рәисе Минтимер Шәймиев “Кол Гали” кунакханә комплексы төзелеше мәсьәләләре буенча киңәшмә уздырды.

СКОЛКОВО Мәскәү идарә мәктәбендә Россия Хөкүмәте һәм Моношәһәрләрне үстерү фонды вәкилләре каршында моношәһәрләрне үстерү проектларын яклау уңышлы үтте. Монопрофильле муниципаль берәмлекләрне модернизацияләү һәм үстерү проектлары белән идарә итә торган 20 команда, шул исәптән Яшел Үзән моношәһәрен үстерү проектын уңышлы яклаган Татарстан Республикасы командасы вәкилләре үз проектларын тәкъдим иттеләр.

Бүген ТР Икътисад министрлыгында кече һәм урта эшкуарлык вәкилләре чакырылган семинар-киңәшмә узды.  Фәнни-техник өлкәдә предприятиеләрнең кече формаларын үстерүгә ярдәм итү фонды (алга таба – Фонд) генераль директоры киңәшчесе Иван Бортник, киңәшмәдә катнашучыларга мөрәҗәгать итеп, Фонд тарафыннан оештырыла торган конкурслар турында җентекләп сөйләде.

Санкт-Петербургта һәм Ленинград өлкәсендә Татарстан Республикасының Даими вәкиллеге, Татарстан Республикасы Хөкүмәте ярдәмендә, Санкт-Петербург Импортны алыштыру һәм локальләштерү үзәгендә даими эшләүче стенд оештырды.

Әлеге стендны төзүнең максаты  - Үзәкнең тематик атналыкларында Татарстан Республикасы предприятиеләрен катнаштыру, республика предприятиеләре  продукцияләрен алга этәрү, семинарларны, сөйләшүләр һәм  презентацияләрне үткәрү өчен мәйдан булдыру. Татарстан Республикасы стенды бушлай бирелә.

Атна дәвамында булачак тренерлар өченче белем бирү сессиясендә катнашты. Әлеге сессия кысаларында аларга «Экспортерлар өчен нәтиҗәле маркетинг» һәм «Экспортерлар өчен финанс ресурслары белән идарә итү» РЭҮ Белем бирү проектлары программалары курслары буенча стандартлар тапшырылды.

27-29 сентябрь көннәрендә  Мәскәүдә  Беренче Франция-Россия бизнес-форумы узачак. Булачак чараның төп идеясе – уртак эшлекле партнерлыкны үстерү буенча үзара дустанә диалогка әзер Россия һәм Франция эшкуарларын берләштерергә тиешле «Сәясәтсез бизнес».

Агымдагы елның 27 сентябрендә 10.00 сәгатьтә түбәндәге адрес буенча урнашкан  Татарстан Республикасы Икътисад министрлыгы бинасында Татарстан Республикасының Фәнни-техник өлкәдә предприятиеләрнең кече формаларын үстерүгә ярдәм итү фонды белән хезмәттәшлеге турында Килешүне гамәлгә ашыру кысаларында ТР Икътисад министрлыгында Фәнни-техник өлкәдә предприятиеләрнең кече формаларын үстерүгә ярдәм итү фонды генераль директоры киңәшчесе Иван Бортник катнашлыгында семинар-киңәшмә уздырыла: Казан ш., Мәскәү ур., 55 (актлар залы, 4 кат).

2016 елның 19-23 сентябре көннәрендә Татарстан Республикасы предприятиеләрендә Томск өлкәсеннән килгән 6 эшкуар стажировка үтте.  Россия Федерациясе халык хуҗалыгы оешмалары өчен идарәче кадрлар әзерләүнең дәүләт планын гамәлгә ашыру кысаларында стажировканы оештыру эшен Татарстан Республикасы Икътисад министрлыгы һәм Татарстан Республикасы Идарәче кадрларын әзерләүнең Президент программасын тәмамлаучылар ассоциациясе үз өстенә алды.

Татарстан Республикасы Икътисад министрлыгы командасы 2016 елның 24-25 сентябре көннәрендә  яшүсмерләр һәм олылар арасында бадминтон буенча Татарстан Республикасы шәхси Кубогының 4нче этабында катнашты.

2016 елның 25 сентябрендә  Меңьеллык мәйданында  «Милләтләр кроссы-2016» Бөтенроссия узышы үткәрелде. Татарстан Республикасы Икътисад министрлыгы хезмәткәрләре ел саен әлеге гаять зур спорт чарасында актив катнашып киләләр.