Стратегик инициативалар агентлыгы ил җитәкчелегенә күрсәтү өчен проектлар сайлый

Сентябрьдә Сочида «Яңа дәвер өчен көчле идеяләр» форумы узачак, аны Стратегик инициативалар агентлыгы оештыра. Катнашу өчен гаризалар Стратегик инициативалар агентлыгы сайтында 24 августка кадәр кабул ителә.

Шәхси идеяләрне җиде юнәлешнең берсе буенча крауд-платформада күрсәтергә мөмкин: хәзерге икътисади сәясәт, яңа социаль сәясәт, яңа технологик сәясәт, яңа компетенцияләр, яңа шәһәр сәясәте, бизнес өчен яңа идеяләр, яшьләрнең яңа көн тәртибе. 

Барлык идеяләр дә экспертлар тарафыннан бәяләнәчәк һәм халык арасында тавыш бирү уздырылачак. Тематик юнәлешләрнең кураторлары, форум партнерлары, Россия һәм халыкара экспертлар авторларга ярдәм итәчәк. Онлайн-форматта алар Россия төбәкләрендә гамәлгә кертергә мөмкин булган тулы кыйммәтле проектларга рәсмиләштерү өчен идеяләргә төзәтмәләр кертәчәк. Нәтиҗәдә, һәр тректа 10-13 иң мөһим инициатива сайланачак.  

Топ-100 идея һәм проект авторлары аларны ил җитәкчелегенә, федераль һәм халыкара экспертларга Сочида узачак форумда тәкъдим итәчәк. Җиңүчеләр СИА тарафыннан һәм партнерлардан ярдәм алачак, аларның проектларын төбәкләрдә тарату өчен «Смартека» акыллы чишелешләр китапханәсендә урнаштырачаклар.

Сайлап алу шартлары белән тулырак https://idea.asi.ru/#bc5f03eсайтында танышырга мөмкин.