ЯҢАЛЫКЛАР
Татарстан Республикасы күпфункцияле үзәкләрендә бүген халыкка 150 артык төрле хезмәт күрсәтелә. Бу хакта "Татар-информ" МА булып узган матбугат конференциясендә хәбәр иттеләр. Журналистларның сорауларына Татарстан Республикасы икътисад министры урынбасары Айрат Шәмсиев һәм "Татарстан Республикасында дәүләт хезмәтләре һәм муниципаль хезмәтләр күрсәтүнең күпфункцияле үзәге" дәүләт бюджет учреждениесе директоры Ленара Мозаффарова җавап бирде.
"ЛИЗИНГ-ГАРАНТ" программасы буенча ярдәм күрсәтү өчен Кече һәм урта эшкуарлык субъектларын сайлап алу буенча конкурс комиссиясе нәтиҗәләре чыгарылды.
Кара, төсле металл ватыкларын әзерләү, саклау, эшкәртү һәм сату эшчәнлеген гамәлгә ашыручы яки моның белән шөгыльләнергә теләүчеләр семинарда катнаша ала. "Төсле металл ватыкларын әзерләү, саклау, эшкәртү һәм сату эшчәнлеген гамәлгә ашыруга карата мәҗбүри таләпләр: стандарт хокук бозулар, кисәтү" темасына чара 13 декабрь көнне 16:30 сәгатьтә Татарстан Икътисад министрлыгында (каб 429) узачак.
Электрон сәүдәне үстерү, "акыллы шәһәр" технологияләре, таможняда җайга салу. 17 декабрьдә Римда узачак Россия-Италия бизнес-форумында эшкуарлык өлкәсендә шактый гына мәсьәләләр тикшереләчәк.
Казанда укыту семинарында республика кешеләрен социаль эшкуарлык нигезләре һәм бизнес-идеяләрне үстерү этаплары белән таныштырачаклар. Белем бирү тренингы 5 декабрьдә 16:00 сәгатьтә "УНИКС" КФУ мәдәният-спорт комплексында узачак. Анда катнашучыларга социаль бизнес предприятиесен төзү нигезләре һәм аның тотрыклылыгы критерийләре, кече һәм урта эшкуарлык субъектларына һәм коммерциясез оешмаларга ярдәм чаралары, проектлар өчен финанс һәм башка ресурсларны җәлеп итү мөмкинлекләре турында сөйләячәкләр.
Татарстанда "Үсеш локомотивлары" стратегик инициативалар конкурсы старт алды. Анда сәнәгать секторы, икътисад һәм идарә өлкәсендәге 40 яшькәчә булган профессионаллар, "Икътисад" һәм "Менеджмент" юнәлешләре буенча курсларны тәмамлап чыгучы студентлар катнаша ала.
Бүген Татарстан Республикасы икътисад министры Фәрит Габделганиев Россия Федерациясе Федераль Җыенының Федерация Советы каршындагы Интеллектуаль милекчелек мәсьәләләре советының киңәйтелгән утырышында доклад белән чыгыш ясады, чараны Федерация Советы Рәисе Валентина Матвиенко уздырды.
Бизнес-процессларны оптимальләштерүне нәрсәдән башларга? Мотивацияләүнең дөрес стратегиясен ничек оештырырга? Клиент чынлыкта нәрсә сатып ала? 7 декабрь көнне Чаллы эшкуарлары бизнес үсешенең шушы һәм башка сорауларына җавап алачак. Автокаланың ИТ-паркында 14.00 сәгатьтә "Сыналган бизнес" проекты кысаларында семинар булачак.
Татарстан Республикасы Икътисад министрлыгы 2018 елның гыйнвар-октябрь айлары өчен муниципаль районнарның һәм шәһәр округларының социаль-икътисадый үсеше буенча рейтинг әзерләде.
Татарстан бизнес бергәлегендәге иң уңышлы вәкилләр "Алтын Йөзлек 2018" эләгәчәк. Хәзер конкурста катнашу өчен заявкаларны кабул итү дәвам итә. 14 декабрьгә кадәр сылтама буенча заявка тутырырга кирәк. Лидерларның исемнәре быелның азагында Казанда игълан ителәчәк.