ЯҢАЛЫКЛАР
Россия Федерациясендә контроль-күзәтчелек эшчәнлеге реформасы кысаларында 2021 елның 25 июнендә Россия Федерациясе Хөкүмәте тарафыннан «Контроль (күзәтчелек) органнары тарафыннан законда саклана торган кыйммәтләргә зыян салу куркынычын профилактикалау программасын эшләү һәм раслау кагыйдәләре раслау турында» 990 номерлы карар кабул ителгән.
Икътисад министрлыгы экспорт юнәлешле эшкуарлык эшчәнлеге субъектлары өчен белем бирү чаралары сериясен дәвам иттерә. Әйтик, 30 июньдә Эшкуар йортында Кытай сәүдә базары белән хезмәттәшлек итүгә һәм Татарстан Республикасы таможнясы белән эшләүгә багышланган конференция узачак. Чараны Татарстан Республикасы Экспортка ярдәм үзәге оештыра.
Россия Икътисадый үсеш министрлыгы 2020 ел өчен «Россия Федерациясе субъектларында контроль-күзәтчелек эшчәнлеген гамәлгә ашыру» максатчан моделен Россия Федерациясе субъектларында гамәлгә кертү күрсәткечләренә ирешүнең йомгак күрсәткечләрен раслаган. Татарстан Республикасы 2020 елга билгеләнгән күрсәткечләрнең максималь максатчан күрсәткечләренә ирешкән.
«Татар-информ» мәгълүмат агентлыгында узган матбугат конференциясендә Татарстан Республикасы эшкуарлыгына финанс һәм финанс булмаган ярдәм турында фикер алыштылар. Журналистлар алдында Татарстан Республикасы Икътисад министрлыгының ведомство буйсынуындагы оешмаларның җитәкчеләре чыгыш ясады.
Бүген, 26 июньдә, Россиядә Уйлап табучы һәм рационализатор көне билгеләп үтелә. Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов моңа катнашы булган һәркемне һөнәри бәйрәмнәре белән котлады.
Хөрмәтле уйлап табучылар һәм рационализаторлар!
Сезне һөнәри бәйрәмегез белән чын күңелдән тәбрик итәм! Рационализаторларча фикерләү рәвешен үстерү җитди икътисадый нәтиҗә китерә, бөтен дөньяда яхшы якка таба глобаль үзгәрешләр барлыкка китерә! Сезнең бетмәс-төкәнмәс энергиягез һәм иҗади омтылышыгыз нәтиҗәсендә яңа әйберләр уйлап чыгарыла, яңа алымнар кертелә, югары технологияле производстволар оештырыла, фәнни-техник алгарышка ирешелә.
Хәзерге вакытта дәүләт фәнгә зур игътибар бирә. Вазыйфаларны сыйфатлы һәм вакытында үтәү өчен яңа идеяләргә ярдәм итәргә, инновацияләрне гамәлгә кертүгә этәргеч ясарга, санлы чишелешләрне исәпкә алып, икътисадны үстерергә кирәк.
Татарстан Республикасы һәрвакыт фән өлкәсендә алдынгылар рәтендә булды. Предприятиеләребездә яңа технологияләр кертелә, хезмәт җитештерүчәнлеге арта, халыкның тормыш-көнкүреше яхшыра.
Икътисадтагы стратегик бурычларны хәл итүгә юнәлдерелгән фидакарь хезмәтегез өчен сезгә хөрмәт белдерәм һәм рәхмәтемне җиткерәм.
Сезгә чын күңелдән иҗади идеяләр, ныклы сәламәтлек, республиканың имин яшәешен ныгытуга юнәлдерелгән уңай, кызыклы тәкъдимнәр телим! Новаторлык инициативаларын тормышка ашыруда уңышлар сезгә!
Уйлап табучылар һәм рационализатор көне уңаеннан Татарстан Республикасы икътисад министры урынбасары Динар Шакиров «Татарстан Республикасы Уйлап табучылар һәм рационализаторлар җәмгыяте» иҗтимагый оешмасы рәисе Асия Анилевна Проворова белән очрашты.
Казаннан яшь галим, «Химград» технополисы резиденты Артем Барахтинның инновацияле проекты 20 миллион сумлык ярдәм алган. Проект азкатлы йортларны төзү өчен бетон конструкцияләрне 3D-принтерда бастырып чыгару мөмкинлеген бирә. Татарстан компаниясе – «Аркодим» 2020 елда «Развитие-НТИ» инновацияләргә ярдәм итү фонды программасында җиңүче булган. Программа инновацияле продуктларны күпләп җитештерүне оештыруда һәм аларны гомуми базарга кертүне күздә тота.
Әлмәттән төрле эшләр башкаручы Исмәгыйль Әзизов үзмәшгуль сыйфатында бер ел элек теркәлгән. Ул гомере буе төзелештә эшләгән – плитка ябыштырган, түбә япкан, төзелеш корылмалары, слесарь хезмәтләре күрсәткән. Бизнесы яшерен булган, салымнарны түләп бармаган. Үзмәшгуль статусына күчүне ул бары тик уңай яктан гына бәяли, бизнесын күләгәдән чыгарган. Өстәвенә дәүләттән ярдәм алу мөмкинлеге дә барлыкка килгән. Исмәгыйль Әзизов яңа системаның үзе өчен уңай яклары турында сөйләде.
Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов эш визиты белән Әтнә районына килде. Министр районның җитештерү предприятиеләре эшчәнлеге белән танышты һәм оешма җитәкчеләре һәм муниципаль берәмлекнең эшкуарлык җәмәгатьчелеге белән очрашты. Икътисад министрын Әтнә районы башлыгы озата йөрде.
Түбән Новгородта «Сәнәгый Россиянең цифрлы индустриясе» конференциясендә «Бизнес өчен цифрлы җайга салу сервислары» контроль-күзәтчелек эшчәнлеге буенча панель дискуссия булып узган.