ЯҢАЛЫКЛАР
Татарстанның берьюлы ике шәһәре Россиянең иң яхшы 10 моношәһәре исемлегенә кергән. «СКОЛКОВО» МШУ мәйданчыгында Моношәһәрләрне үстерү фонды 2019 ел өчен рейтинг йомгакларын ясаган. Социаль-икътисадый үсешнең югары дәрәҗәсен күрсәткән иң яхшы ун шәһәр арасына Яр Чаллы белән Түбән Кама да бар.
ТР Икътисад министрлыгы агымдагы елның 3 кварталы өчен Татарстан муниципаль районнарының һәм шәһәр округларының социаль-икътисадый үсешенә йомгак ясады.
Моношәһәрләрне үстерү фонды һәм OZON компаниясе «OZON маркетплейсында ничек сата башларга?» темасына вебинарлар сериясен уздырачак. Ел ахырына кадәр барлыгы шундый 3 чара узачак, аңа Россиянең барлык моношәһәрләреннән дә эшкуарлар кушыла алачак.
Ел башыннан бирле ТР Икътисад министрлыгына караган Эшкуарлыкка ярдәм фонды тарафыннан гамәлгә ашырыла торган микрофинанс программалары буенча республика бизнесы миллиард сумнан артык суммага кредит акчалары җәлеп иткән. Шунысын да билгеләп үтәргә кирәк, республика эшкуарлары займнарны онлайн рәсмиләштерүнең уңайлы булуын бәяләгән – кредит гаризаларының 90% өлеше ФАСТРЕК.РФ порталы аша бирелгән.
«Яңа вакыт өчен көчле идеяләр» форумының пленар утырышы кысаларында ил җитәкчелегенә Татарстан Республикасының «Сыналган бизнес» проекты тәкъдим ителде, ул Россиянең барлык субъектларыннан килгән икътисад, социаль һәм технологик өлкәләрне үстерү өчен 15 меңгә якын идеядән торган иң яхшы тәҗрибә сыйфатында сайланган.
Моношәһәрләрне үстерү фонды һәм Стратегик инициативалар агентлыгы моношәһәрләрдә социаль-икътисадый хәлне яхшырту һәм тотрыклыландыру буенча уртак эш башлап җибәрәчәк. Бу хакта килешүгә «Яңа вакыт өчен көчле идеяләр» форумы барышында РФ Икътисадый үсеш министры урынбасары, Моношәһәрләрне үстерү фонды генераль директоры Ирина Макиева һәм Стратегик инициативалар агентлыгы генераль директоры Светлана Чупшева кул куйды.
Казанда илкүләм проектлар турында мәгълүмат җиткерү һзм аларны гамәлгә ашыруда ярдәм күрсәтү мәсьәләләре буенча «Бердәм Россия» БСП Татарстан төбәк бүлеге Төбәк сәяси советы президиумы комиссиясенең ТР муниципаль берәмлекләрендәге комиссияләр белән уртак утырышы булды.
Ил субъектларында «Кече һәм урта эшкуарлык һәм шәхси эшкуарлык инициативасына ярдәм» илкүләм проекты (алга таба – илкүләм проект) нигезендә каралган структуралы укыту системасын оештыру максатларында, 2021 елдан башлап, РФ Икътисадый үсеш министрлыгы кече һәм урта эшкуарлык субъектлары һәм эшкуарлык эшчәнлеген башларга теләгән гражданнар өчен укыту программалары исемлеген актуальләштерү буенча чаралар планлаштырылган.
Бүгенге көндә Татарстанда үзмәшгуль сыйфатында 94 меңнән артык гражданин теркәлгән. Мондый статусны алырга ниятләгән кешеләр өчен ТР Икътисад министрлыгы ярдәме белән «Үзмәшгульләр старты» дигән түләүсез белем бирү программасы эшли башлады. Файдалы белем һәм практик күнекмәләрдән тыш, программада катнашучылар үз эшләрен ачуга 50 мең сум күләмендә стипендия дә алачак.
ТР Икътисад министрлыгында ресторан бизнесына ярдәм итү тематикасына багышланган онлайн-киңәшмә узды. Киңәшмә ТР Премьер-министры урынбасары – ТР икътисад министры Мидхәт Шаһиәхмәтов рәислегендә узды. Чарада индустрия һәм Министрлыкка караган структуралардан тыш, Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы идарәсе, бизнес-омбудсмен, Татарстан Республикасы Җир һәм мөлкәт мөнәсәбәтләре министрлыгы, Сәүдә-сәнәгать палатасы һәм Федераль салым хезмәтенең Татарстан Республикасы идарәсе катнашты.