Татарстан 2020 елда «Россия Федерациясе субъектларында контроль-күзәтчелек эшчәнлеген гамәлгә ашыру» максатчан моделен гамәлгә кертү буенча рейтинг алдынгысы
Россия Икътисадый үсеш министрлыгы 2020 ел өчен «Россия Федерациясе субъектларында контроль-күзәтчелек эшчәнлеген гамәлгә ашыру» максатчан моделен Россия Федерациясе субъектларында гамәлгә кертү күрсәткечләренә ирешүнең йомгак күрсәткечләрен раслаган. Татарстан Республикасы 2020 елга билгеләнгән күрсәткечләрнең максималь максатчан күрсәткечләренә ирешкән.
2020 ел дәвамында ил төбәкләре 13 күрсәткеч буенча бәяләнгән. Чаралар республикада дәүләт контролен (күзәтчелеген) оештыру һәм үткәрүне норматив-хокукый җайга салуны да, шулай ук контроль-күзәтчелек эшчәнлеген мәгълүмати тәэмин итүне дә үз эченә алган. Бәяләү нигезендә, 2020 ел нәтиҗәләре буенча республикада Максатчан модельне гамәлгә кертү дәрәҗәсе – 100%.
Максатчан модель күрсәткечләрен гамәлгә ашыруның югары дәрәҗәсенә шулай ук Россия Федерациясенең 32 субъектында, шул исәптән Идел буе федераль округында: Башкортостан Республикасында, Марий Эл Республикасында, Пенза өлкәсендә һәм Пермь краенда да ирешкәннәр.
Исегезгә төшерәбез, Россия Федерациясе Хөкүмәте тарафыннан 2017-2020 еллар дәвамында Максатчан модель расланганнан соң, Татарстан Республикасы аның барлык күрсәткечләрен тулысынча үтәп бара.