Татарстанның 2 шәһәре «КУЭ» корпорациясе» АҖ финанс ярдәме буенча лидер – моношәһәр булган
Соңгы 5 елда «КУЭ» корпорациясе» АҖ ярдәме белән моношәһәрләрдә кече һәм урта эшкуарлык субъектлары проектларын финанслауның гомуми суммасы 63,3 млрд.сумнан артып киткән. Финанс ярдәме буенча лидер моношәһәрләр – Татарстан Республикасының Яр Чаллы шәһәре – 9 млрд сум (328 алыш-биреш), Татарстан Республикасының Алабуга шәһәре.
Әлеге мәгълүмат 2021 елның 4 мартында МОНОГОРОДА.РФ, Россия Федерациясенең 63 субъекты, 321 моношәһәр, Россия Федерациясе Президентының федераль округлардагы тулы вәкаләтле вәкилләре аппаратлары катнашында «КУЭ» корпорациясе» АҖ тарафыннан оештырылган чираттагы Бөтенроссия чарасы барышында яңгыратылды.
Чара барышында катнашучылар моношәһәрләр территориясендә ярдәм алу һәм аларны күрсәтү тәҗрибәсе белән уртаклашты.
Җирле дәрәҗәдә уңышлы эш тәҗрибәсе турында Татарстан Республикасы Түбән Кама муниципаль районы башкарма комитеты җитәкчесенең инвестицияләр, кече һәм урта эшкуарлыкны үстерү һәм алгарышлы социаль-икътисадый үсеш территорияләре буенча беренче урынбасары Радмир Беляев сөйләде.
Беляев билгеләп узганча: «2020 ел нәтиҗәләре буенча Татарстан Республикасында Түбән Кама моношәһәре инвестиция климаты буенча беренче урынны алды. Проектлар портфелендә 52 млрд. сумлык 76 кече һәм урта эшкуарлык проекты бар, алар 11 мең эш урыны булдыруны күздә тота. 2020 ел нәтиҗәләре буенча 32 проект буенча 5,1 млрд.сумлык ярдәм күрсәтелгән, бу 1 048 эш урыны булдырырга мөмкинлек биргән. «КУЭ» корпорациясе» АҖ һәм региональ гарантия оешмасының өстәмә гарантиясе кысаларында «Микрофибра» ҖЧҖнең эре проектына финанс ярдәме күрсәтелде, гарантия тәэминаты предприятиегә 1,9 млрд.сумлык кредит җәлеп итәргә мөмкинлек бирде. Алга таба «КУЭ» корпорациясе» АҖ белән тыгыз һәм актив хезмәттәшлекне дәвам итәргә планлаштырабыз».
Киңәшмәдә шулай ук моношәһәрләр территориясендә үзмәшгуль гражданнарга ярдәм итү чаралары турында да фикер алыштылар. Эшкуарларга һәм «үзмәшгуль» гражданнарга гамәлдәге ярдәм чаралары турында мәгълүмат бирүне дәвам итү һәм әлеге бизнес вәкилләренең төрле ярдәм төрләре, шул исәптән үзмәшгульләр өчен «МСП Банк» АҖнең 7,5% белән махсус кредит продукты кысаларында еллык проектларны алга таба да дәвам иттерү турында карар кабул ителде.
Чарада катнашучылар, ахырда, эшкуарлардан төрле юнәлешләр буенча ярдәм таләп итүче инвестиция проектларын үстерү федераль институтларына әзерләү һәм җибәрү буенча активлык артуын көтүләре турында билгеләп үттеләр.