ЯҢАЛЫКЛАР
Коммерциясез оешмалар өчен коронавирус пандемиясе кысаларында онлайн-консультацияләрнең артуы сәбәпле, коммерциясез оешмалар эшчәнлегенең төп мәсьәләләре буенча видеокурслар эшләү турында карар кабул ителде. Проектны Татарстан Республикасы Эшкуарлыкка ярдәм фондының Социаль өлкә инновацияләре үзәге, Инновацияле үсеш һәм технологияләр трансферы үзәге (Социаль юнәлешле коммерциясез оешмаларга ярдәм итү ресурс үзәге), Казан (Идел буе) федераль университеты, «Генезис» мәгариф үзәге, Татарстан Республикасы Икътисад министрлыгы һәм Татарстан Республикасы Иҗтимагый палатасы ярдәме белән гамәлгә ашырды.
Татарстан Республикасы Икътисад министрлыгы 2020 елның гыйнвар-апрель айлары өчен Татарстан Республикасы муниципаль районнарының һәм шәһәр округларының социаль-икътисадый үсеше буенча айларга бүленгән рейтинг формалаштырды.
Татарстан Республикасы Икътисад министрлыгы «Татарстан Республикасы территориясендә алкоголь продукциясен ваклап сату вакытына, шартларына һәм урыннарына өстәмә чикләүләр һәм Татарстан Республикасының кайбер закон актларының үз көчләрен югалтуын тану турында» Татарстан Республикасы Законына үзгәрешләр кертү хакында» Татарстан Республикасы законы проекты буенча гавами консультацияләр үткәрә.
1 нче июньнән башлап Россиядә предприятиеләрне ташламалы кредитлау программасы старт алды, ул елына 2% белән бирелә. Кредитларга зыян күргән тармаклардан һәм социаль юнәлешле коммерциясез оешмалардан, шулай ук эшчәнлекне яңарту өчен ярдәм таләп итүче тармаклардан компанияләр исәп тота ала. Алынган акчаларны эшкуар эшкуарлык эшчәнлеген гамәлгә ашыруга, шул исәптән хезмәткәрләргә хезмәт хакы түләүне дә кертеп, яисә элек алынган кредитларны, шул исәптән хезмәт өчен процентсыз кредитны түли ала.
Татарстан Республикасы Иҗтимагый палатасы рәисе Зилә Рәхимҗан кызы Вәлиева социаль юнәлешле коммерциясез оешмалар – Президент грантлары фонды конкурсында җиңүчеләр белән эшлекле очрашу уздырачак.
COVID-19 пандемиясенә бәйле катлаулы эпидемиологик хәл аркасында оешмаларның эшен вакытлыча туктатып тору, шулай ук тискәре тышкы икътисадый конъюнктура саклануы агымдагы елның апрелендә икътисадый активлыкның кимүенә йогынты ясады. Тулаем алганда, 2020 елның гыйнвар-апрель нәтиҗәләре буенча Татарстан Республикасының тулай төбәк продукты 742,3 млрд. сум тәшкил иткән, ягъни 2019 елның шул ук чоры дәрәҗәсенә карата 101,2% (агымдагы елның беренче кварталында – 102,0%).
Татарстанда кара һәм төсле металл калдыкларын әзерләүгә, саклауга, эшкәртүгә һәм сатуга лицензиясе булган предприятиеләргә карата 2020 елның апрель-декабренә билгеләнгән 15 планлы тикшерү гамәлдән чыгарылды, шуларның 11е – июнь-декабрь айларындагы чорга туры килә.
29 нчы марттан башлап, Татарстанның Икътисад министрлыгы ТР Президенты Рөстәм Миңнеханов йөкләмәсе буенча Татарстан эшкуарлары өчен «Адаптация технологияләре» дип аталган кризиска каршы онлайн-мастер-класслар сериясен эшләтеп җибәргән иде. Проект эшкуарларны агымдагы шартларга тиз арада җайлаштыру һәм кризис нәтиҗәләрен минимальләштерү өчен булдырылды.
ТР Икътисад министрлыгы, e-commerce базарының эре вәкиле WILDBERRIES белән берлектә, Татарстан эшкуарлары өчен «Welcome-тренинг: WILDBERRIES маркетплейсында ничек итеп бизнес төзергә» дигән темага семинар-уку әзерләде.
Бүген Татарстан Республикасы Министрлар Кабинетында Татарстан Республикасы Премьер-министры Алексей Песошин рәислегендә «Зеленодольск», «Түбән Кама» һәм «Чистай» алгарышлы социаль-икътисадый үсеш территорияләрендә эшчәнлек алып бару турында килешүләр төзү өчен гаризаларны карау буенча комиссия утырышы узды.