ЯҢАЛЫКЛАР
Бизнес өчен 3,96 млрд. сум. 2020 ел башыннан бирле Татарстан эшкуарлары Татарстан Республикасы Икътисад министрлыгына караган Татарстан Республикасы Гарантия фонды йөкләмәсе буенча шул суммада кредит акчаларын җәлеп иткән.
Татарстан Республикасы Икътисад министрлыгында «Яңа коронавирус йогышы таралуга бәйле рәвештә хәл начараю шартларында ТР икътисадының тотрыклы үсешен тәэмин итү буенча чаралар планын гамәлгә ашыру турында» атналык киңәшмә узды. Анда республика икътисадының тотрыклы үсешен тәэмин итү буенча эшче төркем әгъзалары, Татарстанның барлык муниципаль берәмлекләре, профильле министрлыклар һәм ведомстволар вәкилләре катнашты.
Җиңүчеләр 20 млн. сумга кадәр грантлар ала алачак.
Татарстанның Сәүдә-сәнәгать палатасы «Сезнең бизнеска канатлар» конкурсын башлап җибәргән. Конкурс икътисадның зыян күргән тармакларыннан эшкуарларны җәлеп итүгә һәм аларны мотивацияләүгә һәм Татарстан Республикасының социаль-икътисадый үсешенә яңа импульс бирүгә юнәлдерелгән. Конкурсның приз фонды 1,2 млн. сум тәшкил итә.
Сентябрьдә Сочида «Яңа дәвер өчен көчле идеяләр» форумы узачак, аны Стратегик инициативалар агентлыгы оештыра. Катнашу өчен гаризалар Стратегик инициативалар агентлыгы сайтында 24 августка кадәр кабул ителә.
15 июльдән башлап республикада эшчәнлеге персонал һәм кунаклар (клиентлар) белән озак вакытлы бәйләнештә булуны күздә тоткан кече һәм урта эшкуарлык субъектлары өчен ярдәм итүнең профилактика һәм йогышсызландыру чаралары үткәрүгә киткән чыгымнарны субсидияләү буенча яңа чарасы гамәлгә ашырыла башлады. Татарстан муниципаль берәмлекләреннән алынган мәгълүматларга караганда, узган атна ахырына субсидия алу өчен эшкуарлардан 6 852 гариза килгән.
2020 елның 31 июлендәге 262-ФЗ номерлы федераль закон нигезендә Россия Федерациясе Гражданлык кодексына, асылда, уйлап табуларга һәм файдалы модельләргә экспертиза үткәрү кысаларында, мәгълүмат эзләтүгә һәм патентка сәләтле булу-булмауга алдан бәяләү уздыруга аккредитацияләнгән оешмаларны җәлеп итүне күздә тоткан үзгәрешләр кабул ителгән.
334 артык кече һәм урта эшкуарлык субъекты финанс ярдәме алган.
«ЭРТИКО-ИТС Европа» ассоциациясе һәм Татарстан Республикасы Хөкүмәте арасында фәнни һәм эшлекле аралашуның халыкара дәрәҗәсен саклап калу максатларында, COVID-19 пандемиясе дәвам итү сәбәпле, Казанда узарга тиешле Беренче үзәк-көнчыгыш конгрессны 2020 елның 21-24 нче сентябренннән 2022 елның 19-21 нче сентябренә күчерү турында карар кабул ителгән.
Слайдта COVID-19 коронавирус йогышы таралган шартларда кече һәм урта эшкуарлык субъектларына кризиска каршы федераль һәм төбәк ярдәм чаралары турында мәгълүмат урнаштырылган