ЯҢАЛЫКЛАР
2021 елның гыйнварыннан 1 апреленә кадәр Росстат кече бизнесны исәпкә алачак. Кече бизнесны икътисадый исәпкә алу биш елга бер тапкыр уздырыла. Россия законы нигезендә, кече эшкуарлык вәкилләре өчен анда катнашу мәҗбүри булып тора.
Узган атнада «Инновацияле бизнес-навигатор 2020-2021» проектының финал чарасы узган, анда бөтен ил эшкуарлары акселератор кысаларында эшләнгән иң яхшы проектларын тәкъдим иткән.
Илкүләм рейтинг агентлыгы, Микрофинанс базарында катнашучыларның илкүләм ассоциациясе (НАУМИР) белән берлектә, 2020 елда микрофинанс һәм микрокредит компанияләрен бәяләү буенча рейтинг проектын башлап җибәргән. 2020 елның 4 нче квартал йомгаклары буенча Татарстан Республикасы Икътисад министрлыгына караган Эшкуарлыкка ярдәм фонды бизнес өчен микрофинанс оешмалары арасында икенче урын алган, бары тик Краснодар краеннан гына калыша.
Татарстан Республикасы Икътисад министрлыгына караган Эшкуарлыкка ярдәм фонды ел саен уздырыла торган «Ел экспортеры» төбәк конкурсының башлануы турында игълан итте. Конкурс «Татарстан Республикасы Сәүдә-сәнәгать палатасы» берлеге белән берлектә үткәрелә.
Татарстан Республикасы Премьер-министры урынбасары – Татарстан Республикасы икътисад министры рәислегендә Татарстан Республикасы икътисадының тотрыклы үсешен тәэмин итү буенча эшче төркемнең традицион утырышы узды. Утырышның төп темаларының берсе - зыян күргән тармаклардагы предприятиеләрне торгызуга юнәлдерелгән яңа «ФОТ 3.0» программасы турында бизнеска хәбәр итү.
Соңгы 5 елда «КУЭ» корпорациясе» АҖ ярдәме белән моношәһәрләрдә кече һәм урта эшкуарлык субъектлары проектларын финанслауның гомуми суммасы 63,3 млрд.сумнан артып киткән. Финанс ярдәме буенча лидер моношәһәрләр – Татарстан Республикасының Яр Чаллы шәһәре – 9 млрд сум (328 алыш-биреш), Татарстан Республикасының Алабуга шәһәре.
Россия Федерациясенең Цифрлы үсеш, элемтә һәм массакүләм коммуникацияләр министрлыгы хәбәр иткәнчә, Дәүләт һәм муниципаль хезмәтләрнең бердәм порталында 2020 елга Кече һәм урта бизнесны икътисадый исәпкә алу кысаларында статистик хисаплар кабул ителә башлаган. Узган елда эшчәнлекнең төп күрсәткечләре турында электрон мәгълүматларны гадиләштерелгән режимда тапшырырга мөмкин.
Татарстан эшкуарлары eBay аша сату нигезләренә өйрәтү өчен вебинарда катнашырга чакырыла. Чара eBay маркетплейсы һәм ZoneSmart компания-интеграторы белән берлектә Татарстан Республикасы Эшкуарлыкка ярдәм фондының Экспортка ярдәм үзәге эшләтеп җибәргән eBay аша кече һәм урта бихзнес продукциясен экспортка сату һәм алга таба күрсәтүне үстерү программалары кысаларында узачак.
«Химград» технополисында «Инновацияләр: кризиска каршы үсеш стратегиясе» темасына түгәрәк өстәл утырышы узды. Татарстанда инновацияле эшкуарлыкка ярдәм итү чараларына һәм эш климатын яхшыртуга багышланган доклад белән Татарстан Республикасы икътисад министры урынбасары Динар Шакиров чыгыш ясады.
«Мәдәният» илкүләм проекты хисабына Чаллы курчак театры тулысынча төзекләндерелгән.